ມອບໂຮງຮຽນອະນຸບານຫຼັງໃໝ່ບ້ານໂພນຊາຍ

   ພິທີມອບ-ຮັບໂຮງຮຽນອະນຸບານຫຼັງໃໝ່ບ້ານໂພນຊາຍ ເມືອງ ສົບເບົາ ແຂວງຫົວພັນ ໄດ້ຈັດຂຶ້ນໃນວັນທີ 26 ສິງຫາ 2019 ຢູ່ ທີ່ໂຮງຮຽນດັ່ງກ່າວໂດຍການເຂົ້າຮ່ວມຂອງທ່ານ ຄຳຜິວ ວົງສະ ຫວັນ ຮອງເລຂາພັກແຂວງ, ທ່ານ ພູໂຊນ ທຳມະວິໄຊ ຮອງເຈົ້າ ແຂວງ, ມີທ່ານເຈົ້າເມືອງ, ພາກ ສ່ວນກ່ຽວຂ້ອງຂັ້ນແຂວງ-ເມືອງ ສົບເບົາ, ເຈົ້າຂອງຜູ້ ໃຫ້ທຶນ ແລະ ປະຊາຊົນບ້ານໂພນຊາຍເຂົ້າຮ່ວມ.

ໂຮງຮຽນອະນຸບານບ້ານໂພນຊາຍ ເມືອງສົບເບົາ ໄດ້ເລີ່ມລົງ ມືກໍ່ສ້າງມາແຕ່ຕົ້ນເດືອນມິຖຸນາ 2019 ແລະສໍາເລັດລົງໃນຕົ້ນ ເດືອນກໍລະກົດ 2019 ໂດຍແມ່ນທຶນຊ່ວຍເຫຼືອລ້າຈາກບໍລິສັດຊີມັງຫົວພັນລາວ-ຈີນອາງຊືຈໍາກັດ ມູນຄ່າ 150 ລ້ານກີບ ແລະທຶນ ສົມທົບຂອງລູກຫຼານບ້ານໂພນ ຊາຍເປັນວັດຖຸ ແລະແຮງງານມູນ ຄ່າ 10 ລ້ານກວ່າກີບ, ໂຮງຮຽນ ຫຼັງນີ້ມີລວງຍາວ 15 ແມັດກວ່າ, ກວ້າງ 8 ແມັດ, ມີ 2 ຫ້ອງຮຽນ, ໂຄງສ້າງເຮັດດ້ວຍເຫຼັກ ແລະສັງກະສີເຄືອບກັນຮ້ອນ, ປະກອບມີ ລະບົບໄຟຟ້າຄົບຊຸດນອກນີ້ຍັງເຮັດ ຮົ້ວຕາໜ່າງເຫຼັກອ້ອມໂຮງຮຽນມີຄວາມຍາວທັງໝົດ160 ແມັດແລະໜ້າເດີນປູເບຕົງ, ການປຸກສ້າງໂຮງຮຽນຫຼັງໃໝ່ນີ້ແມ່ນສ້າງທົດແທນຫຼັງເກົ່າທີ່ຖືກພາຍຸພັດເປ່ ເພໃນຄັ້ງວັນທີ 20 ພຶດສະພາ ປີນີ້ຍ້ອນເຫັນໄດ້ຄວາມສຳຄັນຂອງ ການສ້າງຊັບພະຍາກອນມະນຸດບໍລິສັດຊີມັງຫົວພັນລາວ-ຈີນອາງ ຊືຈໍາກັດ ຈຶ່ງສະໜອງທຶນຮອນປະ ກອບສ່ວນສ້າງໂຮງຮຽນຫຼັງນີ້ຂຶ້ນ ເພື່ອໃຫ້ລູກຫຼານໄດ້ມີບ່ອນຮຽນໜັງສື.

ໃຫ້ກຽດກ່າວມອບໂຮງຮຽນ ດັ່ງກ່າວ ໂດຍແມ່ນທ່ານ ເຊຍຈີນສ້າງປະທານບໍລິສັດ ຊີມັງຫົວພັນລາວ-ຈີນອາງຊືຈໍາກັດ ແລະທ່ານໄຊຍາແສງຊົງຢົງຢາຮັກສາການເຈົ້າເມືອງໆສົບເບົາ ເປັນຜູ້ກ່າວຮັບພ້ອມທັງມອບຕໍ່ໃຫ້ອຳນາດການປົກຄອງບ້ານ, ຄູ-ອາຈານເປັນຜູ້ປົກປັກຮັກສາ ແລະນຳໃຊ້ໃຫ້ເກີດປະໂຫຍດສູງສຸດ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์