ລາວ ສ ເກົາຫຼີ ຫາລືດາ້ນພະລັງງານ ໄັຟຟາ້

  ວັນທີ 29 ສິງຫາ 2019 ທີ່ ນະຄອນຫຼວງວຽງຈັນ ບໍລິສັດຜະລິດ-ໄຟ ຟ້າລາວ ມະຫາຊົນ ແລະບໍລິສັດ Korea Partners  ໄດ້ຈັດສໍາມະນາ ແລະພົບປະນັກທຸລະກິດກ່ຽວກັບອຸດສາ ຫະກໍາພະລັງງານ ລາວ-ສ.ເກົາຫຼີ ໂດຍ ການເຂົ້າຮ່ວມຂອງ ທ່ານ ສິນນາວາ ສຸພານຸວົງ ຮອງລັດຖະມົນຕີກະຊວງພະລັງງານ ແລະບໍ່ແຮ່, ທ່ານ sung Soon SHIN ເອກອັກຄະລັດຖະທູດ ສ ເກົາຫຼີ ປະຈຳ ລາວ, ທ່ານ Yeongtaek kong ຮອງປະທານ ບໍລິສັດ KHNP, ທ່ານ ນາງ ລັດຕະນາ ປະທຸມວັນ ຜູ້ອໍານວຍການໃຫຍ່ບໍລິສັດ ຜະລິດ-ໄຟຟ້າ ລາວ ມະຫາຊົນ ແລະພາກສ່ວນທີ່ກ່ຽວຂ້ອງເຂົ້າຮ່ວມ.

ທ່ານ ສິນນາວາສຸພານຸວົງ ໃຫ້ຮູ້ວ່າ: ການສໍາມະນາຄັ້ງນີ້ ນັບເປັນການສ້າງ ໂອກາດ ແລະສະພາບແວດລ້ອມຂອງການຮ່ວມມືສອງປະເທດໃນໄລຍະໃໝ່ໃຫ້ເຂົ້າສູ່ລວງເລິກໃນການພັດທະນາອຸດສາຫະກຳພະລັງງານສົ່ງເສີມ ແລະໃຫ້ ໂອກາດບັນດານັກທຸລະກິດ,ນັກພັດທະນາໂຄງການ,ນັກລົງທຶນ ແລະຜູ້ທີ່ມີຄວາມ ສົນໃຈໃນດ້ານພະລັງງານໄດ້ມີເວທີພົບປະ, ແລກປ່ຽນ ແລະປຶກສາຫາລືກັນໃນຫຼາຍໆຫົວຂໍ້ທີ່ສຳຄັນ ໂດຍສະເພາະແມ່ນການພັດທະນາພະລັງງານໄຟຟ້ານ້ຳຕົກ ແລະພະລັງງານນິວເຄຼຍ.

ທ່ານ sung Soon SHIN ກ່າວວ່າ: ລາວເປັນປະເທດທີ່ກຳລັງສຸມໃສ່ການພັດທະນາດ້ານພະລັງງານເພື່ອສົ່ງອອກໄຟຟ້າໃຫ້ກັບປະເທດໃກ້ຄຽງເຊັ່ນ:ໄທ ແລະຫວຽດນາມ ເພາະດ້ານພູມສັນຖານຂອງປະເທດມີປະລິມານນ້ຳຝົນສະເລ່ຍ 1800 ມີລີແມັດຕໍ່ປີ ແລະ 70% ຂອງປະເທດເປັນເຂດພູດອຍຊຶ່ງເປັນ ທ່າແຮງເໝາະສົມສໍາລັບການພັດທະນາຂະແໜງພະລັງງານໄພຟ້ານໍ້າຕົກສະນັ້ນທ່າແຮງດັ່ງກ່າວສາມາດເຮັດໃຫ້ ສປປ ລາວ ກາຍເປັນໝໍ້ໄຟແຫ່ງອາຊຽນໃນອະນາຄົດ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์