ເຄວິນຮາດ ດາລາຮູບເງົາຊື່ດັງລົດຂວໍ້າ ເຈັບສາຫັດ

 ຊູເປີສະຕາຮອນລິວູດຊື່ດັງ ເຄວິນ ຮາດຈາກຮູບເງົາເລື່ອງ Jumanji: Welcome to the Jungle ເກີດອຸບັດເຫດລົດຂວໍ້າຕົກພູໃກ້ກັບນະຄອນລອສແອງເຈລິສ ໃນຕອນກາງຄືນຂອງວັນທີ 1 ກັນຍາ ທີ່ຜ່ານມາເປັນເຫດເຮັດໃຫ້ ໄດ້ຮັບບາດເຈັບສາຫັດ ແລະກຳລັງຢູ່ລະຫວ່າງການຜ່າຕັດຢ່າງເລັ່ງດ່ວນ.

ຕາມການລາຍງານລະບຸວ່າເຈົ້າໜ້າທີ່ຕຳຫຼວດທ້ອງຖິ່ນຄາລາ ບາຊາສ ທາງຕາເວັນຕົກຂອງນະຄອນ ລອສແອງເຈລິສໄດ້ຮັບແຈ້ງອຸບັດເຫດລົດພິກຂວໍ້າ ແລະຕົກຖະໜົນໃນເວລາ 00:45 ໂມງຂອງວັນທີ 1 ກັນຍາ ທີ່ຜ່ານມາ ພົບລົດຄລາສສິກ 1970 Plymouth Barracuda ຢູ່ໃນສະພາບເພເສຍຫາຍ ແລະຈອດຢູ່ໃນພູແຄມທາງ, ເບື້ອງຕົ້ນພົບຜູ້ປະສົບເຫດ 3 ຄົນຄື ເຄວິນ ຮາດນັກສະແດງໜຸ່ມຊື່ດັງອາຍຸ 40 ປີເປັນໜຶ່ງໃນຜູ້ໂດຍສານທີ່ໄດຮັບບາດເຈັບສາຫັດເຈົ້າໜ້າທີ່ຈຶ່ງສົ່ງໄປໂຮງໝໍທັນທີ ໂດຍຢືນຢັນວ່າ ລາວບໍ່ໄດ້ເປັນຄົນຂັບລົດຂະນະທີ່ ເກີດເຫດຄັ້ງນີ້,ຂະນະທີ່ເຈົ້າໜ້າ ທີ່ຕຳຫຼວດລະບຸວ່າຍັງບໍ່ພົບຫຍັງ ບົ່ງບອກວ່າອຸບັດເຫດກ່ຽວຂ້ອງກັບການດື່ມສິ່ງມືນເມົາ ຫຼື ຢາເສບ ຕິດແຕ່ຍັງຢູ່ລະຫວ່າງການສືບສວນຫາສາເຫດທີ່ແທ້ຈິງຂອງອຸບັດເຫດໃນຄັ້ງນີ້ຢູ່.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์