ຮອງເຈົ້າເມືອງຮ້ຽມ ເນັ້ນທຸກພາກສ່ວນ ເອົາໃຈໃສ່ວຽກການສຶກສາ

  ພິທີໄຂສົກຮຽນໃໝ່ສົກ ຮຽນ 2019–2020 ໃນທົ່ວເມືອງ ຮ້ຽມໄດ້ໄຂຂຶ້ນຢ່າງເປັນທາງການໃນວັນທີ 2 ກັນຍາ 2019 ທີ່ສະໂມສອນເມືອງຮ້ຽມ ໂດຍການ ເປັນປະທານຂອງທ່ານລາຄອນວົງລາສີຮອງເຈົ້າເມືອງຮ້ຽມ,ປະທານຄະນະພັດທະນາການສຶກ ສາຂັ້ນເມືອງ, ທ່ານ ນາງ ຊ່ຽນ ສີດາວົງ ຫົວໜ້າຫ້ອງການສຶກສາທິການ ແລະກີລາເມືອງຮ້ຽມພ້ອມ ດ້ວຍຄະນະ, ມີບັນດາທ່ານຄະນະພັດທະນາການສຶກສາຂັ້ນເມືອງ,ຂັ້ນບ້ານ,ອໍານວຍການໂຮງຮຽນ, ຄູ-ອາຈານ ແລະນ້ອງນ້ອຍນັກຮຽນນັບແຕ່ຊັ້ນ ມ5 - ມ7 ເຂົ້າຮ່ວມ.

ໃນພິທີທ່ານ ລາຄອນ ວົງ ລາສີ ຮອງເຈົ້າເມືອງໄດ້ໂອ້ລົມພ້ອມທັງເນັ້ນໜັກໃຫ້ທຸກພາກສ່ວນເພີ່ມທະວີເອົາໃຈໃສ່ຕໍ່ວຽກງານການສຶກສາເຫັນໄດ້ຄວາມໝາຍ, ຄວາມສໍາຄັນ ແລະໄປກ່ອນວຽກ ງານອື່ນບາດກ້າວໜຶ່ງ, ໂດຍໃຫ້ຄະນະພັດທະນາການສຶກສາຂັ້ນເມືອງ, ຂັ້ນບ້ານຮ່ວມໄມ້ຮ່ວມມື, ເປັນເຈົ້າກິເຈົ້າການໃນການສຶກສາ ອົບຮົມລູກຫຼານ,ປະສານງານສົມ ທົບວຽກງານນໍາກັນໃຫ້ເນື່ອງນິດລຽນຕິດ,ຖ້າພົບເຫັນປະກົດການຫຍໍ້ທໍ້ທີ່ເກີດຂຶ້ນກັບວຽກງານສຶກ ສາໃຫ້ຮີບຮ້ອນເປີດກອງປະຊຸມ ເພື່ອສຶກສາສະພາບບັນຫາ, ຮ່ວມກັນປຶກສາຫາລື ແລະແກ້ໄຂໃຫ້ທັນການ,ໃຫ້ພໍ່ແມ່ຜູ້ປົກຄອງນັກຮຽນເອົາໃຈໃສ່ສຶກສາອົບຮົມທາງດ້ານແນວຄິດ,ບອກສອນລູກຫຼານ ໃຫ້ມີໃຈຮັກໃນການຮໍ່າຮຽນ,ຮັກຮີດຄອງປະເພນີອັນດີງາມຂອງ ຊາດ,ຂອງເຜົ່າ,ເຊື່ອຟັງຄໍາສັ່ງ ສອນຂອງຄູ-ອາຈານພ້ອມທັງປະຕິບັດຕາມກົດລະບຽບໂຮງຮຽນ ວາງອອກໃຫ້ເຂັ້ມງວດ,ສະກັດ ກັ້ນລູກຫຼານບໍ່ໃຫ້ອອກໂຮງຮຽນກາງປີເດັດຂາດ ແລະຮ່ວມໃຈກັນ ປະກອບສ່ວນວັດຖຸ, ປັດໄຈ, ເຫື່ອ ແຮງ ແລະສະຕິປັນຍາເພື່ອຊຸກຍູ້ ສົ່ງເສີມເຂົ້າໃນວຽກງານການສຶກ ສາໃຫ້ຟົດຟື້ນ, ໃຫ້ຜູ້ອໍານວຍການ,ຄູ-ອາຈານເອົາໃຈໃສ່ປະຕິບັດໜ້າທີ່ສິດສອນຈົນສຸດຄວາມສາມາດ, ພັດທະນາຕົນເອງຢູ່ຕະຫຼອດເວລາໃຫ້ກາຍເປັນຄູທີ່ສອນດີ-ສອນເກັ່ງ,ເອົາໃຈໃສ່ປະຕິບັດລະບຽບກົດ ໝາຍບ້ານເມືອງເວົ້າລວມ, ເວົ້າສະ ເພາະປະຕິບັດຕາມກົດລະບຽບຂອງ ຂະແໜງການສຶກສາວາງອອກໃຫ້ ເຂັ້ມງວດເພື່ອເປັນແວ່ນແຍງອັນ ໃສແຈ້ງໃຫ້ສັງຄົມສົມກັບຄໍາວ່າ: “ຄູຄືແມ່ພິມຂອງຊາດ”, ນອກນັ້ນ ທ່ານຍັງໄດ້ຝາກຄວາມເປັນຫ່ວງ ເປັນໃຍລູກຫຼານ,ນ້ອງນ້ອຍນັກຮຽນໃຫ້ພະຍາຍາມສຶກສາຮໍ່າຮຽນ ຢ່າງເອົາຈິງເອົາຈັງໃຫ້ກາຍເປັນ ນັກຮຽນດີ-ນັກຮຽນເກັ່ງ,ປະຕິບັດ ຕາມກົດລະບຽບຂອງໂຮງຮຽນວາງອອກໃຫ້ເຂັ້ມງວດ,ພັດທະນາຝຶກຝົນຫຼໍ່ຫຼອມຕົນເອງໃຫ້ກາຍເປັນຄົນຮູ້ຜູ້ດີ,ເຊື່ອຟັງຄໍາສັ່ງສອນຂອງພໍ່ແມ່ ແລະຄູ-ອາຈານ, ຮູ້ເຄົາ ລົບນັບຖື,ກະຕັນຍູຮູ້ຄຸນພໍ່ແມ່,ຄູ-ອາຈານ,ທ່ານຜູ້ນໍາ,ສະກັດກັ້ນບໍ່ໃຫ້ຫຼິ້ນໂທລະສັບໃນເວລາຮຽນ ພ້ອມກັນຕີຖອຍທຸກປະກົດການຫຍໍ້ ທໍ້ເຊັ່ນ: ຫຼິ້ນກິນຟຸມເຟືອຍ, ພົວພັນແບບຊູ້ສາວເກີນຂອບເຂດຜິດຮີດຄອງປະເພນີ, ຄວນໃຊ້ເວລາຫວ່າງໃຫ້ເປັນປະໂຫຍດດ້ວຍການຊ່ວຍວຽກຄອບຄົວ ແລະຫຼິ້ນກີລາເພື່ອຫ່າງໄກຈາກຢາເສບຕິດເພື່ອພັດທະນາຕົວເອງໃຫ້ກາຍເປັນຜູ້ສືບທອດທີ່ດີ ແລະກາຍເປັນໜໍ່ແໜງອັນປະເສີດຂອງຊາດຂອງສັງຄົມຕໍ່ໄປ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์