ຖວທ ຄຳມ່ວນແຂ່ງຂັນຍ້ອງຍໍຄຳຂວັນ ຮັກຊາດ ແລະພັດທະນາ

  ພິທີເປີດການແຂ່ງຂັນຍ້ອງຍໍພາຍໃຕ້ຄຳຂວັນຮັກຊາດ ແລະພັດທະນາໄດ້ຈັດຂຶ້ນໃນວັນທີ 20 ສິງຫາ 2019 ໂດຍການເຂົ້າຮ່ວມຂອງທ່ານ ຂັນຕີ ໂພທິນ ຫົວໜ້າພະ ແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງຄຳມ່ວນ, ມີຄະນະພັກ, ຄະນະພະແນກ, ຂະແໜງການ, ກອງວິຊາການອ້ອມຂ້າງຕະຫຼອດເຖິງພະນັກ ງານວິຊາການພາຍໃນພະແນກ.

  ຂະບວນການແຂ່ງຂັນຮັກຊາດ ແລະ ພັດທະນາປະຈຳປີ 2019 ຂອງພະແນກ ຖວທ ແຂວງໄດ້ ກຳນົດເອົາ 5 ເນື້ອໃນຂໍ້ແຂ່ງຂັນຄື: ແຂ່ງຂັນປະຕິບັດແບບແຜນວິທີເຮັດວຽກທີ່ດີມີວິທະຍາສາດ, ການປະຕິບັດລະບຽບກົດໝາຍຢ່າງເຂັ້ມງວດ, ການປະຕິບັດວຽກງານວິຊາສະເພາະ, ວຽກງານປ້ອງກັນຊາດ-ປ້ອງກັນຄວາມສະຫງົບ ແລະການປະຕິບັດວຽກງານວັດທະນະທຳ-ສັງຄົມການສ້າງຂະບວນການບົນພື້ນຖານປະຕິບັດຕາມ 4 ຄາດໝາຍລວມຂອງການຈັດຕັ້ງແຂ່ງຂັນພັດທະນາຄື: ໃຫ້ໄວ, ໃຫ້ດີ, ໃຫ້ຫຼາຍ ແລະໃຫ້ຖືກຕ້ອງຕາມລະບຽບກົດໝາຍ. ໂອກາດດັ່ງກ່າວບັນດາຂະແໜງການຍັງໄດ້ຮ່ວມຈັບມືແຂ່ງຂັນກັນເພື່ອນຳເອົາເນື້ອໃນຈິດໃຈຂອງຂໍ້ແຂ່ງຂັນດັ່ງກ່າວໄປຜັນຂະຫຍາຍຈັດຕັ້ງປະຕິບັດເຂົ້າໃນໜ້າທີ່ຄວາມຮັບຜິດຊອບພາຍໃນຂະແໜງການຂອງຕົນ.

  ທ່ານ ຂັນຕີ ໂພທິນ ໄດ້ມີຄຳ ເຫັນຊີ້ນຳ ໂດຍຮຽກຮ້ອງມາຍັງທຸກພາກສ່ວນຈົ່ງເປັນເຈົ້າການສືບຕໍ່ຈັດຕັ້ງປະຕິບັດພາລະບົດບາດ, ຍົກສູງຄວາມຮັບຜິດຊອບວຽກງານຂອງຕົນໃຫ້ໄດ້ຮັບການພັດທະນາຢ່າງຕໍ່ເນື່ອງ ແລະທ່ວງທັນກັບສະພາບການໂດຍສະເພາະຂົງເຂດສື່ມວນຊົນຕ້ອງຮັບປະກັນດ້ານເນື້ອໃນຂ່າວສານທີ່ຖືກຕ້ອງ, ຕອບໂຕ້ສື່ຕ່າງໆທີ່ມີເນື້ອໃນບິດເບືອນຄວາມຈິງໄປຄຽງຄູ່ກັນນັ້ນກໍ່ຕ້ອງເອົາໃຈໃສ່ປົກປັກຮັກສາວັດທະນະທຳຂອງຊາດຂອງທ້ອງຖິ່ນ ແລະ ຊຸກຍູ້ສົ່ງເສີມການທ່ອງທ່ຽວພາຍໃນແຂວງໃຫ້ນັບມື້ນັບຫຼາຍຂຶ້ນ.

-----------

ຂຽນໂດຍ: ກອງຄຳ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์