ນັກເທັນນິສເຍົາວະຊົນລາວຄວ້າແຊ້ມທີ່ຝຣັ່ງ

  ໃນລະຫວ່າງວັນທີ 17 ສິງຫາ-23 ກັນຍາ 2019 ນ້ອງປູ ເປ້ (ອາລິຍາ ວົງດາລາ) ນັກເທັນນິສເຍົາວະຊົນລາວ ອາຍຸ 14 ປີ ສ້າງປະກົດການໃໜ່ເປັນນັກເທັນນິສເຍົາວະຊົນຄົນທຳອິດຄວ້າ ແຊ້ມທີປະເທດຝຣັ່ງໃນລາຍການTennispro Cup ທີ່ສູນເທັນນິສນາໆຊາ INTERATIONALTENISCENTER-CAP D’AGDE ປະເທດຝຣັ່ງ.ໂດຍມີນັກກີລາຍິງ-ຊາຍເຂົ້າຮ່ວມເກືອບ 200 ຄົນ, ປູເປ້ ລົງແຂ່ງຂັນປະເພດຍິງດຽວຮອບທີ 1 ເຖິງຮອບ ທີ 3 ສາມາດເອົາຊະນະນັກກີລາເຈົ້າພາບຝຣັ່ງທີ່ມາຈາກນະຄອນຫຼວງປາຣິສ ແລະເມືອງລີຢົງ.ມາໃນຮອບຊິງຊະນະເລີດ ປູເປ້ ກໍ່ສາມາດເອົາຊະນະ Alexandra TUFA ນັກກີລາຈາກໂຣມາເນຍ (ຮູມານີ້) 2-0 ເຊັດ: 6-20 ແລະ 6-4 ຄວ້າແຊ້ມມາຄອງພ້ອມເງິນ ລາງວັນ 600 ເອີໂຮ ຫຼື ປະມານ 5,8 ລ້ານກີບ.ຈາກນັ້ນນ້ອງ ປູເປ້ ໄດ້ເຂົ້າຮ່ວມແຂ່ງຂັນຂອດດິນ (Clay court) ໃນລາຍການ TMC lesraquette de la dépêche 2019, ຜ່ານ 3 ຮອບ ກ່ອນມາ ຕົກຮອບຮອງຊະນະເລີດ (4 ຄົນ ສຸດທ້າຍ) ຢ່າງໜ້າເສຍດາຍ.

ທ່ານ ພູເຂົາທອງ ພົມມະວົງ ຜູ້ປົກຄອງທັງເປັນຜູ້ຈັດການສ່ວນ ຕົວຂອງນ້ອງປູເປ້ວ່າ: ນ້ອງອາ ລິຍາ ວົງດາລາ (ປູເປ້) ໄດ້ເດີນທາງໄປຝຶກຊ້ອມ ແລະແຂ່ງຂັນທີ່ຝຣັ່ງໃນຄັ້ງນີ້ແມ່ນໄດ້ຮັບການສະໜັບສະໜູນຈາກຄູຝຶກ Eric Pierron ລູກຊອດລາວຝຣັ່ງ ຊຶ່ງເປັນຜູ້ປະສານງານທຸກຢ່າງໃຫ້ນອ້ງປູເປ້ ໄດ້ມາແຂ່ງຂັນ,ການແຂ່ງຂັນແມ່ນມີການສະສົມຄະແນນຈັດອັນດັບເຍົາວະຊົນນາໆຊາດ, ເພື່ອເປັນຕົວວາງສູ່ລາຍການຕໍ່ໄປ ໂດຍນ້ອງ ປູເປ້ ຍັງຈະເຂົ້າຮ່ວມ ແຂ່ງຂັນອີກ 2 ລາຍການອາທິດຕໍ່ໄປປະຈຸບັນກຳລັງເຈລະຈາເຊັນສັນຍາກັບສະໂມສອນເທັນນິສໃນ ຝຣັ່ງ ເພື່ອສືບຕໍ່ແຂ່ງຂັນຕໍ່ໄປຢ່າງຕໍ່ເນື່ອງ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์