ໄຟໄໝ້ບາຢູ່ເມັກຊິກເສຍຊີວິດ 23 ຄົນ

  ທາງການເມັກຊິກແຈ້ງວ່າ ເກີດເຫດໄຟໄໝ້ບາແຫ່ງໜຶ່ງໃນເມືອງທາງຕອນໃຕ້ຂອງປະເທດເຮັດ ໃຫ້ມີຜູ້ເສຍຊີວິດ 23 ຄົນ ຄາດວ່າ ເປັນການປະສົງຮ້າຍ.

ຕາມຂ່າວຕ່າງປະເທດລາຍງານວ່າເກີດເຫດໄຟໄໝ້ບາໃນເມືອງໂກອາດຊາໂກອັລກອສ ໃນວັນທີ 28 ສິງຫາທີ່ຜ່ານມາ ເຮັດໃຫ້ມີຜູ້ເສຍຊີວິດ 23 ຄົນ ໃນນັ້ນເປັນແມ່ຍິງ 8 ຄົນ, ຊາຍ 15 ຄົນ ແລະມີຜູ້ໄດ້ຮັບບາດ ເຈັບອາການສາຫັດຖືກນໍາຕົວສົ່ງໂຮງໝໍ 13 ຄົນ ທາງສຳນັກງານປະນາມດ້ວຍຖ້ອຍຄຳຮຸນແຮງຕໍ່ເຫດການທີ່ຄາດວ່າເປັນການຈົງໃຈກໍ່ເຫດປະສົງຮ້າຍ ເພາະສັນນິຖານກຸ່ມຄົນຮ້າຍໃຊ້ລະເບີດນໍ້າມັນແອັດຊັງຈູດໄຟຈົນລຸກໄໝ້ໄປທົ່ວບາ.

ເຫດການຄັ້ງນີ້ເກີດຂຶ້ນຫຼັງຈາກເມື່ອ 8 ປີກ່ອນເກີດໄຟໄໝ້ທີ່ກາສີໂນແຫ່ງໜຶ່ງໃນເມືອງມອນເຕເຣທາງເໜືອ ຂອງເມັກຊິກເຮັດໃຫ້ມີຜູ້ເສຍຊີວິດ 52 ຄົນ ເປັນສີມືຂອງແກ້ງຄ້າຢາເສບຕິດເຊຕາສ ທີ່ເອີ້ນຄ່າຄຸ້ມຄອງສະຖານທີ່.

• ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

• 30/08/2019