ໂຮງຮຽນສີປະເສີດ ເນັ້ນຄຸນນະພາບ ການຮຽນ-ການສອນ

   ໂຮງຮຽນລ້ຽງເດັກ, ອະນຸບານ ແລະປະຖົມສີປະເສີດເປັນລະບົບການຈັດຕັ້ງແຜນຄຸ້ມຄອງ ດ້ວຍແທດເໝາະກັບລະດັບຄວາມສາມາດຄູທຸກໆຊັ້ນຮຽນ ໂດຍນຳໃຊ້ການສອນປະຕິບັດຫຼັກສູດຂອງ ກະຊວງສຶກສາທິການ ແລະກີ ລາໄດ້ວາງອອກສຳລັບສົກຮຽນ 2019-2020 ນີ້ແມ່ນໄດ້ກຽມ ພ້ອມຫຼາຍດ້າປະກອບເຂົ້າການ ຮຽນ-ການສອນໃຫ້ມີຄຸນນະພາບ.

ທ່ານ ນາງ ລັດສະໝີ ສີລິວັນຜູ້ອຳນວຍການໂຮງຮຽນລ້ຽງ ເດັກ, ອະນຸບານ ແລະປະຖົມສີປະ ເສີດໃຫ້ສຳພາດວ່າ: ໂຮງຮຽນສີ ປະເສີດເປັນຕຶກອາຄານຊັ້ນດຽວ ຊຶ່ງໄດ້ເປີດການຮຽນ-ການສອນ ໃນສົກປີ 2011-2012 ໃນເບື້ອງຕົ້ນແມ່ນເປີດຮັບພຽງແຕ່ ລ້ຽງເດັກ ແລະອະນຸບານຈາກນັ້ນຂະຫຍາຍຊັ້ນປະຖົມເຂົ້າມາການຮຽນ-ການສອນຂຶ້ນຕື່ມ ໂດຍປະ ຕິບັດຫຼັກສູດການຮຽນ-ການສອນ ຂອງກະຊວງສຶກສາທິການ ແລະ ກີລາວາງອອກໃນສົກຮຽນ2018-2019 ຜ່ານມາມີນັກຮຽນທັງໝົດ 290 ຄົນ, ພະນັກງານຄູ 21 ຄົນ,ສ່ວນຜົນງານທີ່ພົ້ນເດັ່ນປະກອບ ມີການແຂ່ງຂັນກີລາບານເຕະ, ຕີ ບານໄດ້ອັນດັບ 1-2 ຂັ້ນເມືອງ, ການສອບເສັງຈົບຊັ້ນ ປ5 ມີນັກ ຮຽນເກັ່ງໄດ້ຄະແນນ 7 ຂຶ້ນໄປມີ 11 ຄົນ ແລະກິດຈະກຳຊ່ວຍເຫຼືອ ສັງຄົມອື່ນໆ: ສຳລັບສົກຮຽນ 2019-2020 ແມ່ນໄດ້ເນັ້ນຄຸນນະພາບການຮຽນ-ການສອນ ແລະ ໄດ້ປັບປຸງມິຕິໃໝ່ເພີ່ມຂຶ້ນຫຼາຍ ດ້ານເຊັ່ນ: ໄດ້ມີຫຼັກສູດການຮຽນ-ການສອນເຂົ້າມາໃໝ່ ແລະມີອາ ຄານຫຼັງໃໝ່ທີ່ຈະເປີດໃນໄວໆນີ້ ສ່ວນຄ່າຮຽນແມ່ນຈະຢູ່ເກນມາດ ຕະຖານຊັ້ນອະນຸບານລ້ຽງເດັກ ແມ່ນ 2,6-2,8 ແສນກີບຕໍ່ເດືອນ ແລະຊັ້ນປະຖົມແມ່ນ 2,5 ແສນ ກີບ.

ນອກນັ້ນໂຮງຮຽນດັ່ງກ່າວຍັງໄດ້ເນັ້ນຫຼັກສູດພາສາອັງກິດ ແລະ ສາຍກີລາເປັນຫຼັກພ້ອມນັ້ນມີນະໂຍບາຍໃຫ້ແກ່ນັກຮຽນເປັນຕົ້ນຜູ້ປົກຄອງທ່ານໃດມີລູກ 3 ຄົນ ເຂົ້າມາສະໝັກໃນໂຮງຮຽນແມ່ນມີສ່ວນຫຼຸດຄ່າຮຽນ ຫຼື ນັກຮຽນ ຄົນໃດຮຽນເກັ່ງໄດ້ອັນດັບ 1 ແມ່ນຈະມີໃບຍ້ອງຍໍ, ມອບຂອງຂວັນລາງວັນໃຫ້ ແລະມີກິດຈະກຳທັດ ສະນະສຶກສາອື່ນໆ;ສຳລັບສົກຮຽນ ນີ້ໂຮງຮຽນສີປະເສີດແມ່ນເປີດຮັບສະໝັກແລ້ວສະຖານທີ່ຕັ້ງຢູ່ບ້ານດອນກອຍ ເມືອງສີສັດຕະນາກ ນະຄອນຫຼວງວຽງຈັນ ຫຼື ຕິດຕໍ່ພົວພັນລາຍລະອຽດໄດ້ທີ່ເບີໂທ: 02055533755.

------

 ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์