ເຄິ່ງປີຫົວໜ່ວຍທຸລະກິດດ້ານບໍ່ແຮ່ ຢູ່ໄຊຍະມອບພັນທະໃຫ້ລັດ 1,22 ຕື້ກີບ

  ທ່ານ ຄໍາເຫຼັກ ແກ້ວວິໄລ ພອນ ວ່າການຫົວໜ້າພະແນກພະ ລັງງານ ແລະບໍ່ແຮ່ແຂວງໄຊຍະ ບູລີ ໄດ້ໃຫ້ຮູ້ວ່າ: ໃນ 6 ເດືອນ ຜ່ານມາ ບັນດາຫົວໜ່ວຍທຸລະກິດທີ່ດຳເນີນກິດຈະການທາງດ້ານບໍ່ແຮ່ມອບພັນທະເຂົ້າງົບປະມານໄດ້ທັງໝົດ 1,22 ຕື້ກີບ,ທຽບໃສ່ແຜນການປີປະຕິບັດໄດ້ 38%, ທຽບໃສ່ໄລຍະດຽວກັນຂອງປີຜ່ານມາປະຕິບັດໄດ້ 82% ໂດຍ ປະຈຸບັນ, ບັນດາຫົວໜ່ວຍທຸລະກິດດ້ານປຸງແຕ່ງແຮ່ທາດ ແລະຫີນປູນທີ່ທາງສູນກາງ ແລະແຂວງ, ເມືອງອານຸຍາດໃຫ້ດຳເນີນກິດຈະການຄືໂຄງການຂຸດຄົ້ນບໍ່ແຮ່ທີ່ລັດຖະບານອອກອານຸຍາດມີ 2 ບໍລິສັດ, ຊຶ່ງມີ 3 ກິດຈະການເຊັ່ນ: ບໍລິສັດ ພູໄຟ ມາຍນິງໄຟຟ້າຫົງສາຈໍາກັດດຳເນີນກິດຈະການຂຸດຄົ້ນຖ່ານ ຫີນຮັບໃຊ້ການຜະລິດໄຟຟ້າຢູ່ເມືອງຫົງສາ ມີເນື້ອທີ່ຂຸດຄົ້ນທັງໝົດ 4.461 ເຮັກຕາ ໃນໄລຍະ 4 ເດືອນ 1-4 ປີ 2019 ສາມາດຂຸດຄົ້ນຖ່ານຫີນໄດ້ທັງໝົດ 4,6 ລ້ານໂຕນ.

 ກິດຈະການຂຸດຄົ້ນຫີນປູນຢູ່ ບ້ານບີໝີ ເມືອງເງິນ ເພື່ອຮັບໃຊ້ໂຮງງານໄຟຟ້າພະລັງຄວາມຮ້ອນຫົງສາມີເນື້ອທີ່ສຳປະທານທັງໝົດ 1.050 ເຮັກຕາ ໄລຍະ 4 ເດືອນ ຜ່ານມາສາມາດຂຸດຄົ້ນຫີນປູນຮັບໃຊ້ໂຮງງານໄຟຟ້າຄວາມຮ້ອນໄດ້ທັງໝົດ 83.123 ໂຕນ ແລະບໍລິສັດ MPG ມາຍນິງ ຈຳກັດ ດໍາເນີນກິດຈະການຂຸດຄົ້ນແຮ່ທອງ ແລະແຮ່ຄຳ ໃນເນື້ອທີ່ 2 ເຮັກຕາ ແລະອີກ 30,24 ກິໂລຕາແມັດ ພວມກຳລັງເຈລະຈາຮ່າງສັນຍາເພື່ອກະກຽມເຊັນສັນຍາການຂຸດຄົ້ນຢູ່ບ້ານປາງຄຳເມືອງປາກລາຍ, ມູນຄ່າລົງທຶນ 22,9 ລ້ານໂດລາ, ປະຈຸບັນການກໍ່ສ້າງໂຮງງານແມ່ນສືບຕໍ່ດໍາເນີນ ແລະກະກຽມນໍາເຄື່ອງຈັກເຂົ້າມາ.

ສ່ວນໂຄງການຂຸດຄົ້ນຂັ້ນແຂວງອານຸຍາດມີທັງໝົດ 19 ຫົວໜ່ວຍ, ໄດ້ອານຸຍາດຂຸດຄົ້ນ ແລະດໍາເນີນກິດຈະການໂຮງງານປຸງແຕ່ງແຮ່ທາດ ຟຣູອໍຣາຍ 1 ຫົວໜ່ວຍ, ອາ ນຸຍາດກໍ່ສ້າງບໍ່ແຮ່ 3 ຫົວໜ່ວຍມີ ເນື້ອທີ່ສຳປະທານທັງໝົດ 42,05 ເຮັກຕາ; ລວມມູນຄ່າການລົງທຶນ ທັງໝົດ 23,35 ຕື້ກີບ, ທຶນເອກະ ຊົນ 100% ໄດ້ອອກອານຸຍາດສ້າງຕັ້ງ ແລະດໍາເນີນກິດຈະການໂຮງງານຂົບຫີນປູນ 10 ຫົວໜ່ວຍ, ມູນຄ່າການລົງທຶນທັງໝົດ 18,83 ຕື້ກີບ. ໄດ້ດຳເນີນກິດຈະການປົກກະຕິມີ 9 ຫົວໜ່ວຍ,

 ຄຽງຄູ່ກັນນີ້ໂຄງການຂຸດຄົ້ນ ຂັ້ນເມືອງອານຸຍາດມີ 40 ຫົວ ໜ່ວຍ, ມູນຄ່າການລົງທຶນທັງໝົດ 9,35 ຕື້ກີບ ມີເນື້ອທີ່21,12 ເຮັກຕາ, ແຜນການຜະລິດທັງໝົດ 46.211 ແມັດກ້ອນ, ແຜນການ ຈຳໜ່າຍ 46.211 ແມັດກ້ອນ, ມີດິນຖົມພື້ນ 27 ຫົວໜ່ວຍ, ດິນ ໜຽວ 9 ຫົວໜ່ວຍ, ນໍ້າບາດານ 4 ຫົວໜ່ວຍ, ສາມາດຂຸດຄົ້ນຫີນປູນພາຍໃນໄດ້ທັງໝົດ17.464 ແມັດກ້ອນ ມູນຄ່າ 10,47 ຕື້ກີບ ທຽບໃສ່ໄລຍະດຽວກັນຂອງປີ ຜ່ານມາເພີ່ມຂຶ້ນ 82% ທຽບໃສ່ ແຜນການປີປະຕິບັດໄດ້ 38%, ສໍາລັບການຂຸດຄົ້ນແຮ່ທາດເຊັ່ນ: ແຮ່ທາດ ຟຣູອໍຣາຍ ໄດ້ຈຳນວນ 1.992 ໂຕນ ສາມາດສົ່ງອອກໄປປະເທດໄທໄດ້ທັງໝົດ 563 ໂຕນ ການສົ່ງອອກຫີນປູນຫີນກໍ່ ສ້າງໄປປະເທດໄທໄດ້ທັງໝົດ 51.300 ແມັດກ້ອນ, ມູນຄ່າ 4,01 ຕື້ກີບ.

-------

ຂຽນໂດຍ: ບຸນທີ

ພາບ ແລະຂ່າວຈາກ:​ ໜັງສືພິມເສດຖະກິດ-ສັງຄົມ

 

แชร์