ແກ້ງກົງພະນັງ ເມືອງສອງຄອນ

  ເມືອງສອງຄອນ ກໍແມ່ນ ອີກເມືອງໜຶ່ງທີ່ອຸດົມສົມບູນໄປດ້ວຍພູຜາປ່າໄມ້ອັນກວ້າງໃຫຍ່ໄພ ສານ, ເປັນເມືອງທີ່ອຸດົມສົມບູນໄປດ້ວຍແຫຼ່ງທ່ອງທ່ຽວທາງດ້ານທໍາ ມະຊາດ,ປະຫວັດສາດ ແລະດ້ານວັດທະນະທໍາທີ່ມີຄວາມສວຍງາມ ແລະໂດດເດັ່ນຂອງເມືອງ ແລະ ເມືອງສອງຄອນ ເປັນເມືອງທີ່ມີຊື່ສຽງໂດ່ງດັງທາງດ້ານຮ່ອງຮອຍປະຫວັດສາດ, ວັດທະນະທໍາ ແລະວັດຖຸບູຮານອັນເກົ່າແກ່.ເມື່ອເວົ້າ ເຖິງແຫຼ່ງທ່ອງທ່ຽວເມືອງສອງ ຄອນແລ້ວພາຍໃນເມືອງຍັງມີສະຖານທີ່ທ່ອງທ່ຽວທາງທໍາມະຊາດທີ່ມີຄວາມໂດດເດັ່ນເປັນຕົ້ນແມ່ນແກ້ງກົງພະນັງ.

ແກ້ງກົງພະນັງ ແມ່ນແກ້ງທີ່ໃຫຍ່,ເຕັມໄປດ້ວຍກ້ອນຫີນທີ່ສວຍ ງາມ ແລະມີລັກສະນະຮູບຮ່າງທີ່ ແຕກຕ່າງກັນຢັ່ງຢາຍຕາມສາຍແມ່ນໍ້າຂອງຕັ້ງຢູ່ບ້ານໜອງບົວທ່າເມືອງສອງຄອນ ຫ່າງຈາກຕົວເມືອງເຂົ້າໄປປະມານ 18 ກິໂລ ແມັດ, ຄວາມເປັນມາຂອງຊື່ “ ແກ້ງ ກົງພະນັງ” ໃນພາສາຜູ້ໄທແມ່ນ: ໂກ້ງພະ ນັງມີຄວາມໝາຍວ່າ: ສ້ວມທີ່ຫຸ້ມຫໍ່ດ້ວຍສາຍໂງ່ນຫີນ ຕິດຕໍ່ກັນບໍ່ສິ້ນສຸດ, ປະຈຸບັນມີຄໍາ ພ້ຽນວ່າ“ກົງພະນັງເຂັມມະລາດ”ລຽບຕາມສາຍຂອປະມານ 150 ແມັດ, ສ້ວມກົງພະນັງເປັນບ່ອນ ທໍາມາຫາກິນຂອງຊາວຂອມບູ ຮານ ແລະເປັນບ່ອນຫຼົບຫຼີກຈາກ ການເກັບເກນໄປສ້າງປະສາດຫີນຈາກທະຫານຂອງຂຸນອັງຄະລາດ ເມື່ອເຂົາເຫັນທະຫານມາພວກ ເຂົາໄດ້ພາກັນໄປຫຼົບຫຼີກ ແລະລີ້ຊ້ອນຕາມຖໍ້າດັ່ງກ່າວ, ປາກຖໍ້າເລີ່ມແຕ່ແຄມຂອງໄປກຸດພັນຈັນບ້ານໜອງຜີ ບາງຄັ້ງຍ້ອນຄວາມຮີບຮ້ອນຫຼົບຫຼີກພວກເຂົາຈຶ່ງລືມ ຜ້າແພ, ເຄື່ອງໃຊ້ຂອງສອຍໄວ້ຢູ່ ໃນສ້ວມຫີນເຮັດໃຫ້ທະຫານເຂົ້າ ໃຈວ່າແມ່ນເຄື່ອງຂອງຄົນບັງບົດ, ໃນບໍລິເວນຖໍ້າຍັງມີບັນດາຖໍ້າຕ່າງ ອີກ 14 ຖໍ້າ.

ເອົາເປັນວ່າຖ້າທ່ານໃດມີໂອ ກາດເດີນທາງໄປເມືອງສອງຄອນ ແກ້ງກົງພະນັງ ຄືອີກໜຶ່ງທາງ ເລືອກສຳລັບການທ່ອງທ່ຽວທີ່ດີຂອງທ່ານ ຊຶ່ງຫ່ງຈາກເທສະບານ ແຂວງໄປປະມານ 78 ກິໂລແມັດ ຮັບຮອງວ່າທ່ານຈະປະທັບໃຈຢ່າງ ແນ່ນອນ.

ພາບ  ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์