ນຳສະເໜີສິນຄ້າໃໝ່ ອາທິເຊັ່ນຈອນເຮັນຣີ່

 ວັນທີ 8 ກັນຍາ 2019 ທີ່ສູນການຄ້າທາດຫຼວງພລາຊາ ນະຄອນຫຼວງວຽງຈັນ ຮ້ານ ປ໊ອປ ພອຍ ຊ໋ອບ ບາຍ ຈອມຂວັນໄດ້ຈັດພິທີນຳສະເໜີສິນຄ້າໃໝ່ອາທິເຊັ່ນ ຈອນເຮັນຣີ່ ໂດຍການເຂົ້າຮ່ວມຂອງທ່ານ ສົມສະໜຸກ ມີໄຊ ຮອງປະທານສະມາຄົມນັກຂ່າວແຫ່ງ ສປປ ລາວ, ທ່ານ ນາງ ເຈນຈິຣາ ຈິນານຸວັດທະນາ ເຈົ້າຂອງຮ້ານປ໊ອປ ພອຍ ຊ໋ອບ ບາຍ ຈອມຂວັນ, ທ່ານ ສົມບັດ ສີຣີພອນວິທະຍາຜູ້ອໍານວຍການສູນການຄ້າທາດຫຼວງພລາຊາພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

  ທ່ານ ນາງ ເຈນຈິຣາ ຈິນານຸວັດທະນາ ໃຫ້ຮູ້ວ່າ: ການຈັດງານຄັ້ງນີ້ເພື່ອຕອບສະໜອງຄວາມຕ້ອງການຂອງລູກຄ້າໃນປະຈຸບັນໃຫ້ມີຄວາມສະດວກສະບາຍໃນການຊົມໃຊ້ສິນຄ້າປະເພດເຄື່ອງນຸ່ງຮົມທີ່ມີຄຸນນະພາບຍີ່ຫໍ້ໃໝ່ຂອງອາທິເຊັ່ນຈອນເຮັນຣີ່ ເສື້ອສໍາລັບທ່ານ ຊາຍ ອີເອສພີ ແອວທີດີ ເສື້ອແຟຊັ່ນ ທ່ານຊາຍ, ທ່ານຍິງ ເອສປາດ້າ, ອີພີ ແລະໂອວີເອສ ນອກນີ້ຍັງມີເສື້ອສຳລັບເດັກນ້ອຍຊຶ່ງຮ້ານຕັ້ງຢູ່ຊັ້ນ 1 ແລະຊັ້ນ 2 ຂອງສູນການຄ້າທາດຫຼວງພລາຊານະຄອນຫຼວງວຽງຈັນ

  ນອກນັ້ນພາຍໃນງານຍັງມີການເດີນແບບສະແດງສິນຄ້າຍີ່ຫໍ້ດັ່ງຕ່າງໆ ແລະມີການຈົກສະຫຼາກແຈກຂອງລາງວັນໃຫ້ກັບລູກຄ້າທີ່ມາຮ່ວມງານອີກຫຼາຍລາງວັນເປັນຕົ້ນ: ລົດຖີບພັບໄດ້ມູນຄ່າ 7,5 ແສນກີບ 1 ຄັນ ຈໍານວນ 5 ລາງວັນ, ນໍ້າຫອມ 1 ຊຸດ ມູນຄ່າ 7 ແສນກີບຈໍານວນ 10 ລາງວັນ, ຜ້າຫົ່ມມູນຄ່າ 4,5 ແສນກີບ 1 ຜືນ ຈໍານວນ 10 ລາງວັນ, ຜ້າປູບ່ອນ 1 ຊຸດມູນຄ່າ 2,95 ແສນກີບ ຈໍານວນ 10 ລາງວັນ ແລະຕຸກກະຕາມູນຄ່າ 99 ພັນກີບ 1 ໂຕຈໍານວນ 10 ລາງວັນ ແລະຜ້າເຊັດຕົວ 1 ຜືນຈໍານວນ 10 ລາງວັນ ແລະອື່ນໆ.

--------

ຂຽນໂດຍ: ວົງມະນີ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์