ເມືອງຮຸນ ປະຊຸມຜູ້ບໍລິຫານການສຶກສາ

  ເມື່ອບໍ່ດົນມານີ້ ຫ້ອງການສຶກສາທິການ ແລະກີລາເມືອງຮຸນ ໄດ້ຈັດກອງປະຊຸມຜູ້ບໍລິຫານການ ສຶກສາ ແລະກີລາປະຈໍາສົກຮຽນ 2018-2019 ໂດຍການເປັນປະ ທານຮ່ວມຂອງທ່ານ ໄລພອນ ລິດຕະວົງ ຮອງເຈົ້າເມືອງຮຸນ, ທ່ານ ບຸນເພັງ ສີເທບພະບຸດ ຫົວໜ້າຫ້ອງການສຶກສາທິການ ແລະກີລາເມືອງ, ມີທ່ານ ພວງວິໄລ ອິນທະວົງ ຮັກສາການຫົວໜ້າພະແນກສຶກສາທິການ ແລະກີລາ ແຂວງ, ທ່ານ ນາງ ຈີ ຄຸນສະ ຫວງນ ຫົວໜ້າຫ້ອງການໂຄສະນາອົບຮົມເມືອງ, ມີພະນັກງານບໍ ລິຫານ, ຜູ້ອໍານວຍການ ແລະຫົວໜ້າໝວດໂຮງຮຽນທົ່ວເມືອງເຂົ້າຮ່ວມ.

ໃນສົກຮຽນ 2018-2019 ທົ່ວເມືອງຮຸນ ມີໂຮງຮຽນທັງໝົດ 166 ແຫ່ງ ໃນນີ້ຊັ້ນອະນຸບານ 13 ແຫ່ງ, ຫ້ອງກຽມປະຖົມ 32 ແຫ່ງ,ປະຖົມ 105 ແຫ່ງ, ມັດທະຍົມ ຕອນຕົ້ນ 10 ແຫ່ງ ແລະມັດທະ ຍົມຕອນປາຍ 6 ແຫ່ງ, ມີ 670 ຫ້ອງຮຽນ, ມີນັກຮຽນທັງໝົດ 20.603 ຄົນ ຍິງ 9.651 ຄົນ ໃນນີ້ ອະນຸບານ 1.129 ຄົນ ຍິງ 545 ຄົນ, ຫ້ອງກຽມ 502 ຄົນ ຍິງ 231 ຄົນ, ຊັ້ນປະຖົມ 10.655 ຄົນ ຍິງ 5.032 ຄົນ, ມັດທະຍົມ ຕົ້ນ 5.828 ຄົນ ຍິງ 2.707 ຄົນ, ມັດທະຍົມປາຍ 2.489 ຄົນ ຍິງ 1.136 ຄົນ, ໃນໄລຍະຜ່ານມາໄດ້ ເອົາໃຈໃສ່ປຸກລະດົມສ້າງໂອກາດ ໃຫ້ເດັກທີ່ມີເກນອາຍຸໄດ້ເຂົ້າຮຽນ ໃນແຕ່ລະຊັ້ນຫຼາຍຂຶ້ນເຊັ່ນ: ອັດ ຕາເຂົ້າຮຽນຂອງເດັກເກນອາຍຸ 3-5 ປີ ບັນລຸໄດ້ 33,2%, ອັດຕາ ເຂົ້າຮຽນຂອງເດັກເກນອາຍຸ 5 ປີບັນລຸໄດ້56,09% ອັດຕາເຂົ້າຮຽນລວມຊັ້ນປະຖົມ  117%  ທຽບໃສ່ແຜນປີ ລື່ນ 5%, ອັດຕາເຂົ້າ ຮຽນສຸດທິຊັ້ນປະຖົມ 98,87% ອັດຕາເຂົ້າຮຽນລວມຊັ້ນມັດທະຍົມ ຕົ້ນ 91,2% ອັດຕາເຂົ້າຮຽນ ລວມຊັ້ນມັດທະຍົມປາຍ 57%.

ນອກນັ້ນຍັງໄດ້ເປີດການຮຽນການສອນຊັ້ນປະຖົມບໍາລຸງ 10 ບ້ານມີນັກຮຽນ 193 ຄົນ ຍິງ 99 ຄົນ, ເປີດການຮຽນ-ການສອນບໍາລຸງປະຊາຊົນຊັ້ນມັດທະຍົມຕົ້ນ 9 ບ້ານ ມີນັກຮຽນ 164 ຄົນ ຍິງ 85 ຄົນ ໃນນັ້ນໄດ້ເປີດການ ຮຽນ-ການສອນໃຫ້ບໍາລຸງມໍຕົ້ນ ແລະມໍປາຍໃຫ້ພະນັກງານນັກຮົບກອງພົນທະຫານລາບທີ 3, ລົງ ຕິດຕາມການຮຽນ-ການສອນ ແລະປະເມີນໂຮງຮຽນຕົວແບບໄປ ຕາມແຜນການໃນສົກຮຽນ 2019-2020, ໄດ້ມີແຜນສູ້ຊົນແກ້ໄຂບັນ ຫາຕ່າງໆທີ່ກົດໜ່ວງການພັດການສຶກສາ-ກີລາຈະຕ້ອງໄດ້ສູ້ຊົນສົ່ງ ເສີມໃຫ້ເດັກໄດ້ເຂົ້າຮຽນຕາມເກນ ອາຍຸ 100%, ຂະຫຍາຍໂຮງຮຽນລ້ຽງເດັກ, ອະນຸບານ ແລະຫ້ອງ ກຽມປະຖົມໃຫ້ຫຼາຍຂຶ້ນ.

   ທັງນີ້ສ້າງຄວາມເຂັ້ມແຂງໃຫ້ຜູ້ບໍລິຫານໂຮງຮຽນ,ຄູສອນຕິດຕາມຊ່ວຍເຫຼືອການຮຽນ-ການສອນ,ການຄຸ້ມຄອງບໍລິຫານຕ່າງໆ ຢູ່ຂັ້ນໂຮງຮຽນໃຫ້ມີປະສິດທິພາບສູງ ໂດຍສະເພາະບໍາລຸງນັກຮຽນ ອ່ອນ, ສົ່ງເສີມນັກຮຽນເກັ່ງ,ປັບປຸງລະບົບການບໍລິຫານ,ສົ່ງເສີມນັກຮຽນໃຫ້ໄດ້ເຂົ້າຮຽນວິຊາຊີບທັງພາກລັດ ແລະເອກະຊົນເພື່ອຮັບປະກັນຄຸນນະພາບ,ສ້າງເງື່ອນໄຂທີ່ເອື້ອອໍານວຍຄວາມສະດວກໃນການຈັດກິດຈະກໍາກີລາ-ວັນນະຄະດີ ແລະກິດຈະກໍາອື່ນໆເພື່ອເປັນ ແຮງຈູງໃຈຕໍ່ກັບນັກຮຽນ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์