ພູຄູນຢືດແປ້ງນົວກາຈອງເກືອບ 20 ເປົາ
ພາຍຫຼັງກົມຊັບສິນທາງປັນຍາ ກະຊວງວິທະຍາສາດ ແລະເຕັກໂນໂລຊີ ໄດ້ອອກແຈ້ງການສະບັບເລກທີ 0695/ກວຕ ລົງວັນທີ 12 ມິຖຸນາ 2019 ກ່ຽວ ກັບການສະກັດກັ້ນການຜະລິດ ແລະຈໍາ ໜ່າຍສິນຄ້າແປງນົວກາຈອງປອມ ດັ່ງ ນັ້ນເຈົ້າໜ້າທີ່ຈາກພາກສ່ວນກ່ຽວຂ້ອງ ຂອງເມືອງພູຄູນ ແຂວງຫຼວງພະບາງ ກໍ່ໄດ້ເອົາໃຈໃສ່ຢ່າງເອົາຈິງເອົາຈັງໃນ ການລົງເຄື່ອນໄຫວຕິດຕາມກວດກາບັນ ດາຫ້າງຮ້ານຄ້າຕ່າງໆພາຍໃນເມືອງ.
ຄັ້ງຫຼ້າສຸດແມ່ນໃນວັນທີ 24 ສິງຫາ 2019 ໄດ້ກວດກາ ແລະຢຶດແປ້ງນົວ ປອມທີ່ບັນຈຸໃສ່ເປົາ (ສີເຫຼືອງ-ສີຂາວ) ໃນລົດບັນທຸກຄັນໜຶ່ງ ທີ່ກໍາລັງຂົນສົ່ງເພື່ອກຽມຈຳໜ່າຍຕາມຮ້ານຄ້າຕ່າງໆ ຈໍານວນ 13 ເປົາ ລວມມີ 1.950 ຖົງ ໃນນີ້ ມີຖົງບັນຈຸຂະໜາດ 500 ກຣາມ ແລະຖົງບັນຈຸຂະໜາດ 250 ກຣາມ ລວມມູນຄ່າ 9 ລ້ານກວ່າກີບ.
ຂະນະທີ່ກ່ອນໜ້ານັ້ນ 1 ວັນຄືວັນທີ 23 ສິງຫາ 2019 ທີ່ເດີ່ນຕະຫຼາດຊຸມຊົນ ບ້ານສາມແຍກພູຄູນ ກໍໄດ້ມີການທຳລາຍ ແປ້ງນົວປອມ ໂດຍການເຂົ້າຮ່ວມຂອງ ທ່ານ ເພັດສະໝອນ ວົງສີປະເສີດ ຮອງເຈົ້າ ເມືອງພູຄູນ ມີບັນດາຂະແໜງການທີ່ກ່ຽວ ຂ້ອງຂອງເມືອງ, ບັນດາຫົວໜ້າຫ້ອງ ການ, ພະນັກງານວິຊາການ ຕະຫຼອດຮອດພໍ່ຄ້າຊາວຂາຍບ້ານສາມແຍກເຂົ້າ ຮ່ວມ.
ໂດຍແປ້ງນົວປອມທີ່ນຳມາທຳລາຍ ຄັ້ງນີ້ແມ່ນໄດ້ມາຈາກເຈົ້າໜ້າທີ່ຫ້ອງ ການວິທະຍາສາດ ແລະເຕັກໂນໂລຊີ ເມືອງພູຄູນ ຮ່ວມກັບຂະແໜງການທີ່ກ່ຽວຂ້ອງຂອງເມືອງໄດ້ລົງຕິດຕາມ ແລະກວດຢຶດໃນຄັ້ງວັນທີ 19 ສິງຫາ ຜ່ານມາ ຈາກລົດບັນທຸກທີ່ກຳລັງຂົນສົ່ງເພື່ອຈຳໜ່າຍສົ່ງໃຫ້ຮ້ານຄ້າຕ່າງໆ ພາຍ ໃນເມືອງພູຄູນຈຳນວນ 5 ເປົາ ມີ 776 ຖົງນໍ້າໜັກລວມ 155,2 ກິໂລກຣາມ ລວມມູນຄ່າ 3 ລ້ານກວ່າກີບ.
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ
