ຄະນະສະເພາະກິດລົງກວດກາທີ່ຕັ້ງຈູດຄຽ່ນຖາ່ຍສິນຄ້າດາ່ນບໍ່ເຕັນ

   ໃນລະຫວ່າງວັນ 1-2 ກັນຍາ 2019 ທີ່ຄະນະສະເພາະກິດນຳໂດຍທ່ານ ສົມດີ ດວງດີ ຮອງນາຍົກລັດຖະມົນ ຕີ ລັດຖະມົນຕີກະຊວງການເງິນ ແລະຄະນະທີ່ກ່ຽວຂ້ອງລົງກວດກາ,ຊີ້ນໍາ ແລະກຳນົດພື້ນທີ່ຈຸດທີ່ຕັ້ງຕົວຈິງການບໍລິການດຳເນີນທຸລະກິດສາງພັກ ແລະສະຖານທີ່ຄ່ຽນຖ່າຍສິນຄ້າຢູ່ດ່ານພາສີສາກົນບໍ່ເຕັນ ແຂວງ ຫຼວງນໍ້າທາ ຂອງບໍລິສັດ ແອວເອັສການ ຄ້າຂາອອກ-ຂາເຂົ້າ ຈຳກັດ ແລະບໍລິສັດ ລາວສາກົນ ໂອຊີດີ ຈຳກັດ.

ໃນການລົງກວດກາ, ຊີ້ນໍາ ແລະກຳ ນົດພື້ນທີ່-ຈຸດທີ່ຕັ້ງຕົວຈິງການບໍລິການ ດຳເນີນທຸລະກິດສາງພັກ ແລະສະຖານທີ່ຄ່ຽນຖ່າຍສິນຄ້າຢູ່ດ່ານພາສີສາກົນບໍ່ ເຕັນ; ໄດ້ພ້ອມກັນລົງເກັບກໍາຂໍ້ມູນ, ປຶກ ສາຫາລື ແລະຮັບຟັງບັນຫາຫຍຸ້ງຍາກ, ເພື່ອພ້ອມກັນຄົ້ນຄວ້າຊອກວິທີທາງແກ້ໄຂບັນຫາໃນສະເພາະໜ້າ ແລະຍາວນານ ຮັບປະກັນໃຫ້ມີຄວາມສະຫງົບ ແລະຍືນ ຍົງຕາມທິດເຊື່ອມຈອດເຊື່ອມໂຍງທາງ ດ້ານການຂົນສົ່ງທາງບົກກັບ ສປ ຈີນ ແລະພາກພື້ນຢ່າງມີປະສິດທິຜົນສູງ.

ຈາກນັ້ນທ່ານ ສົມດີ ດວງດີ ກໍໄດ້ ເນັ້ນຕື່ມວ່າ: ອີງຕາມທິດຊີ້ນໍາຂອງລັດ ຖະບານໄດ້ເຫັນດີດ້ານຫຼັກການຕາມ ການສະເໜີວິທີແກ້ໄຂກ່ຽວກັບສະພາບ ການດຳເນີນສາງພັກສິນຄ້າ ແລະສະ ຖານທີ່ຄ່ຽນຖ່າຍສິນຄ້າຢູ່ດ່ານພາສີສາ ກົນບໍ່ເຕັນ, ແຂວງຫຼວງນໍ້າທາຂອງບໍລິ ສັດແອວເອັສ ຂາອອກ-ຂາເຂົ້າຈຳກັດ ແລະບໍລິສັດ ລາວສາກົນ ໄອຊີດີ ຈຳກັດ ໂດຍໃຫ້ບໍລິສັດ ແອວເອັສ ຂາອອກ-ຂາ ເຂົ້າ ຈຳກັດ ແລະບໍລິສັດ ລາວສາກົນໄອ ຊີດີ ຈຳກັດ ສືບຕໍ່ດຳເນີນທຸລະກິດບໍລິການ ສາງພັກສິນຄ້າ ແລະສະຖານທີ່ຄ່ຽນຖ່າຍ ສິນຄ້າຢູ່ດ່ານພາສີສາກົນບໍ່ເຕັນ, ແຂວງ ຫຼວງນໍ້າທາດ້ວຍຮູບການແຂ່ງຂັນຕາມ ກົນໄກເສດຖະກິດຕະຫຼາດ, ຮັບປະກັນ ຄຸນນະພາບການບໍລິການໃຫ້ມີຄວາມ ວ່ອງໄວ, ໂປ່ງໃສ ແລະທັນສະໄໝໃຫ້ ແກ່ລູກຄ້າທີ່ມາໃຊ້ບໍລິການ.

ພ້ອມດຽວກັນນີ້, ໃຫ້ຍົກຍ້າຍຫ້ອງ ການພາສີ, ບ່ອນກວດກັກກັນພືດ ແລະຕູ້ສະແກນເນີທີ່ນໍາໃຊ້ປະຈຸບັນໄປຢູ່ສະຖານ ທີ່ເບື້ອງ ບໍລິສັດ ລາວສາກົນ ໄອຊີດີຈຳ ກັດເພື່ອຈັດລະບົບການແຈ້ງເອກະສານ ຕ່າງໆທັງຂາເຂົ້າ-ຂາອອກໃຫ້ມີຄວາມ ສະດວກ.

ສ່ວນດ່ານຕຳຫຼວດກວດຄົນເຂົ້າ ເມືອງ ແລະກົງສຸນແມ່ນໃຫ້ຮັກສາໄວ້ຢູ່ ບ່ອນເກົ່າໄປກ່ອນໃຫ້ກະຊວງການເງິນ ໂດຍສະເພາະແມ່ນກົມກ່ຽວຂ້ອງສົມທົບ ກັບພາກສ່ວນຕ່າງໆເຈລະຈາກັບບໍລິສັດ ລາວສາກົນ ໄອຊີດີເພື່ອມອບເຂດພື້ນທີ່ ຈຳນວນໜຶ່ງຂອງຕົນທີ່ຕິດກັບທາງ R3 ພ້ອມທັງອາຄານ ແລະວັດຖຸອຸປະກອນ ທີ່ນໍາໃຊ້ເຂົ້າໃນການບໍລິຫານດ່ານສາ ກົນໃຫ້ລັດເປັນຜູ້ຄຸ້ມຄອງ ແລະເຫັນດີ ໃຫ້ກະຊວງກ່ຽວຂ້ອງຄົ້ນຄວ້າ ແລະປຶກ ສາຫາກັບບໍລິສັດ ນູເທັກ (ຜູ້ສະໜອງ ອຸປະກອນສະແກນເນີ)  ໃນການປະກອບ ເຄື່ອນສະແກນເນີນອີກຈຳນວນ 1 ເຄື່ອງ ເຂົ້າຕື່ມເພື່ອສາມາດຮັບຮອງການເພີ່ມ ຂຶ້ນຈຳນວນລົດຂົນສົ່ງສິນຄ້າໃນຕໍ່ໜ້າ ແລະອໍານວຍຄວາມສະດວກບໍລິສັດ ຕ່າງໆສາມາດນໍາໃຊ້ໄດ້ໃນການຈໍລະ ຈອນສິນຄ້າຂາເຂົ້າ-ຂາອອກຢ່າງສະ ດວກສະບາຍ.

ນອກຈາກນີ້,ທ່ານຮອງນາຍົກລັດຖະມົນຕີ ລັດຖະມົນຕີກະຊວງການເງິນ, ພ້ອມດ້ວຍຄະນະໄປຢ້ຽມຊົມ ແລະຕິດ ຕາມໂຄງການກໍ່ສ້າງທາງລົດໄຟ,ການດໍາເນີນທຸລະກິດ ໄອຊີດີ, ດ່ານພາສີສາ ກົນບໍ່ເຕັນກ່ຽວກັບການເກັບຄ່າທຳນຽມຜ່ານລະບົບທັນສະໄໝ, ຕິດຕາມຄວາມຄືບໜ້າໂຄງການກໍ່ສ້າງເຂດເສດຖະກິດ ພິເສດບໍ່ເຕັນແດນງາມ,ສູນການຄ້າທີ່ ທັນສະໄໝ ແລະທະນາຄານລາວ-ຈີນ ໂດຍການຕ້ອນຮັບຂອງທ່ານປະທານ ເຂດເສດຖະກິດດັ່ງກ່າວ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์