ແຈ້ງການດ່ວນ! ທ່ຽງຄືນມື້ນີ້ຈະມີການປ່ອຍນ້ຳອອກເຂື່ອນນ້ຳຄານ 3

 ອີງໃສ່ປະລິມານນໍ້າໄຫຼເຂົ້າອ່າງໃນແຕ່ລະວັນເພີ່ມຂຶ້ນຢ່າງຕໍ່ເນື່ອງເຮັດໃຫ້ລະດັບການກັກເກັບນໍ້າພາຍໃນອ່າງເກັບນໍ້າເຂື່ອນໄຟຟ້ານໍ້າຄານ 3 ຈະເພີ່ມຂຶ້ນໃກ້ຈະເຖິງລະດັບກັກເກັບນໍ້າສູງສຸດ ແລະເພື່ອປ້ອງກັນໄພນໍ້າຖ້ວມຈາກທຳມະຊາດເຊິ່ງອາດສ້າງຄວາມເສຍຫາຍແກ່ຊີວິດ ແລະຊັບສິນ.

 ສະນັ້ນຄະນະຮັບຜິດຊອບເຄື່ອນໄຟຟ້ານໍ້າຄານ 2-3 ໄດ້ອອກແຈ້ງການວ່າ: ເລີ່ມແຕ່ເວລາ 24 ໂມງ ຂອງວັນທີ 2 ກັນຍາ 2019 ຈະໄດ້ລະບາຍນໍ້າອອກຈາກເຂື່ອນຜ່ານປະຕູນໍ້າລົ້ນຂອງເຂື່ອນໄຟຟ້ານໍ້າຄານ 3 ປະຈຸບັນຈຳນວນການລະບາຍນໍ້າຜ່ານເຄື່ອງຈັກແມ່ນ 172m3/s ແລະຈະລະບາຍຜ່ານປະຕູນໍ້າລົ້ນ 250-300 m3 /s ລວມການລະບາຍນໍ້າລົງສູ່ງທ້າຍເຂື່ອນທັງໝົດ 422-472 m3/s ເຊີ່ງການປ່ຽນແປງດັ່ງກ່າວຈະເຮັດໃຫ້ລະດັບນໍ້າທ້າຍເຂື່ອນປ່ຽນແປງຈາກລະດັບປົກກະຕິ 307,70 nasl ມາຢູ່ໃນລະດັບ 309,50Masl ເຊີ່ງຈະເພີມຂຶ້ນ 1,8-2,00 m (ລະດັບນໍ້າບໍ່ຈັດຢູ່ໃນລະດັບອັນຕະລາຍ)

 ສະນັ້ນຈຶ່ງຊໍປະຊາສຳພັນເຖິງອົງການປົກຄອງ, ຜູ້ປະກອບການທຸກພາກສ່ວນ ແລະພໍ່ແມ່ປະຊາຊົນທີ່ອາໄສຢູ່ລ້ອງສາຍນໍ້າຄານຕອນລຸ່ມຈົ່ງມີສະຕິກຽມພ້ອມໃນການເຝົ້າລະວັງ ແລະເກັບມ້ຽນສິ່ງຂອງເພື່ອປ້ອງກັນການເສັຍເຫຍຈາກນໍ້າຖ້ວມເຖິງອັນເນື່ອງມາຈາກການລະບາຍນໍ້າຜ່ານປະຕູນໍ້າລົ້ນໂດຍເຮັດໃຫ້ລະດັບນໍ້າທ້າຍເຂື່ອນ ແລະລ້ອງນໍ້າຄານຕອນລຸ່ມເພີ່ມຂຶ້ນ.

แชร์