ເພັດມະນີ ຄວ້າທີ 2 ແຂ່ງຂັນດອກປີກໄກ່ ທີ່ ສປ ຈີນ

 ມເຊີຍ ນາງ ເພັດມະນີ ແກ້ວເພຍຈັນ ຫຼື ນ້ອງແອນນ່າ ສາວນັກກີລາດອກປີກໄກ່ ຂອງສະໂມສອນເສດຖາ (ລາວ) ສ້າງຜົນ ງານໄດ້ຢ່າງໂດດເດັ່ນເຖິງຈະເສຍ ໃຫ້ນັກກີລາສາວຈາກປະເທດອິນໂດເນເຊຍ 0-2  ເຊັດ  ໃນຮອບຊິງຊະ ນະເລີດກໍຕາມແຕ່ກໍເປັນຜົນງານຄັ້ງທຳອິດໃນເວທີສາກົນ ໂດຍຄວ້າ 1 ຫຼຽນເງິນ ພ້ອມເງິນລາງວັນ 900 ໂດລາສະຫະລັດ ສ້າງຊື່ສຽງ ແລະ ກຽດຕິສັກສີໃຫ້ແກ່ປະເທດຊາດ ໃນລາຍການ ດອກປີກໄກ່ ຢຸນນານ ໂຢເນັກ ແບັດມິນຕັນ  ແຊ໋ມປ້ຽນຊິບ 2019 (Yunan “YONEX” badminton open champions hips) ທີ່ແຂວງຄຸນມິງ ສປ ຈີນ ຮັບກຽດເປັນເຈົ້າພາບ ໂດຍມີ 9 ກວ່າປະເທດເຂົ້າຮ່ວມ.

ການແຂ່ງຂັນຄັ້ງນີ້ໄດ້ມີຂຶ້ນເມື່ອ ລະຫວ່າງວັນທີ 24-27 ສິງຫາ ຜ່ານມາ  ທີ່ແຂວງຄຸນມິງ  ສປ  ຈີນ ຮັບກຽດເປັນເຈົ້າພາບ  ໂດຍທັບນັກ ກີລາດອກປີກໄກ່ຂອງສະໂມສອນ ເສດຖາຕາງໜ້າ ສປປ ລາວ ສົ່ງ ເຂົ້າຮ່ວມແຂ່ງຂັນ 8 ຄົນ, ໃນນັ້ນຄະນະນຳພາຂອງທ່ານ ວຽງສະ ຫວັນ ແສງຈັນ ປະທານສະໂມ ສອນດອກປີກໄກ່ເສດຖາ, ຄູຝຶກ 2 ຄົນ, ນັກກີລາຮຸ່ນອາວຸໂສ 2 ຄົນ,ນັກກີລາຊາຍທົ່ວໄປ 2 ຄົນ ແລະ ນັກກີລາຮຸ່ນທົ່ວໄປ 1 ຄົນ ການແຂ່ງຂັນລາຍການດັ່ງກ່າວມີນັກ ກີລາຈາກ 9 ປະເທດ ເຂົ້າຮ່ວມ ແຂ່ງຂັນຊິງໄຊ.

ການແຂ່ງຂັນລາຍການນີ້ມີນັກກີລາຈາກ 9 ປະເທດເຂົ້າຮ່ວມ ແຂ່ງຂັນປະກອບມີເຈົ້າພາບ ສປ ຈີນ, ໄທ, ສິງກະໂປ, ອິນໂດເນເຊຍ, ມຽນມາ, ມາເລເຊຍ, ສະໂມສອນ ເສດຖາ ຈາກ ສປປ ລາວ, ຮົງກົງ ແລະອົດສະຕາລີ ສະເພາະລາຍ ການດ່ຽວຍິງທີ່ນາງ ເພັດມະນີແກ້ວເພຍຈັນ ເຂົ້າຮ່ວມແຂ່ງຂັນ ມີນັກກີລາເຂົ້າຮ່ວມຊິງໄຊເຖິງ 10 ກວ່າຄົນ, ໃນນັ້ນໄດ້ມີການຈັບ ສະຫຼາກປະກົບຄູ່ແຂ່ງຂັນເສຍຕົກ ຮອບເລີຍ ແລະນາງ ເພັດມະນີແກ້ວເພຍຈັນ ກໍສາມາດສ້າງຜົນ ງານໄດ້ຢ່າງໂດດເດັ່ນໄລ່ເອົາຊະນະນັກກີລາເຈົ້າພາບ  ສປ ຈີນ  ກ່ອນຈະຮັກສາຟອມເກັ່ງຊະນະນັກກີລາຈາກໄທທະລຸເຂົ້າເຖິງຮອບຊິງຊະນະເລີດແຕ່ໜ້າເສຍດາຍໄປພາດ ທ່າເສຍໃຫ້ນັກກີລາຈາກອິນໂດເນ ເຊຍ ໄດ້ພຽງຫຼຽນເງິນມາຄ້ອງຄໍ ພ້ອມເງິນລາງວັນ 900 ໂດລາສະ ຫະລັດ  ສ່ວນອິນໂດເນເຊຍ ໄດ້ຫຼຽນ ຄຳ ແລະພ້ອມເງິນລາງວັນ 1.800 ໂດລາສະຫະລັດ, ທີ 3 ຕົກເປັນ ຂອງນັກກີລາຈາກໄທ ໄດ້ຮັບຫຼຽນ ທອງ ພ້ອມເງິນລາງວັນ 300 ໂດ ລາສະຫະລັດ ແລະທີ 4 ແມ່ນນັກ ກີລາແມ່ນເຈົ້າພາບ ສປ ຈີນ ໄດ້ຮັບ ລາງວັນຊົມເຊີຍເງິນສົດ 200 ໂດ ລາສະຫະລັດ.ທ່ານ ວຽງສະຫວັນ ແສງຈັນ ໃຫ້ສຳພາດວ່າ: ບໍ່ຄິດວ່າບໍ່ຝັນວ່າ ນັກກີລາຂອງສະໂມສອນຂອງພວກເຮົາຈະສາມາດແຈ້ງເກີດໃນການເຂົ້າຮ່ວມແຂ່ງຂັນລາຍການດັ່ງກ່າວ ຊຶ່ງມີນັກກີລາຕົວດີໆ  ແລະ ສີມືດີ ຈາກ 9 ປະເທດເຂົ້າຮ່ວມ ຕໍ່ຜົນງານດັ່ງກ່າວ ຊຶ່ງເປັນຄວາມ ພາກພູມໃຈຂອງທາງສະໂມສອນພວກເຮົາທີ່ສາມາດສ້າງຊື່ສຽງ ແລະກຽດສັກສີມາສູ່ປະເທດຊາດ. ເຖິງຢ່າງໃດກໍດີ,ພວກເຮົາຈະເພີ່ມ ທະວີສືບຕໍ່ສົ່ງເສີມການພັດທະນາ ນັກກີລາພາຍໃນສະໂມສອນຢ່າງຕໍ່ ເນື່ອງ ໂດຍຈະສົ່ງເຂົ້າຮ່ວມແຂ່ງ ຂັນລາຍການທັງພາຍໃນ ແລະຕ່າງ ປະເທດ ໂດຍສະເພາະໃນລະຫວ່າງ ວັນທີ 15-17 ພະຈິກນີ້ ຈະເຂົ້າຮ່ວມການແຂ່ງຂັນດອກປີກໄກ່ອິນເຕີເນເຊິນນອລ ແຊ໋ມປ້ຽນຊິບ 2019 ທີ່ແຂວງຊຽງໃໝ່ ປະເທດ ໄທເປັນເຈົ້າພາບ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์