ນາປ່ານໄດ້ຮັບໂຮງຮຽນມັດທະຍົມຕົ້ນຫຼັງໃໝ່

  ພິທີມອບ-ຮັບໂຄງການກໍ່ສ້າງໂຮງຮຽນມັດທະຍົມຕອນຕົ້ນ ນາປ່ານ ເມືອງສົບເບົາ ແຂວງຫົວ ພັນ ໄດ້ຈັດຂຶ້ນໃນທ້າຍອາທິດຜ່ານມາໂຮງຮຽນດັ່ງກ່າວໂດຍການເປັນປະທານຂອງທ່ານມົນທອງ ລຽນຕິຄຸນ ຫົວໜ້າພະແນກສຶກສາ ທິການ ແລະກີລາແຂວງ,ມີບັນດາທ່ານໃນການນຳເມືອງສົບເບົາ, ຜູ້ຕາງໜ້າສະຖານທູດຍີ່ປຸ່ນປະຈຳລາວ,ຄະນະກວດກາ ແລະຄຸ້ມຄອງໂຄງການຂັ້ນແຂວງ, ຂັ້ນເມືອງ,ພາກສ່ວນທີ່ກ່ຽວຂ້ອງຕະຫຼອດຮອດຄູ-ອາຈານ,ອຳນາດການປົກ ຄອງບ້ານແລະພໍ່ແມ່ປະຊາຊົນເຂົ້າຮ່ວມເປັນສັກຂີພິຍານນໍາ.

ໂຄງການກໍ່ສ້າງໂຮງຮຽນມັດທະຍົມຕອນຕົ້ນນາປ່ານໄດ້ເລີ່ມລົງມືກໍ່ສ້າງນັບແຕ່ວັນທີ 18 ມີນາ 2019 ເປັນຕົ້ນມາຈົນມາຮອດ ວັນທີ 22 ສິງຫາ 2019 ນີ້ໄດ້ສໍາ ເລັດ 100% ເປັນອາຄານຮຽນ ຊັ້ນດຽວ 1 ຫຼັງ ຂະໜາດ 9X42  ແມັດ, ຫຼັງຄາມຸງດ້ວຍສັງກະສີອາ ລຸຊິງ, ຝາກໍ່ດ້ວຍດິນບ໊ອກ,ພື້ນເທ ດ້ວຍເບຕົງເສີມເຫຼັກປະກອບມີ 4 ຫ້ອງຮຽນ, 1 ຫ້ອງການຄູ ແລະ ຫ້ອງນໍ້າ 1 ຫຼັງມີ 4 ຫ້ອງ, ເຟີນີເຈີ ຄົບຊຸດ ໂດຍແມ່ນບໍລິສັດຄູນຄຳກໍ່ ສ້າງ ແລະສ້ອມແເຄຫາສະຖານ ເປັນຜູ້ຮັບເໝົາກໍ່ສ້າງລວມມູນຄ່າການກໍ່ສ້າງທັງໝົດ  89.068 ໂດລາສະຫະລັດ  ຫຼື  778  ລ້ານກ່ວາກີບ ໂດຍແມ່ນທຶນຊ່ວຍເຫຼືອລ້າຈາກລັດ ຖະບານ ແລະປະຊາຊົນຍີ່ປຸ່ນ.

ໂອກາດດັ່ງກ່າວ, ທ່ານ ມົນ ທອງ ລຽນຕິຄຸນ ຫົວໜ້າພະແນກ ສຶກສາທິການ ແລະກີລາແຂວງໃນນາມເຈົ້າຂອງໂຄງການ ແລະທ່ານອະນຸໄຈ ວັນນາພົມຜູ້ອຳນວຍການ ບໍລິສັດຄູນຄຳກໍ່ສ້າງ ແລະສ້ອມ ແປງເຄຫາສະຖານຜູ້ຮັບເໝົາກໍ່ສ້າງ ໄດ້ຮ່ວມກັນເຊັນບົດບັນທຶກມອບ-ຮັບໂຄງການກໍ່ສ້າງໂຮງຮຽນດັ່ງກ່າວ ແລະມອບອາຄານຮຽນນີ້ໃຫ້ເມືອງ ແລະບ້ານເປັນຜູ້ນຳໃຊ້ເຂົ້າ ໃນການຮຽນ-ການສອນໃຫ້ເກີດ ປະໂຫຍດສູງສຸດ ແລະໃຊ້ໄດ້ຍາວ ນານ; ພ້ອມນັ້ນ, ບໍລິສັດຜູ້ຮັບເໝົາຍັງໄດ້ມອບເຄື່ອງກີລາຈຳນວນໜຶ່ງ ໃຫ້ບ້ານ ແລະໂຮງຮຽນຕື່ມອີກເພື່ອ ໝູນໃຊ້ເຂົ້າໃນກິດຈະກຳວຽກງານກີລາ.

------- 

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

 

แชร์