ບອງ ໂຈວີ່ ເຜີຍຊື່ອາລະບໍ້າເພງໃໝ່ ໄດ້ຟັງແນ່ນອນປີໜ້າ

  ຊຸບຕາເພງຣ໊ອກແອນໂຣລ ໃນຕຳນານ ບອງໂຈວີ່ ເປີດເຜີຍຊື່ອາລະບໍ້າໃໝ່ຂອງຕົນເອງໃນວັນທີ 27 ສິງຫາ ທີ່ຜ່ານມາ ຂະນະທີ່ກຳລັງຢູ່ໃນເຮືອທ່ອງທ່ຽວທີ່ແລ່ນ ຢູ່ໃນທະເລເມດິເຕີເຣເນກັບເທດສະການດົນຕີ ໂດຍລາວບອກກັບ ແຟນໆໃນໂຮງຮູບເງົາ Norwegian Pearl’s intimate Stardust ວ່າຊື່ອາລະບໍ້າເພງໃໝ່ນັ້ນກໍຄື “Bon Jovi: 2020” .

ນັກຮ້ອງຄົນດັງຊາວນີວເຈີຊີຍັງອະທິບາຍເຫດຜົນຕື່ມອີກວ່າ ເປັນຫຍັງລາວ ຈຶ່ງຕັ້ງຊື່ອາລະບໍ້າ “Bon Jovi: 2020” ນັ້ນກໍເພາະ ວ່າລາວມີວິໄສທັດທີ່ກະຈ່າງແຈ້ງ ຫຼັງຈາກທີ່ອາລະບໍ້າທີ່ຜ່ານມາ ທີ່ ປ່ອຍອອກມາໃນປີ 2016 ນັ້ນໃສ່ຊື່ວ່າ  “This House is Not  ForSale” (ບ້ານຫຼັງນີ້ບໍ່ໄດ້ມີໄວ້ ຂາຍ)  ໂດຍ This House is Not ForSale” ນັ້ນເວົ້າເຖິງເລື່ອງເຫດຜົນ ສ່ວນບຸກຄົນ ແລະຕອນນີ້ມັນກາຍ ເປັນອະດີດໄປແລ້ວແຕ່ຕອນນີ້ຂ້ອຍມີວິໄສທັດທີ່ໄກກວ່ານັ້ນຄືຕ້ອງ ກ້າວໄປຕໍ່ໜ້າ.

ບອງ ໂຈວີ່ ເປີດເຜີຍຕື່ມອີກ ວ່າອາລະບໍ້າຫຼ້າສຸດຈະເວົ້າເຖິງ ການໃສ່ໃຈເຖິງສັງຄົມສ່ວນລວມ ລວມທັງເພງທີ່ກ່ຽວກັບບັນດາຄົນທີ່ຕ້ອງທົນທຸກກັບຄວາມຄຽດ ແລະວິຕົກກັງວົນຫຼັງຈາກເຫດການຍິງກັນທີ່ໂອໄຮໂອ ແລະເທັກຊັສ ໂດຍບອງບອກວ່າມີຄວາມ ສຸກກັບການເຮັດວຽກຫຼາຍ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์