ໄຊຍະບູລີ ຄາດດຶງດູດນັກທ່ອງທ່ຽວ ໃນທ້າຍປີ 60 ພັນກວ່າຄົນ

  ແຂວງໄຊຍະບູລີ ໄດ້ຄາດ ຄະເນ ການດຶງດູດນັກທ່ອງທ່ຽວ ເຂົ້າມາທ່ຽວໃນໄລຍະ 6 ເດືອນ ທ້າຍປີ 2019 ຈໍານວນ 60 ພັນ ກວ່າຄົນ ແລະຄາດວ່າສາມາດ ສ້າງລາຍຮັບຈາກການທ່ອງທ່ຽວ ໄດ້ 3,5 ລ້ານໂດລາສະຫະລັດ ຫຼື ປະມານ 30 ຕື້ກວ່າກີບ ໂດຍ ຈະສືບຕໍ່ຊຸກຍູ້ສົ່ງເສີມບັນດາບຸນ ເທສະການ, ກິດຈະກໍາການທ່ອງ ທ່ຽວຢູ່ບັນດາເມືອງ ແລະປັບປຸງ ຂອດການບໍລິການເພື່ອດຶງດູດໃຫ້ນັກທ່ອງທ່ຽວເຂົ້າມາທ່ຽວບັນລຸ ໄດ້ຕາມແຜນທີ່ວາງໄວ້.

ແຫຼ່ງຂໍ້ມູນຈາກແຂວງໄຊຍະ ບູລີ ໃຫ້ຮູ້ວ່າ: ແຂວງໄຊຍະບູລີ ມີແຫຼ່ງທ່ອງທ່ຽວຫຼາກຫຼາຍແຫ່ງ ມີທັງແຫຼ່ງທ່ອງທ່ຽວທໍາມະຊາດ,ປະຫວັດສາດ ແລະວັດທະນະທໍາ ຊຶ່ງເຮັດໃຫ້ຂະແໜງການທ່ອງ ທ່ຽວຂອງແຂວງມີທ່ວງທ່າຂະ ຫຍາຍຕົວ ແລະຟົດຟື້ນຂຶ້ນຕາມ ລຳດັບ ໂດຍເນື່ອງມາຈາກອຳນາດການປົກຄອງແຂວງເອົາໃຈໃສ່ ເຜີຍແຜ່ ແລະສົ່ງເສີມວັດທະນະທຳຮີດຄອງປະເພນີຂອງບັນດາ ເມືອງ, ສະເພາະໃນປີຜ່ານມາຊຶ່ງເປັນປີທ່ອງທ່ຽວລາວ 2018,ແຂວງໄຊຍະບູລີ ໄດ້ກຳນົດເອົາຫຼາຍກິດຈະກໍາເພື່ອດຶງດູດນັກທ່ອງທ່ຽວເຂົ້າມາທ່ຽວໃນນັ້ນມີງານມະຫາກຳບຸນຊ້າງ, ບຸນກອງເຂົ້າໃຫຍ່ເມືອງພຽງ,ບຸນຜີໂຂນ ເມືອງປາກລາຍ, ບຸນນະມັດສະການບຸນບັ້ງໄຟຖວາຍ

ພະທາດນາງສາມຜິວ ເມືອງທົ່ງມີໄຊ, ງານທ່ອງທ່ຽວຫັດຖະກຳຕໍ່າຫູກ ແລະຜ້າຫ້ອມຍ້ອມນິນ ເມືອງຫົງ ສາ, ບຸນເຜົ່າລື້ເມືອງເງິນ, ງານ ທ່ອງທ່ຽວພູເຂົາທະເລໝອກ ແລະ ຕົ້ນຊາໃຫຍ່ພັນປີ ເມືອງໄຊສະ ຖານ ແລະກິດຈະກໍາອື່ນໆ ຊຶ່ງມີ ນັກທ່ອງທ່ຽວເຂົ້າມາທ່ຽວ ແລະ ຜ່ານແຂວງທັງໝົດ 1.60.419 ຄົນ ສາມາດສ້າງລາຍຮັບຈາກ ການທ່ອງທ່ຽວທັງໝົດ 8,7 ລ້ານ ໂດລາ ຫຼື ປະມານ 76 ຕື້ກວ່າ ກີບ, ທຽບໃສ່ແຜນການປີປະຕິບັດ ລື່ນແຜນ 23% ແລະທຽບໃສ່ປີ 2017 ເພີ່ມຂຶ້ນ 51 ພັນກວ່າຄົນ.

ສຳລັບ 6 ເດືອນຕົ້ນປີ 2019 ນີ້ ທົ່ວແຂວງໄຊຍະບູລີ ມີນັກທ່ອງ ທ່ຽວເຂົ້າມາ ແລະຜ່ານແຂວງທັງໝົດ 71.872 ຄົນ ສາມາດສ້າງ ລາຍຮັບຈາກການທ່ອງທ່ຽວໄດ້ 3,7 ລ້ານໂດລາ ຫຼື ປະມານ 32 ຕື້ກວ່າກີບ ແລະຄາດວ່າ 6 ເດືອນທ້າຍປີນີ້ຈະສູ້ຊົນດຶງດູດນັກທ່ອງ ທ່ຽວໃຫ້ໄດ້ 63.128 ຄົນ ແລະ ຄາດວ່າຈະສາມາດສ້າງລາຍຮັບ ຈາກການທ່ອງທ່ຽວໄດ້ 3,5 ລ້ານໂດລາ ຫຼື ປະມານ 30 ຕື້ກວ່າກີບ ໂດຍຈະສືບຕໍ່ຊຸກຍູ້ສົ່ງເສີມບັນດາບຸນເທສະການ ແລະກິດຈະກໍາ ການທ່ອງທ່ຽວຢູ່ບັນດາເມືອງ, ປັບປຸງຂອດບໍລິການຢູ່ບັນດາຫົວ ໜ່ວຍທຸລະກິດເຊັ່ນ: ແຫຼ່ງທ່ອງ ທ່ຽວ, ໂຮງແຮມ, ຣີສອດ, ຮ້ານ ອາຫານ ແລະຮ້ານບັນເທິງໃຫ້ໄດ້ມາດຕະຖານໃນການບໍລິການ.

--------

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์