ມອບ-ຮັບໂຄງການກໍ່ສ້າງໂຮງຮຽນເມືອງນໍ້ໝໍ້ທືນຊ່ວຍເະຫຼືອຈາກຍີ່ປຸ່ນ

   ພິທີມອບຮັບໂຄງການເສີມຄວາມໝັ້ນຄົງຂອງມະນຸດຂັ້ນຮາກຖານ (GGPs) ທີ່ເມືອງນໍ້າໝໍ້ ແຂວງອຸດົມໄຊ ຊຶ່ງເປັນໂຄງການຊ່ວຍເຫຼືອລ້າຈາກລັດຖະ ບານຍີ່ປຸ່ນ ມູນຄ່າ 145,943 ໂດລາສະຫະລັດໄດ້ຈັດຂຶ້ນໃນວັນທີ 16 ມັງກອນ 2019, ໂດຍມີທ່ານ ຄຳພັນ ເຜີຍຍະວົງ ເຈົ້າແຂວງ ແຂວງອຸດົມໄຊ, ທ່ານ ທາເຄຊິ ຮິກິຮາຣະເອກອັກ ຄະຣາຊະທູດຍີ່ປຸ່ນປະຈຳສປປລາວ ແລະພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພິຍານ.

  ໂຄງການດັ່ງກ່າວເປັນໂຄງການຊ່ວຍເຫຼືອລ້າຈາກລັດຖະບານຍີ່ປຸ່ນມີມູນຄ່າ 145,943 ໂດລາສະຫະລັດຊຶ່ງໄດ້ຖືກເຊັນສັນຍາຂຶ້ນໃນເດືອນມີນາປີ 2017. ເນື່ອງຈາກວ່າຫ້ອງຮຽນພາຍໃນໂຮງຮຽນມັດຖະຍົມສຶກສາພູເຄືອ ເມືອງນາໝໍ້ ໄດ້ມີສະພາບທີ່ຊຸດໂຊມ ແລະມີຄວາມຈຳເປັນທີ່ຈະຕ້ອງສ້ອມແປງເລື້ອຍໆ. ດັ່ງນັ້ນແລ້ວ, ໂຄງການນີ້ຈຶ່ງມີເປົ້າໝາຍທີ່ຈະຍົກລະດັບສະພາບແວດລ້ອມທາງການສຶກສາ ໂດຍການສ້າງອາຄານຮຽນໃໝ່ 2 ຫຼັງ ທີ່ມີຫ້ອງຮຽນພ້ອມເຟີນິເຈີຄົບຊຸດ 4 ຫ້ອງ. ທັງນີ້ກໍເພື່ອເຮັດໃຫ້ນັກຮຽນຈຳນວນ 305 ຄົນຈະໄດ້ຮັບຜົນປະໂຫຍດຈາກສະພາບແວດລ້ອມດ້ານການສຶກສາທີ່ດີຂຶ້ນ.

 ໃນພິທີດັ່ງກ່າວ, ທ່ານ ທາເຄຊິ  ຮິກິຮາຣະ ໄດ້ກ່າວເຖິງຄວາມສຳເລັດຂອງການປັບປຸງທີ່ມີຄວາມສຳຄັນນີ້ ແລະຍັງໄດ້ຕັ້ງຄວາມຫວັງວ່າໂຮງຮຽນມັດທະ ຍົມສຶກສາພູເຄືອຈະໄດ້ຮັບການນຳໃຊ້ ແລະ ບຳລຸງຮັກສາໃຫ້ຢູ່ໃນສະພາບທີ່ດີເປັນເວລາດົນນານ.

  ປະເທດຢີ່ປຸ່ນໄດ້ໃຫ້ການສະໜັບສະໜຸນຕໍ່ຄວາມພາຍະຍາມຂອງລັດຖະບານລາວໃນການພັດທະນາການສຶກສາຂັ້ນພື້ນຖານເປັນເວລາຫຼາຍປີ. ໂດຍຜ່ານໂຄງການ GGP ນີ້, ຊຶ່ງນັບແຕ່ປີ 1989 ເຖິງປະຈຸບັນມີໝົດ 296 ໂຄງການໃນນັ້ນປະກອບມີໂຮງຮຽນປະຖົມຈຳນວນ 174 ໂຮງຮຽນ ແລະໂຮງຮຽນມັດທະຍົມຕອນຕົ້ນ ແລະຕອນປາຍຈຳນວນ 70 ໂຮງຮຽນ.

แชร์