ໂຮງຮຽນຫ້ອມສະຫວັນພ້ອມ 100% ຮັບນັກຮຽນໃໝ່

   ໂຮງຮຽນຫ້ອມສະຫວັນ ເປັນໂຮງຮຽນເອກະຊົນທຸ້ມເທທຸກ ດ້ານການສຶກສາເພື່ອນັກຮຽນ, ຮັບປະກັນເລື່ອງຄຸນນະພາບ ຊຶ່ງນັບແຕ່ ເປີດການຮຽນ-ການສອນມາ 13 ປີຖືວ່າຜູ້ປົກຄອງພໍ່ແມ່ນັກຮຽນບໍລິ ເວນດັ່ງກ່າວໃຫ້ຄວາມເຊື່ອໝັ້ນ ວາງໃຈຄຸນນະພາບທີ່ສັງເກດວ່າ ສົ່ງລູກຫຼາຍເຂົ້າຮຽນ ຊຶ່ງສົກຮຽນ ໃໝ່ນີ້ທາງໂຮງຮຽນມີຄວາມພ້ອມແລ້ວ 100% ເປີດຮັບນັກຮຽນ ໃໝ່.

 ທ່ານ ວັນນະກອນ ຜົງສີໃສອຳນວຍການໂຮງຮຽນຫ້ອມສະຫວັນໃຫ້ສຳພາດວ່າ: ສຳລັບສົກ

ຮຽນໃໝ່ໂຮງຮຽນຫ້ອມສະຫວັນ 2019-2020 ທາງໂຮງຮຽນ ແມ່ນມີຄວາມພ້ອມແລ້ວ 100% ໂດຍສະເພາະອາຄານສະຖານທີ່,ບຸກຄະລາກອນເປີດຮັບແຕ່ຊັ້ນມັດທະຍົມຕອນຕົ້ນ-ຕອນປາຍ ໂດຍສອນຕາມຫຼັກສູດຂອງກະຊວງ ສຶກສາທິການ ແລະກີລາ, ເສີມຫຼັກສູດພາສາອັງກິດ, ພາສາຈີນ,ຄອມພິວເຕີ, ມີກິດຈະກຳສ້າງສັນຫຼາຍຢ່າງກີລາ, ສິລະປະຫັດຖະ ກຳ, ສິລະປະກຳການແຂ່ງຂັນຕ່າງໆ ທັດສະນະສຶກສາທັງພາຍ ໃນ ແລະປະເທດເພື່ອນບ້ານ ໂດຍ ຈະມີບໍລິການຝາກເງິນໄດ້ດອກ ເບ້ຍຮ່ວມກັບ EMI, ມີຊົ່ວໂມງບຳ ລຸງນັກຮຽນໂດຍບໍ່ເສຍຄ່າຮຽນເພີ່ມ. ມີຊົ່ວໂມງຮຽນທຳມະສຶກ ສາ 1 ເດືອນຕໍ່ຄັ້ງ, ສົກຮຽນໃໝ່ມີ ກີລາໝາກເສິກ ໂດຍສະຫະພັນກີ ລາໝາກເສິກແຫ່ງຊາດລາວ.

ສຳລັບປີຜ່ານມາທາງໂຮງ ຮຽນແມ່ນໄດ້ສ້າງກິດຈະກຳ ແລະ ພານັກຮຽນເຂົ້າຮ່ວມແຂ່ງຂັນ ແລະການຮຽນ-ການສອນ 2018- 2019 ໂດຍມີຜົນງານດີເດັ່ນຫຼາຍ   ດ້ານເຊັ່ນການສອບເສັງນັກຮຽນ  ເກັ່ງທົ່ວເມືອງຫາດຊາຍຟອງ ຊັ້ນ ມ4 ໄດ້ອັນດັບທີ 1, ທີ 2 ວິຊາພາ ສາລາວ, ໄດ້ທີ 1 ວິຊາຟິຊິກສາດ, ໄດ້ທີ 5 ວິຊາເຄມີສາດ, ແລະໄດ້ ທີ 3 ວິຊາໂລກອ້ອມຕົວ ປ5; ຂັ້ນ ນະຄອນຫຼວງໄດ້ລາງວັນຊົມເຊີຍ ວິຊາພາສາລາວ ມ4; ການສອບເສັງຈົບຊັ້ນ ປ5, ມ4 ທົ່ວເມືອງ ຫາດຊາຍຟອງ ໄດ້ອັນດັບທີ 3 ຊັ້ນ ປ5 ແລະມ4, ໄດ້ນັກຮຽນເກັ່ງ ລວມທັງໝົດ 35 ນ້ອງ, ຊັ້ນປະ ຖົມໄດ້ຮັບລາງວັນລະດັບໂລກ  ໂດຍ ຄອນເກດນິວຢອກສະຫະລັດອາເມລິກາ 1 ນ້ອງ ແລະລະດັບປະເທດ 5 ນ້ອງ ໃນການແຂ່ງຂັນແຕ້ມຮູບຮອຍຍິ້ມທີ່ສົດໃສກັບຢາຖູເເຂ້ວ ຄອນເກດ ຊັ້ນ ມ5 ມີ 3 ຄົນ ໄດ້ເປັນຕົວແທນເຍົາວະຊົນລາວໄປຮ່ວມງານມະຫາກຳຮູບເງົາທີ່ ແຂວງຮອກໄກໂດ ປະເທດຍີ່ປຸ່ນ, ຮູບເງົາວີດີໂອຂອງນັກຮຽນຫ້ອມ ສະຫວັນ ຊຶ່ງເປັນຕົວແທນຈາກ ສປປ ລາວ ໄດ້ຮັບເຖິງ 3 ລາງວັນ ໃນງານມະຫາກຳຮູບເງົາເດັກ ນ້ອຍ-ຊາວໜຸ່ມອາຊຽນຄັ້ງທີ 2 ທີ່ປະເທດຟິລິບປິນ, ນັກຮຽນຊັ້ນ ມ3 ພ້ອມຜູ້ປົກຄອງໄດ້ເດີນທາງ ໄປທັດສະນະສຶກສາທີ່ກຸງເທບ- ຊົນບູລີ ສຳລັບຜູ້ທີ່ໄດ້ລາງວັນຊະນະເລີດໃນໂຄງການແຕ້ມຮູບ  Master Art Lao ຊຶ່ງໄດ້ຈັດຂຶ້ນທີ່ຈັງ ຫວັດໜອງຄາຍ, ນັກຮຽນຊັ້ນ  ມ5 ສາມາດໄດ້ຮັບລາງວັນຊະນະເລີດ ອັນດັບ 1  ໃນການແຂ່ງຂັນ ສິລະປະກຳໃນ  9  ຕົວເມືອງຂອງນະຄອນ ຫຼວງວຽງຈັນ  ເພື່ອຕ້ອນຮັບປີທ່ອງທ່ຽວລາວ  2018  ແລະສະເຫຼີມສະ ຫຼອງວັນຄູແຫ່ງຊາດ 7 ຕຸລາ ຄົບ  ຮອບ 24 ປີ.

ການແຂ່ງຂັນສິລະປະທົ່ວເມືອງຫາດຊາຍຟອງ ໄດ້ທີ 2 ປະເພດ ຟ້ອນປະຖົມ, ທີ 3 ປະເພດຟ້ອນ ມັດທະຍົມຕົ້ນ, ນັກຮຽນຊັ້ນ ມ4, ມ5  ໄດ້ຮັບລາງວັນຮອງຊະນະເລີດອັນດັບ 1 ໃນການປະກວດຍ່າງ ແບບຊຸດແຟຊັນຣີໄຊເຄີ້ລ  RECYCLE FASHION DESIGNER 2018 ໂດຍກະຊວງວິທະ ຍາສາດ ແລະເຕັກໂນໂລຊີ, ນັກຮຽນຊັ້ນ ມ5 ໄດ້ຮັບລາງວັນອັນດັບ 4 ກັບຜົນງານຄລິບສັ້ນເລື່ອງ “ຂອບໃຈ”ໃນການແຂ່ງຂັນຄລິບວີດີໂອທົ່ວ ປະເທດໃນຫົວຂໍ້  “ສິ່ງທີ່ຢາກບອກ”ຊຶ່ງຈັດໂດຍກົມຮູບເງົາກະຊວງຖະແຫຼງຂ່າວວັດທະນະທຳ  ແລະທ່ອງ ທ່ຽວ, ນັກຮຽນຊັ້ນ ມ3 ໄດ້ລາງ ວັນຊະນະເລີດອັນດັບ 1, ອັນດັບ 2 ໃນການແຂ່ງຂັນ HalloweenCosplay Contest ທີ່ວຽງຈັນ ເຊັນເຕີ, ນັກຮຽນປະຖົມໄດ້ຮັບລາງວັນອັນດັບ 1 ໃນການແຂ່ງຂັນ ຕອບຄຳຖາມຄວາມຮູ້ຮອບຕົວ ແລະອັນດັບ 1 ກີລາຕີກອບຊາວ ບ້ານມັດທະຍົມ ໃນງານຕັ້ງຄ້າຍຊາວຫນຸ່ມ-ເຍົາວະຊົນທົ່ວເມືອງ ຫາດຊາຍຟອງ.ນອກນີ້ການແຂ່ງຂັນແຕ້ມຮູບ ລົດໂຕໂຍຕ້າໃນຝັນຂອງຂ້ອຍປະ ຈຳປີ 2019 ເພື່ອຈະຄັດເລືອກ  ຕົວແທນປະເທດລາວໄປແຂ່ງຂັນ ລະດັບໂລກທີ່ປະເທດຍີ່ປຸ່ນໃນຮອບ 30 ຮູບສຸດທ້າຍນັກຮຽນຫ້ອມສະ ຫວັນສາມາດເຂົ້າຮອບໄດ້  12  ຄົນ,ລຸ້ນຕໍ່າກວ່າ 8 ປີ 6 ຄົນ, ລຸ້ນ 8-11 ປີ 3 ຄົນ, ລຸ້ນ 12-15 ປີ 3  ຄົນແລະໃນຮອບຊິງຊະນະເລີດໄດ້ຮັບ ລາງວັນດັ່ງນີ້:  ຮຸ່ນອາຍຸຕໍ່າກວ່າ 8 ປີ ໄດ້ອັນດັບທີ 2, ທີ 3, ທີ 4 ແລະຮຸ່ນອາຍຸ 8-11 ປີ ໄດ້ອັນດັບ ທີ 3.

ນັກຮຽນຫ້ອມສະຫວັນ  ໄດ້ຮັບລາງວັນຊະນະເລີດໃນການແຂ່ງ ຂັນແຕ້ມຮູບຈາກງານບຸນມະໂຫລານສົ່ງເສີມການອ່ານນະຄອນຫຼວງວຽງຈັນ ຄັ້ງທີ 1 ດັ່ງນີ້: ລະດັບປະຖົມໄດ້ທີ 1, ລະດັບມັດທະຍົມຕົ້ນໄດ້ທີ 1 ແລະໄດ້ທີ3, 3 ນ້ອງ, ລະດັບມັດທະຍົມປາຍໄດ້ທີ 3, ມີ 2 ນ້ອງ, ນັກຮຽນຊັ້ນ ມ5 ສາມາດໄດ້ລາງວັນທີ 2 ໃນການ ແຂ່ງຂັນຖ່າຍຮູບ Tenkawa Photo Contest 2019 ເພື່ອຄັດຕົວແທນປະເທດລາວໄປຮ່ວມ ແຂ່ງຂັນທີ່ຮອກໄກໂດປະເທດ ຍີ່ປຸ່ນ, ການແຂ່ງຂັນປະຕິມາກຳ ສັດຂອງຜະລິດຕະພັນນໍ້າດື່ມຫົວເສືອໄດ້ຮັບລາງວັນຮອງຊະນະເລີດອັນດັບ 1, ການແຂ່ງຂັນວິ ດີໂອສັ້ນ ຫົວຂໍ້: “ຊາວໜຸ່ມກັບ ການຖືພາ  ແລະສຸຂະພາບຈະເລີນພັນ” ໄດ້ອັນດັບທີ 3 ຈັດໂດຍສູນ ກາງຊາວໜຸ່ມລາວ; ສ່ວນການ ແຂ່ງຂັນກີລາໝາກເສິກມິດຕະພາບ ໄດ້ອັນດັບ 3 ຈັດໂດຍສະຫະພັນ ໝາກເສິກແຫ່ງຊາດລາວ.

ໂຮງຮຽນຫ້ອມສະຫວັນ ໄດ້ ຮັບໃບຍ້ອງຍໍໃນການສ້າງນັກ ຮຽນເກັ່ງຂັ້ນນະຄອນຫຼວງວຽງ ຈັນ ແລະເປັນໂຮງຮຽນຂຽວສະອາດ ແລະຄຸນນະພາບດີຂັ້ນນະ  ຄອນຫຼວງວຽງຈັນ, ມີສະຖານທີ່ ຕັ້ງຢູ່ບ້ານຈຽມປາງ ເຂດບ້ານ ຫ້ອມ ເມືອງຫາດຊາຍຟອງ ນະຄອນຫຼວງວຽງຈັນ ໂທ/ວອດແອັບ 020 98782878 ຍິນດີຕ້ອນ ຮັບ, ພິເສດຄ່າຮຽນເທົ່າກັນທຸກຫ້ອງພຽງ 2 ແສນຕໍ່ເດືອນ, ຈ່າຍ ໝົດປີຫຼຸດ 5%.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์