ພະນັກງານເຮັດປູກຝັງ-ລ້ຽງສັດ ຈົນກາຍເປັນທຸລະກິດໝັ້ນຄົງ

  ການລ້ຽງສັດກໍ່ເປັນອາຊີບທີ່ສາມາດສ້າງລາຍຮັບໃຫ້ຄອບຄົວແຕ່ຕ້ອງມີພື້ນຖານຄວາມດຸໝັ່ນຂະຫຍັນພຽນ, ອົດທົນ ແລະ ມີຫົວຄິດປະດິດສ້າງຊອກຮູ້ຮໍ່າຮຽນຈາກຄົນອື່ນ ເພື່ອກາຍເປັນ ແຮງຊຸກຍູ້ໃຫ້ກ້າວເປັນທຸລະກິດ ທີ່ມີລາຍຮັບໝັ້ນຄົງເໝືອນດັ່ງ ທ່ານ ສົມຄິດ ສາມັກຄີອາຊີບພະນັກງານປະຈຸບັນຢູ່ບ້ານຊ້າຍເມືອງ ໄຊເສດຖາ ແຂວງອັດຕະປື ເປັນຄອບຄົວທີ່ຢຶດຖືອາຊີບປູກຝັງ-ລ້ຽງສັດຈົນກາຍເປັນສິນຄ້າຊຶ່ງແຕ່ລະປີສາມາດສ້າງລາຍໄດ້ 300 ລ້ານກີບ.

ທ່ານ ສົມຄິດ ສາມັກຄີ ໃຫ້ສຳ ພາດວ່າ: ປະຈຸບັນອາຍຸ 39 ປີ ໄດ້ຖືການປູກຝັງ-ລ້ຽງສັດເປັນອາ ຊີບສຳຮອງ ເມື່ອກ່ອນແມ່ນໄດ້ອາໄສທ່າແຮງເງິນເດືອນມາລົງທຶນ ໃນຄອບຄົວ ຊຶ່ງເບື້ອງຕົ້ນແມ່ນມີ 8 ລ້ານກີບ ໄດ້ລົງທຶນຊື້ເປັດ ແລະ ໄກ່ຈໍານວນ 50-60 ໂຕ ເພື່ອ ທົດລອງລ້ຽງ 1 ປີ ເຫັນວ່າຜົນ ຕອບຮັບດີຈຶ່ງໄດ້ຕັດສິນໃຈຂະ ຫຍາຍປູກຝັງ-ລ້ຽງສັດອອກຕື່ມ ໂດຍໄດ້ກູ້ຢືມເງິນນຳພີ່ນ້ອງບວກ ກັບການທ້ອນໂຮມເງິນເດືອນ ແລະການຂາຍເປັດ-ຂາຍໄກ່ ລວມທັງໝົດໄດ້ປະມານ 90 ລ້ານ ກີບ ໄປຊື້ດິນເນື້ອທີ່ 21 ເຮັກຕາ ແລະລົງທຶນສ້າງໜອງປາ 8 ໜອງ, ປຸກເຮືອນຢູ່ 1 ຫຼັງ, ສ້າງຄອກໄກ່ 5 ຄອກ, ເຈາະນໍ້າບາດານ ແລະ ດຶງໄຟຟ້າເຂົ້າ ພ້ອມທັງຊື້ແນວ ພັນໄກ່ລາດ, ເປັດ, ໝູ ແລະປາ ເຂົ້າ ມາລ້ຽງຈົນໄດ້ຜົນຕອບຮັບເພີ່ມ ຂຶ້ນເລື້ອຍໆ ມາຮອດປະຈຸບັນ ແມ່ນມີເນື້ອທີ່ຫຍ້າເປັນອາຫານ ໃຫ້ແບ້ ຈຳນວນ 2 ໄລ່ ແລະເນື້ອ ທີ່ປູກມັນຕົ້ນ 6 ເຮັກຕາ ພ້ອມທັງໄດ້ປັບປຸງຂະຫຍາຍໜອງປາອອກສາມາດລ້ຽງໄດ້ 36 ພັນໂຕ ພ້ອມທັງລ້ຽງແບ້ 80 ໂຕ, ໄກ່ລາດ ແລະເປັດປະມານ 4-5 ພັນໂຕ.

ສຳລັບການລ້ຽງສັດແຕ່ລະປະເພດເມື່ອຄົບຮອບໜຶ່ງປີແມ່ນ ຈະນຳອອກຂາຍ ໃນນີ້ສະເພາະປາ ດຸກໜຶ່ງປີແມ່ນຂາຍໄດ້ປະມານ 8 ໂຕນ, ປາເຂັງ 10 ໂຕນ ແລະປາ ສະຫຼິດ 8 ໂຕນ ສ່ວນໃຫຍ່ແມ່ນ ສົ່ງຂາຍໃຫ້ຕະຫຼາດໃນແຂວງອັດ ຕະປື ແລະບັນດາແຂວງໃກ້ຄຽງ ຊຶ່ງລວມເປັນເງິນຂາຍປາແມ່ນ ຈະໄດ້ປະມານ 300 ລ້ານກີບ ສ່ວນໄກ່ລາດ, ເປັດ ແລະ ໝູປີໜຶ່ງແມ່ນຂາຍໄດ້ 200 ລ້ານກີບ ແລະ ແບ້ແມ່ນຂາຍໄດ້ 60-70 ລ້ານກີບໂດຍລົບຕົ້ນທຶນອອກແລ້ວສາມາດສ້າງລາຍໄດ້ປະມານ 200-300 ລ້ານກີບຕໍ່ປີ.

 ທ່ານ ສົມຄິດ ສາມັກຄີ ໃຫ້ຮູ້ ຕື່ມວ່າ: ການສ້າງເສດຖະກິດປູກ ຝັງ-ລ້ຽງສັດນີ້ຕ້ອງເປັນຄົນດຸໝັ່ນ ອົດທົນຕໍ່ອຸປະສັກ, ຮູ້ໝູນໃຊ້ເຕັກ ນິກວິຊາການ ແລະທຸ້ມເທເຫື່ອ ແຮງສະຕິປັນຍາດ້ວຍຄວາມຕັດ ສິນໃຈສູງ ບວກກັບແນວທາງ ຂອງພັກ-ລັດທີ່ວາງອອກ ທັງນີ້ ຈະນຳພາຄອບຄົວໃຫ້ຫຼຸດພົ້ນອອກ ຈາກຄວາມທຸກຍາກ ແລະກ້າວເປັນ ທຸລະກິດທີ່ໝັ້ນຄົງ ໂດຍບໍ່ໄດ້ກູ້ຢືມ ເງິນທະນາຄານປະຈຸບັນຄອບຄົວ ມີເຮືອນຢູ່ຖາວອນ 1 ຫຼັງ, ມີຄື່ອງ ໃຊ້ໃນຄອບຄົວຄົບຊຸດ, ມີລົດໃຊ້ 3 ຄັນ ແລະມີເງິນໝູນວຽນໃນ ການລົງທຶນ ທັງໝົດນີ້ແມ່ນໝາກ ຜົນຈາກການຜັນຂະຫຍາຍແນວທາງນະໂຍບາຍຂອງພັກ ແລະລັດ ຖະບານເຂົ້າສູ່ວຽກງານຕົວຈິງ ກໍຄືການສ້າງເສດຖະກິດຄອບ ຄົວໃຫ້ສາມາດກຸ້ມຕົນເອງ ແລະ ພັດທະນາຂຶ້ນເທື່ອລະກ້າວ.

---------

ໂດຍ: ແພງຕາ

แชร์