ຕາດພັກຊອຍວອຍ ແຫຼ່ງທ່ອງທ່ຽວ ປ່າສະຫງວນພູເຂົາຄວາຍ

  ຕາດພັກຊອຍວອຍ ແມ່ນສະຖານທີ່ທ່ອງທ່ຽວທຳມະຊາດທີ່ ນອນຢູ່ໃນເຂດປ່າສະຫງວນແຫ່ງ ຊາດພູເຂົາຄວາຍ, ຫ່າງຈາກໃຈ ກາງເມືອງໄຊທານີປະມານ 45 ກິໂລແມັດ ໄປຕາມເສັ້ນທາງເລກ 10 ຕັ້ງຢູ່ບ້ານນາຄັນທຸງ ກຸ່ມບ້ານ ຊ້າງສະຖານທີ່ແຫ່ງນີ້ໄດ້ຮັບການ ຄົ້ນພົບມາແຕ່ຄັ້ງມາຕັ້ງບ້ານເຮືອນຂອງປະຊາຊົນໃນເຂດດັ່ງກ່າວ ແລະໄດ້ປະກາດເປັນແຫຼ່ງທ່ອງທ່ຽວນະຄອນຫຼວງວຽງຈັນ ໃນວັນທີ 29 ສິງຫາ 2015, ປະຈຸບັນສະ ຖານທີ່ແຫ່ງນີ້ມີປະຊາຊົນພາຍໃນ ບ້ານລະດົມທຶນຮ່ວມກັນມາເປັນຜູ້ ສຳປະທານ, ພັດທະນາໃຫ້ບໍລິການ ເປັນສະຖານທີ່ທ່ອງທ່ຽວ ໂດຍການສຳປະທານຈາກບ້ານນາຄັງທຸງ,ຮູບການໃຫ້ບໍລິການແມ່ນລັກສະນະທ່ອງທ່ຽວທຳມະຊາດ, ມີຕູບໃຫ້ບໍລິການ,ມີນໍ້າຕົກຕາດສາມາດໃຫ້ນັກທ່ອງທ່ຽວທັງພາຍໃນແລະ ຕ່າງປະເທດທີ່ໄປທ່ຽວຊົມໄດ້ຊຶມຊັບທຳມະຊາດໄດ້ຢ່າງເຕັມທີ່.

ທ່ານ ຄຳປະດິດ ເຂັມມານິດ ເຈົ້າເມືອງໄຊທານີ ໃຫ້ຮູ້ວ່າ:ປ່າສະຫງວນພູເຂົາຄວາຍມີຄວາມອຸ ດົມສົມບູນປະກອບກັບພື້ນຖານແຫຼ່ງທ່ອງທ່ຽວທີ່ໄດ້ສຳຫຼວດໃນ ເມື່ອກ່ອນເປັນຕົ້ນຕາດພັກຊອຍ ວອຍ ຊຶ່ງປີນີ້ມີນໍ້າຝົນຫຼາຍ ແລະໃນການສຳຫຼວດຍັງຄົ້ນພົບແຫຼ່ງ ທ່ອງທ່ຽວຢູ່ດ້ານລຸ່ມຕິດພັນກັບຕາດຊອຍວອຍກໍຍັງມີຕາດຫ້ວຍເທົາທີ່ເປັນສະຖານທີ່ທ່ອງທ່ຽວ ທີ່ສວຍງາມອີກແຫ່ງໜຶ່ງທີ່ຄົ້ນພົບ ໃໝ່ຍັງບໍ່ທັນໄດ້ຮັບການພັດທະນາ,ຊຶ່ງຕາດຫ້ອຍເທົາຈະມີນໍ້າໄຫຼຕຫຼອດປີ,ມີທ່າແຮງໃນການບໍລິ ການທັງ

ລະດູແລ້ງ ແລະລະດູຝົນ,ຊຶ່ງເປັນຈຸດໜຶ່ງທີ່ຈະຈັດສັນໃຫ້ເປັນບ່ອນທ່ອງທ່ຽວ,ພັກຜ່ອນຕິດພັນກັບທຳມະຊາດ ໂດຍມີປະຊາຊົນ ເປັນຜູ້ປົກປັກຮັກສາ, ນອກຈາກ ແຫຼ່ງທ່ອງທ່ຽວທຳມະຊາດທີ່ກ່າວ ມານັ້ນຍັງເປັນແຫຼ່ງໜຶ່ງທີ່ຕິດພັນກັບວັດທະນະທຳເປັນຕົ້ນແມ່ນຮອຍພະພທະບາດ ແລະຄົ້ນພົບ ພະພຸດທະຮູບຫຼາຍຮ້ອຍອົງ, ໂດຍໄລຍະຜ່ານມາ ໄດ້ມີພຸດທະສາດສະນິກະຊົນທັງພາຍໃນ ແລະຕ່າງປະເທດທີ່ເຫຼື້ອມໃສໃນພຸດທະສາສະ ໜາເຂົ້າມາສັກກະລະບູຊາ ແລະປະ ຕິບັດທຳກຳມະຖານເປັນຈຳນວນ ຫຼວງຫຼາຍ, ທີ່ພິເສດໄປກວ່ານັ້ນ ສະຖານທີ່ແຫ່ງນີ້ຍັງເປັນບ່ອນສະຫງວນຂອງນົກຍຸງ ແລະບ່ອນແຜ່ ພັນຂອງນົກຍຸງ ໂດຍມີອຳນາດ ການປົກຄອງຄຸ້ມຄອງຢູ່.

ຕາດພັກຊອຍວອຍເປັນສະຖານທີ່ທ່ອງທ່ຽວໜຶ່ງທີ່ສວຍງາມຫຼາຍທັງມູມດ້ານລຸ່ມ ແລະດ້ານເທິງປະກອບດ້ວຍມີນໍ້າໄຫຼໃສເຢັນໄວ້ ໃຫ້ຫຼິ້ນ,ອາກາດກໍສົດຊື່ນບອກໄດ້ເລີຍຍັງຮັກສາໄດ້ຄວາມເປັນທຳມະຊາດຫຼາຍ,ຊຶ່ງເຫັນໄດ້ຈາກ ຈຳນວນນັກທ່ອງທ່ຽວທີ່ມາທ່ຽວ ໃນຕາດແຫ່ງນີ້ 30% ແມ່ນປະຊາຊົນໃນພື້ນທີ່  ແລະອີກ 70%  ແມ່ນປະຊາຊົນທີ່ມາຈາກທ້ອງຖິ່ນອື່ນທີ່ ອາໄສໃນຕົວເມືອງຕ່າງໆ, ໂດຍແຂກຈະມາຫຼາຍໃນວັນສຳຄັນຕ່າງໆເປັນຕົ້ນວັນຢຸດເທສະການ, ວັນສິນ ແລະວັນພັກທາງລາດສະການຄື ເສົາ-ອາທິດ, ສະເລ່ຍປະມານ 4 ພັນຄົນຕໍ່ເດືອນ.

--------

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์