ບ້ານຫ້ວຍນາງລີ້ ເມືອງທ່າແຂກ ແຂ່ງຂັນຊ່ວງເຮືອ

   ໃນລະຫວ່າງວັນທີ 24 ຫາ 25 ສິງຫາ 2019 ອຳນາດ ການປົກຄອງ, ການຈັດຕັ້ງ ແລະ ພໍ່ແມ່ປະຊາຊົນບ້ານຫ້ວຍນາງລີ້ ເມືອງທ່າແຂກ ແຂວງຄຳມ່ວນ ໄດ້ພ້ອມກັນຈັດງານແຂ່ງຂັນຊ່ວງ ເຮືອປະເພດບໍ່ເກີນ 12 ສີພາຍຂຶ້ນ ຢູ່ທີ່ສະໜາມແມ່ນໍ້າຂອງ ຊຶ່ງເປັນງານປະເພນີທີ່ຈັດຂຶ້ນກ່ອນບຸນຫໍ່ ເຂົ້າປະດັບດິນແລະກ່ອນງານບຸນ ອອກພັນສາ.

 ງານແຂ່ງຂັນຊ່ວງເຮືອດັ່ງກ່າວຈັດຂຶ້ນເມື່ອສະແດງເຖິງການສືບທອດມູນເຊື້ອທີ່ໄດ້ຈັດຕັ້ງ-ສືບ ຕໍ່ກັນມາ ແລະໄດ້ສະແດງເຖິງການຮັກສາຮີດຄອງປະເພນີລາວ, ເປັນການສ້າງກິດຈະກຳທາງດ້ານປະເພດກີລາເທິງໜ້ານໍ້າທີ່ໄດ້ສ້າງ ສາຍສຳພັນໄມຕີຈິດມິດຕະພາບລະ ຫ່ວາງບັນດາບ້ານໃກ້ຄຽງຕ່າງໆ ໃນເມືອງທ່າແຂກ ແລະເມືອງທີ່

ໃກ້ຄຽງໄດ້ມາສ້າງຄວາມເບີກບານ ມ່ວນຊື່ນທັງເປັນການສ້າງກິດຈະ ກຳໜຶ່ງເພື່ອຊຸກຍູ້ໃຫ້ເຍົາວະຊົນຊາວໜຸ່ມຫ່າງໄກຈາກຢາເສບຕິດ ໂດຍການເປັນປະທານຈັດງານ ຂອງທ່ານ ສົມເດັດ ແສງສຸວັນນຸ ຮັກ ເລຂາໜ່ວຍພັກນຳພາບ້ານ-ນາຍບ້ານໆຫ້ວຍນາງລີ້ ແລະຄະນະການຈັດຕັ້ງບ້ານຄົບຊຸດເປັນຄະນະ.

ສຳລັບການແຂ່ງຂັນຊ່ວງເຮືອ ປີນີ້ມີເຮືອເຂົ້າຮ່ວມແຂ່ງຂັນທັງ ໝົດ 12 ລຳ ໃນນັ້ນມີ: ເຮືອເຈົ້າ ພໍ່ທອງດຳ, ເຮືອສິງຊົມນາວາ, ເຮືອສິງດຳ,ເຮືອຂຸນກັງ,  ເຮືອພອນ ຄູບາແມັກ, ເຮືອແມ່ຍ່ານວນຈັນ, ເຮືອຂັວນໃຈປູ່ກັ້ງ, ເຮືອສິງນໍ້າຂອງ, ເຮືອຄຳໄຫຼ, ເຮືອເດັ່ນມີໄຊ, ເຮືອຫົງຄຳ ແລະເຮືອໜຸ່ມລາດຊະວົງ, ຜ່ານການແຂ່ງຂັນອັນດັບທີ 1 ໄດ້ແກ່ເຮືອສິງຊົມນາວາບ້ານ ຫ້ວຍນາງລີ້ ໄດ້ຮັບເງິນສົດມູນຄ່າ 2 ລ້ານກີບ ພ້ອມໂລ້ລາງວັນ 1 ໜ່ວຍ, ອັນດັບທີ 2 ໄດ້ແກ່ເຮືອເຈົ້າ ພໍ່ທອງດຳບ້ານຫ້ວຍນາງລີ້ ໄດ້

ຮັບເງິນສົດ 1,5 ລ້ານກີບ ພ້ອມ ໂລ້ລາງວັນ 1 ໜ່ວຍ, ອັນດັບທີ 3 ໄດ້ແກ່ເຮືອສິງດຳບ້ານຫວ້ຍນາງລີ້ ໄດ້ຮັບເງິນສົດ 1 ລ້ານກີບພ້ອມ ໂລ້ລາງວັນ 1 ໜ່ວຍ ແລະອັນດັບ ທີ 4 ໄດ້ແກ່ເຮືອຄຳໄຫຼບ້ານຫ້ວຍ ຂຽວໄດ້ຮັບເງິນສົດ 5 ແສນກີບ ພ້ອມໂລ້ລາງວັນ 1 ໜ່ວຍ.

-------

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์