ແອັບເປິ້ນວາງກົນລະຍຸດໃໝ່ເຈາະຕະຫຼາດອິນເດຍ

ອິນເດຍເປັນປະເທດທີ່ມີຕະຫຼາດສະມາດໂຟນໃຫຍ່ເປັນອັນດັບຕົ້ນໆຂອງອາຊີແຕ່ໃນໄລຍະ 2-3 ປີມານີ້ ແອັບເປິ້ນບໍ່ປະສົບຄວາມສຳເລັດໃນການເຈາະຕະຫຼາດສະມາດໂຟນປະເທດອິນເດຍປານໃດຊຶ່ງນັກວິເຄາະເຫັນວ່າໄອໂຟນນັ້ນ ມີລາຄາສູງເກີນກວ່າທີ່ຊາວອິນ ເດຍທົ່ວໄປຈະສາມາດຊື້ໄດ້.

ຫຼ້າສຸດແອັບເປິ້ນໄດ້ຕັດສີນໃຈໃຊ້ກົນລະຍຸດໃໝ່ໂດຍຢຸດຈຳໜ່າຍ ໄອໂຟນລາຄາປະຢັດໃນປະເທດອິນເດຍຄື  iPhoneSE, iPhone6, iPhone6Plus ແລະiPhone6s Plus ຊຶ່ງທັງ iPhoneSE ແລະ iPhone6  ຕ່າງກໍເປັນສະມາດໂຟນຂອງແອັບເປິ້ນທີ່ມີລາຄາຖືກທີ່ສຸດໃນຕະຫຼາດປະເທດອິນເດຍໃນປະຈຸບັນນີ້.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

ນັ້ນເຮັດໃຫ້ iPhone ລຸ້ນເລີ່ມ ຕົ້ນທີ່ວາງຈຳໜ່າຍໃນປະເທດອິນ ເດຍໃນຕອນນີ້ຄື iPhone6s ທີ່ມີລາຄາປະມານ 8.000 ຣູປີອິນ ເດຍຊຶ່ງແພງກວ່າ iPhone SE ທີ່ຢຸດວາງຈຳໜ່າຍໄປແລ້ວສິ່ງທີ່ ແອັບເປິ້ນກຳລັງມຸ້ງເນັ້ນໃນຕະ ຫຼາດປະເທດອິນເດຍຄືບໍ່ຕ້ອງການຈຳໜ່າຍສະມາດໂຟນຈຳນວນຫຼາຍແຂ່ງກັບສະມາດໂຟນລະບົບ Android  ທີ່ມີລາຄາຖືກກວ່າແຕ່ຈະໃຫ້ຄວາມສຳຄັນກັບຜະລິດຕະພັນລະດັບພຣີມຽມ ຊຶ່ງເບິ່ງແລ້ວຄືຈະເປັນການມຸ້ງເນັ້ນໄປທີ່ກຸ່ມເປົ້າໝາຍທີ່ມີລາຍໄດ້ສູງ ຫຼື ເປັນກຸ່ມທີ່ນິຍົມອຸປະກອນ iOS ຂອງແອັບ ເປິ້ນຢ່າງຈິງຈັງເພື່ອຈະແຂ່ງກັບ ສະມາດໂຟນລະບົບ Android ລຸ້ນພຣີມຽມສະເປັກສູງທີ່ມີຢູ່ໃນ ປະຈຸບັນນີ້ນັ້ນໝາຍຄວາມວ່າແອັບເປິ້ນອາດວາງຈຳໜ່າຍພຽງແຕ່ iPhone ລຸ້ນພຣີມຽມລາຄາສູງ ໃນຕະຫຼາດອິນເດຍ.

ນອກຈາກນີ້ iOS13 ທີ່ກຳລັງຈະເປີດໂຕໃນທ້າຍປີ 2019 ນີ້ກໍຈະເປັນລະບົບປະຕິບັດການ ເວີຊັນທຳອິດຂອງແອັບເປິ້ນທີ່ຮອງຮັບຜູ້ໃຊ້ຊາວອິນເດຍຢ່າງແທ້ຈິງ ໂດຍບັນຈຸພາສາອິນເດຍໄວ້ຫຼາຍ ເຖິງ 22 ພາສາລວມທັງຮອງຮັບການໃຊ້ງານຮ່ວມກັບ Apple Maps  ແລະSiriດ້ວຍ.

แชร์