ເມືອງປາກທາ ແຂ່ງຂັນກີລາ ຕ້ອນຮັບກອງປະຊຸມໃຫຍ່ 3 ຂັ້ນ

ການແຂ່ງຂັນກີລາສ້າງຂະບວນການຕ້ອນຮັບກອງປະຊຸມ ໃຫຍ່ 3 ຂັ້ນຂອງເມືອງປາກທາ ຄູ່ຊີງຊະນະເລີດມີຂຶ້ນໃນວັນທີ 4 ກັນຍາ 2019 ທີ່ເດີ່ນບານໂຮງ ຮຽນ ມສ ປາກທາ ພົບກັນລະ ຫວ່າງ ທິມຫ້ອງການໂຍທາທິການ ແລະຂົນສົ່ງເມືອງພົບກັບທີມບ້ານໃຫຍ່ປາກ ເຂົ້າຮ່ວມຮັບຊົມການ ແຂ່ງຂັນບານເຕະຮອບຊີງຊະນະ ເລີດໃນຄັ້ງນີ້ມີທ່ານ ສຸໄລ ດວງ ຜາຄຳ ເຈົ້າເມືອງປາກທາ, ພ້ອມ ດ້ວຍບັນດາກອງຊົມກອງເຊຍຈາກທັງ 2 ທີມ ແລະມວນຊົນອ້ອມຂ້າງເຂົ້າຮ່ວມຢ່າງຫຼວງຫຼາຍ,

  ການແຂ່ງຂັນເຄິ່ງເວລາທຳອິດ ໂດຍຕ່າງຝ່າຍຕ່າງວາງເກມມາດີປ່ຽນກັນບຸກປ່ຽນກັນຮັບຢ່າງດຸ ເດືອດ,ປະຕູທຳອິດນຳໄປກ່ອນໂດຍແມ່ນທິມຫ້ອງການໂຍທາທິ ການ ແລະຂົນສົ່ງຈາກນັ້ນບໍ່ພໍເທົ່າໃດນາທີທິມບ້ານໃຫຍ່ປາກທາ ສາ ມາດຍິງປະຕູຕາມມາສະເໝີໄດ້ 1 ປະຕູຕໍ່ 1 ຈົນຈົບການແຂ່ງຂັນເຄິ່ງເວລາທຳອິດສະເໝີກັນໄປ,ມາໃນເຄິ່ງເວລາທີ 2 ຕ່າງຝາຍຕ່າງແກ້ເກມໃສ່ກັນພ້ອມທັງຫຼິ້ນຢ່າງດຸ ເດືອດບວກກັບກອງຊົມກອງເຊຍທີ່ສ້າງບັນຍາກາດຢູ່ຂ້າງເດີ່ນເພື່ອສົ່ງແຮງໃຈໃຫ້ນັກກີລາທີມຂອງຕົນ, ທີມຫ້ອງການໂຍທາທິການ ແລະຂົນສົ່ງວາງເກມຫຼິ້ນໄດ້ດີກວ່າສາມາດຍິງໄດ້ອີກ 2 ປະຕູຈົບການແຂ່ງຂັນຫ້ອງການໂຍທາ ທິການ ແລະຂົນສົ່ງສາມາດເອົາຊະນະທີມບ້ານໃຫຍ່ປາກທາໄປໄດ້ 3 ຕໍ່ 2 ປະຕູ ຄວ້າໄຊຊະນະການ ແຂ່ງຂັນໃນຄັ້ງນີ້ໄປຄອງ, ສ່ວນວ່າທີມບ້ານໃຫຍ່ປາກທາ ແມ່ນໄດ້ ອັນດັບທີ 2.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์