ເມືອງໝື່ນ ປະຊຸມຜູ້ບໍລິຫານການສຶກສາ

  ວັນທີ 6 ກັນຍາ 2019 ເມືອງໝື່ນ ເປີດກອງປະຊຸມຜູ້ບໍລິ ຫານການສຶກສາ ແລະກີລາທົ່ວ ເມືອງປະຈໍາປີ 2018-2019 ຂຶ້ນຢ່າງເປັນທາງການທີ່ຫ້ອງວ່າການ ປົກຄອງເມືອງໃຫ້ກຽດເຂົ້າຂອງ ທ່ານ ພູວອນ ບຸນວິໄລ ເຈົ້າເມືອງ ໝື່ນ, ທ່ານ ລີຕົວ ລີເລ່ຍນູ ຫົວໜ້າຫ້ອງການສຶກສາທິການ ແລະກີລາເມືອງ, ມີຫົວໜ້າຫ້ອງການ, ອໍານວຍການແຕ່ລະໂຮງຮຽນ ແລະຄູອາຈານທົ່ວເມືອງເຂົ້າຮ່ວມ.

 ທ່ານ ລີຕົວ ລີເລ່ຍນູ ຫົວໜ້າ ຫ້ອງການສຶກສາທິການ ແລະກີ ລາເມືອງກ່າວວ່າ: ເພື່ອແນໃສ່ສືກ ສາອົບຮົມການເມືອງແນວຄິດ, ທັດສະນະຄຸນສົມບັດໃຫ້ແກ່ຄູ, ນັກ ຮຽນເອົາໃຈໃສ່ໃນການຈັດຕັ້ງການຮຽນ-ການສອນໃຫ້ເຂົ້າສູ່ລະບຽບ ຫຼັກການ,ໄດ້ປະສານສົມທົບກັບ ຄະນະພັດທະນາຂັ້ນບ້ານປຸກລະດົມ ຜູ້ປົກຄອງໃຫ້ສົ່ງລູກຫຼານເຂົ້າໂຮງ ຮຽນບໍ່ໃຫ້ອອກໂຮງຮຽນກາງປີເພື່ອ ຫຼຸດຜ່ອນການປະລະ ແລະຄ້າງຫ້ອງ ຂອງນັກຮຽນ, ເອົາໃຈໃສ່ສຶກສາ ອົບຮົມແນວຄິດຂອງນັກຮຽນເພື່ອ ຕ້ານ ແລະສະກັດກັ້ນບັນດາປະກົດ ການຫຍໍ້ທໍ້ທີ່ເກີດຂຶ້ນກັບນ້ອງນັກ ຮຽນເຊັ່ນ:ການມົ້ວສຸມຢູ່ສະຖານ ທີ່ບັນເທີງ, ຮ້ານກິນດື່ມ,ການນໍາ ໃຊ້ໂທລະສັບໃນໂມງຮຽນທີ່ບໍ່ຕິດພັນກັບການຮຽນ-ການສອນ, ພ້ອມນັ້ນກອງປະຊຸມກໍ່ໄດ້ປຶກສາຫາລືກັນປະກອບຄໍາຄິດຄໍາເຫັນຢ່າງກົງໄປ ກົງມາແບບເປັນກັນເອງ.

ຈາກນັ້ນທ່ານ ພູວອນ ບຸນວິໄລເຈົ້າເມືອງໝື່ນ ກໍໃຫ້ກຽດໂອ້ລົມຕໍ່ ກອງປະຊຸມຊຶ່ງທ່ານກໍ່ໄດ້ສະແດງ ຄວາມຍ້ອງຍໍຊົມເຊີຍຕໍ່ຜົນງານຂອງຄູ-ອາຈານໃນໄລຍະຜ່ານມາພ້ອມທັງໃຫ້ຄູ-ອາຈານທຸກຄົນຈົ່ງ ນຳໃຊ້ບົດຮຽນທີ່ຕົນເອງມີນັ້ນຖ່າຍທອດໃຫ້ນັກຮຽນທຸກຄົນໄດ້ຮັບພ້ອມກັນເອົາໃຈໃສ່ໃນການຂຶ້ນຫ້ອງສອນໃຫ້ເປັນປົກກະຕິເພື່ອໃຫ້ລູກຫຼານໃດ້ຮັບການຮຽນ-ການສອນແລ້ວໃຫ້ພ້ອມກັນນໍາເອົາເນື້ອໃນຈິດໃຈຂອງກອງປະຊຸມຄັ້ງນີ້ໄປນຳໃຊ້ໃຫ້ປະກົດຜົນເປັນຈິ່ງ.

-------

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์