6 ເດືອນຕົ້ນປີແອັບສະມາດໂຟນ ສ້າງລາຍໄດ້ 39,7 ຕື້ໂດລາ

  ບໍລິສັດວິໄຈຕະຫຼາດ Sensor Tower ໄດ້ລາຍງານວ່າໃນ 6 ເດືອນຕົ້ນປີທີ່ຜ່ານມາໄດ້ມີການໃຊ້ງານແອັບສະມາດໂຟນ ໂດຍນັບຈາກທັງແອັບທີ່ດາວໂຫຼດຈາກ Apple AppStore ແລະGoog lePlayStore ສູງເຖິງ 39,7 ຕື້ ໂດລາສະຫະລັດ,ຊຶ່ງສູງຂຶ້ນຈາກ 6 ເດືອນຕົ້ນປີ 2018 ເຖິງ 15% ແລະອາດສົ່ງຜົນໃຫ້ລາຍໄດ້ໃນ ໄລຍະ 6 ເດືອນທ້າຍປີ 2019 ສູງ ຂຶ້ນຕາມໄປອີກດ້ວຍ.

ຈາກຈຳນວນທັງໝົດມີຜູ້ໃຊ້ iOS ທີ່ໃຊ້ຈ່າຍໃນ App Store ຫຼາຍເຖິງ 25,5 ຕື້ໂດລາ, ໂດຍ ເພີ່ມຂຶ້ນຈາກ 6 ເດືອນຕົ້ນປີ ຂອງ ປີ 2018 ເຖິງ 13% ໃນຂະນະທີ່ທາງຜູ້ໃຊ້ Android ມີການໃຊ້ໃນ GooglePlayStore ຢູ່ທີ່ 14,2 ຕື້ໂດລາ, ຊຶ່ງເພີ່ມຂຶ້ນຈາກ 6 ເດືອນຕົ້ນປີ 2018 ເຖິງ 20%.ສຳລັບແອັບທີ່ມີລາຍໄດ້ສູງສຸດ ນັ້ນຢູ່ໃນໝວດໝູ່ຂອງເກມຊຶ່ງສ້າງ ລາຍໄດ້ລວມກັນເຖິງ 29,6 ຕື້ໂດ ລາ, ຈາກທັງ iOS ແລະAndroid ໂດຍ 3 ເກມທີ່ມີລາຍໄດ້ສູງສຸດຄື:

  1. ເກມ ROV(Realm of Valor ຫຼື ທີ່ຮູ້ຈັກກັນໃນຊື່ Arena of Valor ຫຼື  Honor of  Kings) ຂອງ Tencent ສ້າງລາຍໄດ້ 728 ລ້ານໂດລາ.
  2. ເກມ Fate/Grand Order ທີ່ສ້າງລາຍໄດ້ 628  ລ້ານໂດລາ.
  3. ເກມ Monster Strike ສ້າງລາຍໄດ້ 566 ລ້ານໂດລາ.

ໃນສ່ວນຂອງແອັບທີ່ບໍ່ໄດ້ຢູ່ໃນ ໝວດຂອງເກມນັ້ນແອັບ Tinderສ້າງລາຍໄດ້ຫຼາຍທີ່ສຸດຢູ່ທີ່ 497 ລ້ານໂດລາຕາມມາດ້ວຍ Netflix ແລະTencent Video ສ້າງລາຍ ໄດ້ 399 ລ້ານໂດລາ ແລະ278 ລ້ານໂດລາຕາມລຳດັບ.

ຈຳນວນການດາວໂຫຼດແອັບ ໃນ 6 ເດືອນຕົ້ນປີ 2019 ນັ້ນ ເພີ່ມຂຶ້ນ 11% ໂດຍມີການດາວໂຫຼດຫຼາຍເຖິງ 56,7 ຕື້ແອັບ ຊຶ່ງ ຄິດເປັນແອັບທາງເບື້ອງ Android ເກືອບ 42 ຕື້ແອັບ ແລະiOS ອີກ ພຽງ 1,42 ຕື້ແອັບເທົ່ານັ້ນ.

ແລະແອັບທີ່ໄດ້ຮັບການດາວໂຫຼດລະຫວ່າງທັງສອງແພລຕຟອມຫຼາຍທີ່ສຸດຄື WhatsApp, Messenger, Facebook, TikTແລະInstagram ເວົ້າລວມ ແລ້ວ App ຂອງທາງເບື້ອງ Apple ຈະສ້າງລາຍໄດ້ຫຼາຍ ກວ່າ Android ເກືອບ 2 ເທົ່າທັງທີ່ມີການດາວ ໂຫຼດພຽງ 1/3 ຂອງແອັບທັງໝົດ ເທົ່ານັ້ນ.

-----------

ພາບ  ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์