ສຶກສາເມືອງໝອກ ປະເມີນຄູສອນ 20 ໂຮງຮຽນເປົ້າໝາຍ

  ໃນເມື່ອບໍ່ດົນມານີ້ຫ້ອງການສຶກສາທິການ ແລະກີລາເມືອງ ໝອກ ແຂວງຊຽງຂວາງ ໄດ້ລົງປະເມີນຄູ-ອາຈານສອນໂຮງຮຽນປະຖົມ, ມັດທະຍົມຕົ້ນ ແລະ ມສ ກຸ່ມເປົ້າໝາຍຈໍານວນ 20 ໂຮງຮຽນ ຊຶ່ງນໍາໂດຍທ່ານ ໄທວ່າງ ກ່າຊົວ ຫົວໜ້າຫ້ອງການສຶກສາ ທິການ ແລະກີລາ ເມືອງໝອກພ້ອມດ້ວຍໜ່ວຍງານທີ່ກ່ຽວຂ້ອງ ເຂົ້າຮ່ວມ.

ຜ່ານການຈັດຕັ້ງປະຕິບັດຕົວຈິງຂອງຄະນະທີມງານທີ່ລົງປະ ເມີນຄັ້ງນີ້ເຫັນວ່າບັນດາໂຮງຮຽນ ເປົ້າໝາຍທີ່ຖືກປະເມີນໄດ້ມີຜົນ ງານພົ້ນເດັ່ນໃນຫຼາຍດ້ານເປັນຕົ້ນການບໍລິຫານຄຸ້ມຄອງໂຮງຮຽນ ແລະດ້ານການຮຽນ-ການສອນ ຂອງຄູ  ແລະນັກຮຽນມີຄວາມເຂັ້ມ ແຂງ ແລະມີປະສິດທິພາບສູງຂຶ້ນກ່ວາເກົ່າເມື່ອທຽບໃສ່ເມື່ອກ່ອນ, ການປະຕິບັດໂຄງການຫຼັກສູດການຮຽນ-ການສອນບັນລຸຕາມ ກະຊວງສຶກສາທິການ ແລະກີລາກໍານົດໃຫ້,ພ້ອມນັ້ນຍັງໄດ້ອີງໃສ່  3ລັກສະນະ 5 ຫຼັກມູນຂອງການສຶກ ສາເປັນແນວທາງໃນການຈັດຕັ້ງ ເຄື່ອນໄຫວໃຫ້ເປັນຮູບປະທໍາ, ຖື ເອົາການສຶກສາເປັນໜ້າທີ່ຂອງ ໝົດທຸກຄົນໃນການຊຸກຍູ້ລູກຫຼານນັກຮຽນໃຫ້ໄດ້ເຂົ້າໂຮງຮຽນ  ແລະ ຮຽນໃຫ້ຈົບ, ທັງນີ້ບາງໂຮງຮຽນກໍຍັງຈະໄດ້ເອົາໃຈໃສ່ເປັນພິເສດໃນການສຶກສາອົບຮົມແນວຄິດການ ເມືອງໃຫ້ແກ່ຄູ-ອາຈານກໍຄືເດັກ ນັກຮຽນເພື່ອໃຫ້ເຂົາເຈົ້າມີຄວາມ ອຸ່ນອຽນທຸ່ນທ່ຽງໃນການປະຕິບັດ ໜ້າທີ່, ມີຄວາມອຸ່ນອຽນທຸ່ນທ່ຽງ ໃນການສຶກສາຮໍ່າຮຽນ, ຫຼີກເວັ້ນ ອັດຕາຄ້າງຫ້ອງ ແລະອັດຕາປະລະການຮຽນຂອງນັກຮຽນ, ແຂ່ງ ຂັນກັນສອນດີສອນເກັ່ງ ແລະນັກຮຽນດີຮຽນເກັ່ງເພື່ອຍົກສູງບົດ ບາດຂອງໂຮງຮຽນໃຫ້ສູງຂຶ້ນ ແລະທຽບເທົ່າກັບບັນດາໂຮງຮຽນ ແຫ່ງອື່ນໆ.

ການລົງປະເມີນຄັ້ງນີ້ຍັງສົ່ງ ຜົນດີໃຫ້ແກ່ຄູ-ອາຈານສອນໃນ ການບຸກບືນຕົນເອງຕໍ່ໜ້າທີ່ວຽກ ງານ, ຊຸກຍູ້ໃຫ້ເຂົາເຈົ້າມີຄວາມ ຫ້າວຫັນ ແລະມີຄວາມຮັບຜິດຊອບຕໍ່ໜ້າທີ່ເພື່ອສຸມຈິດສຸມໃຈໃສ່ໜ້າ ວຽກທີ່ໄດ້ຮັບມອບໝາຍໃຫ້ມີຜົນ ສໍາເລັດ, ແນໃສ່ເຮັດໃຫ້ຂະບວນ ການຮຽນ-ການສອນຢູ່ບັນດາໂຮງຮຽນເປົ້າໝາຍຂອງເມືອງໝອກ ໄດ້ຮັບການພັດທະນາດີຂຶ້ນ.

ທ່ານ ໄທວ່າງ ກ່າຊົວຍັງໄດ້ ເນັ້ນໜັກໃຫ້ຜູ້ບໍລິຫານໂຮງຮຽນກໍຄືຄູອາຈານສອນພາຍໃນໂຮງ ຮຽນຈົ່ງຍົກສູງພາລະບົດບາດຄວາມຮັບຜິດຊອບຂອງຕົນ,ປະ ຕິບັດໜ້າທີ່ວຽກງານໃຫ້ມີຜົນສໍາ ເລັດ ແລະພັດທະນາຕົນເອງທາງດ້ານວິຊາສະເພາະໃຫ້ມີຄວາມເຂັ້ມ ແຂງຂຶ້ນກວ່າເກົ່າ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

• 30/08/2019