ຮອງນາຍົກຢ້ຽມຢາມ ແລະມອບເຄື່ອງຊ່ວຍເຫຼືອຜູ້ປະສົບໄພນໍ້າຖ້ວມ

  ວັນທີ 6 ກັນຍາຜ່ານມາ, ຄອບຄົວຂອງທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ, ທັງເປັນຜູ້ຊີ້ນໍາວຽກງານເສດຖະກິດ; ໄດ້ລົງຢ້ຽມຢາມຊຸກຍູ້ເພື່ອເປັນຂວັນກຳລັງໃຈປະຊາຊົນຜູ້ປະສົບໄພນໍ້າຖ້ວມຢູ່ແຂວງພາກກາງ-ແຂວງພາກໃຕ້ ສປປ ລາວ; ພ້ອມທັງໄດ້ມອບເຄື່ອງຊ່ວຍເຫຼືອບັນເທົາທຸກເບື້ອງຕົ້ນໃຫ້ແກ່ຜູ້ປະສົບໄພນໍ້າຖ້ວມຢູ່ບ້ານລະຫານໍ້າເມືອງສອງຄອນ ແຂວງສະຫວັນນະເຂດລວມມູນຄ່າ 100 ລ້ານກີບ.

 ການລົງໄປຢ້ຽມຢາມ ແລະຊຸກຍູ້ເພື່ອເປັນຂວັນກຳລັງໃຈແກ່ຜູ້ປະສົບໄພນໍ້າຖ້ວມຢູ່ແຂວງພາກກາງ-ແຂວງພາກໃຕ້ຂອງຄອບຄົວທ່ານ ສົມດີ ດວງດີ ຮອງນາຍົກລັດຖະ ມົນຕີ, ລັດຖະມົນຕີກະຊວງການເງິນທັງເປັນຜູ້ຊີ້ນໍາວຽກງານເສດຖະກິດໃນຄັ້ງນີ້ແບບຄອບຄົວ  ແລະການຮ່ວມແຮງຮ່ວມໃຈກັບຄອບຄົວ,ເພື່ອນມິດສະຫາຍຈຳນວນໜຶ່ງ, ພ້ອມທັງໄດ້ມອບວັດຖຸປັດໄຈ, ເຄື່ອງອຸປະໂພກ-ບໍລິໂພກຈໍານວນໜຶ່ງທີ່ຈໍາເປັນເຊັ່ນ: ນໍ້າດື່ມ, ຢາປົວພະຍາດ, ອາຫານແຫ້ງ, ໄຂ່ໄກ່, ຂະໜົມ ແລະອື່ນໆລວມມູນຄ່າທັງໝົດປະມານ 100 ລ້ານກີບ, ເພື່ອປະກອບສ່ວນເຂົ້າໃນການຊ່ວຍບັນເທົາທຸກຂອງປະຊາຊົນຜູ້ປະສົບໄພນໍ້າຖ້ວມຢູ່ບ້ານລະຫານໍ້າເມືອງສອງຄອນ ແຂວງສະ ຫວັນນະເຂດ ນຳອີກດ້ວຍ.

----------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์