ໂລກຮ້ອນເຮັດໃຫ້ຣັດເຊຍມີເກາະໃໝ່ເພີ່ມ 5 ແຫ່ງ

  ທີມງານນັກສຳຫຼວດ ອາກ ຕິກຂອງຣັດເຊຍ ເຮັດການສຳຫຼວດ ດິນແດນໝູ່ເກາະຂະໜາດນ້ອຍ 5 ແຫ່ງ ແຖບຂົ້ວໂລກເໜືອທີ່ຄົ້ນພົບ ໂດຍນັກສຶກສາຄົນຣັດເຊຍຈາກການກວດພົບການລະລາຍຂອງຖານນໍ້າກ້ອນຈາກຮູບພາບທາງ ດາວທຽມ.

ຕາມຂ່າວຕ່າງປະເທດລາຍງານວ່າ ກ່ອນການຄົ້ນພົບຂອງ ນາງ ມາຣິນາ ມິກູໂນວາ ໃນປີ 2016 ເກາະທັງ 5 ແຫ່ງຊ່ອນຢູ່ ໃຕ້ນໍ້າກ້ອນນານເຊນ ຫຼື ເອີ້ນຊື່ໜຶ່ງວ່າໄວກາ ໃນເຂດໝູ່ເກາະໂນວາ ຢາ ເຊມິລຢາການຄົ້ນພົບຂອງ ລາວເປັນສ່ວນໜຶ່ງຂອງການເຮັດ ລາຍງານປີສຸດທ້າຍທີ່ວິທະຍາໄລພາທິດນາວີແອດມິຣັລມາຄາ ຣອບ ໃນເມືອງເຊນປີເຕີສະເບີກ,ໂດຍເກາະທັງ 5 ແຫ່ງທີ່ຄົ້ນພົບມີຂະໜາດຕັ້ງແຕ່ 900-57.500 ແມັດກ້ອນ ທັງໝົດຢູ່ໃນອ່າວວິຊ ເທິງຝັ່ງທາງຕາເວັນອອກສຽງເໜືອຂອງໝູ່ເກາະໂນວາຢາ ເຊ ມິລຢາ, ຫຼັງຈາກລາວລາຍງານການຄົ້ນພົບດັ່ງກ່າວ ຕໍ່ມາທາງກອງທັບຣັດເຊຍໄດ້ຢືນຢັນວ່າ ເກາະທັງ 5 ແຫ່ງນັ້ນມີຢູ່ຈິງ ພ້ອມ ທັງມີການລະບຸຕຳແໜ່ງຂອງເກາະ ທັງ 5 ແຫ່ງນີ້ລົງໃນແຜນທີ່ການເດີນເຮືອໃນເສັ້ນທາງອາກຕິກ.

ການລະລາຍຂອງນໍ້າກ້ອນໃນຂົ້ວໂລກເໜືອເປັນການເປີດທາງ ສຳລັບການເດີນທາງດ້ວຍເຮືອຜ່ານພາກພື້ນໃນໄລຍະເວລາດົນ ກວ່າເກົ່າ ແລະຣັດເຊຍມີຜົນປະໂຫຍດມະຫານສານທັງທາງດ້ານການຄ້າ ແລະການທະຫານໃນພາກພື້ນອາກຕິກທາງເໜືອສຸດ ຂອງປະເທດ.

ພາບ ແລະຂາ່ວຈາກ:ໜັງສືພິມເສດຖະກິດ-ສັງຄົມ

• 04/09/2019