ວິທະຍຸ-ໂທລະພາບ ນວ ຮ່ວມບໍລິຈາກເລືອດ ຕ້ອນຮັບວັນສໍາຄັນ

 ວັນທີ 21 ສິງຫາ 2019 ສະຖານີວິທະຍຸ-ໂທລະພາບນະຄອນຫຼວງວຽງຈັນ ຮ່ວມກັບສູນເລືອດແຫ່ງຊາດອົງການກາແດງລາວຈັດກິດຈະກໍາບໍລິຈາກເລືອດແບບເປີດກວ້າງເພື່ອແກ້ໄຂການ ຂາດເຂີນເລືອດທີ່ມີຢູ່ໃນປະຈຸບັນພາຍໃຕ້ຄໍາຂວັນ“ບໍລິຈາກເລືອດແມ່ນຮັກຊາດ ແລະການພັດທະນາ”  ໂດຍການເຂົ້າຮ່ວມຂອງທ່ານ ສົມປະສົງ ສົມພັກດີ ຜູ້ອໍານວຍການສະຖານີວິທະຍຸ-ໂທລະພາບນະຄອນຫຼວງວຽງຈັນ, ທ່ານດຣ ແພງທອງ ບານຈັນທະວົງ ຮອງຫົວໜ້າສູດເລືອດແຫ່ງຊາດພ້ອມດ້ວຍບັນດາສື່ມວນຊົນເຂົ້າຮ່ວມ.

  ທ່ານ ດຣ ແພງທອງ ບານ ຈັນທະວົງ ໄດ້ກ່າວວ່າ: ໃນໄລຍະ ຕົ້ນປີ 6 ເດືອນທົ່ວປະເທດມີຜູ້ ບໍລິຈາກເລືອດ 46% ແລະເພື່ອ ໃຫ້ບັນລຸເປົ້າໝາຍ 55 ພັນຖົງໃນ ປີ 2019 ແມ່ນໄດ້ມີການປຸກລະດົມທົ່ວປະເທດໃຫ້ຮ່ວມກັນບໍລິຈາກເລືອດຫຼາຍຂຶ້ນປະຈຸບັນການບໍລິຈາກເລືອດຍັງມີສິ່ງທ້າທາຍ ແລະ ມີບັນຫາຫຼາຍໆຢ່າງລວມທັງນະ ຄອນຫຼວງວຽງຈັນ ແລະຕ່າງແຂວງ ຊຶ່ງຍັງມີການລະບາດຂອງ ພະຍາດໄຂ້ຍຸງລາຍໃນຂອບເຂດ ທົ່ວປະເທດຍິ່ງຕ້ອງການເລືອດ ເພີ່ມຂຶ້ນລວມທັງສູນກາງ ແລະ ຕ່າງແຂວງກໍຍັງຂາດເຂີນເລືອດ ພ້ອມນີ້ຈຶ່ງຮຽກຮ້ອງໃຫ້ປະຊາຊົນທຸກຄົນຮ່ວມກັນບໍລິຈາກເລືອດ ເນື່ອງຈາກວ່າເລືອດເປັນປັດໄຈ ສໍາຄັນໃນການຊ່ວຍເຫຼືອມະນຸດ ດ້ວຍກັນ ຊຶ່ງສາມາດຮ່ວມບໍລິ ຈາກໄດ້ທີ່ສູນເລືອດແຫ່ງຊາດ ຫຼື ຮ່ວມກິດຈະກໍາບໍລິຈາກເລືອດກັບ ໜ່ວຍເຄື່ອນໄຫວນອກສະຖານທີ່ 4 ໜ່ວຍຕໍ່ມື້ ທັງສູນກາງ ແລະ ຕ່າງແຂວງ ພ້ອມທັງໃຫ້ສື່ມວນ ຊົນເປັນສູນກາງໃນການໂຄສະນາ ປະຊາສໍາພັນໃຫ້ມວນຊົນມີສ່ວນ ຮ່ວມໃນການບໍລິຈາກ.

  ທ່ານ ສົມປະສົງ ສົມພັກດີ ໄດ້ກ່າວຕື່ມອີກວ່າ: ກິດຈະກໍາດັ່ງກ່າວເພື່ອຂໍ່ານັບຮັບຕ້ອນວັນສໍາຄັນຂອງຊາດເປັນຕົ້ນແມ່ນວັນສື່ມວນຊົນ ວັນທີ13 ສິງຫາ ຄົບຮອບ 69 ປີ ແລະວັນສໍາຄັນ ອື່ນໆ, ທັງເປັນການປຸກລະດົມ ການບໍລິຈາກເລືອດຊ່ວຍເຫຼືອຄົນ ເຈັບທີ່ຕ້ອງການໃຊ້ເລືອດ ໂດຍສະເພາະໄລຍະທີ່ມີການລະບາດ ຂອງພະຍາດໄຂ້ຍຸງລາຍຊຶ່ງກິດຈະກໍາດັ່ງກ່າວພວກເຮົາທຸກຄົນເຮັດເພື່ອການກຸສົນໃນນາມທີ່ຕົນເອງກໍເປັນຄົນໜຶ່ງທີ່ຮ່ວມບໍລິຈາກເລືອດກໍຢາກເຊີນຊວນທຸກຄົນ ແລະທຸກພາກສ່ວນໃຫ້ມີສ່ວນຮ່ວມໃນການບໍລິຈາກເລືອດໂດຍຄາດໝາຍໃນການບໍລິຈາກເລືອດໃນຄັ້ງນີ້ກວ່າ 50 ຖົງ.

----------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

• 23/08/2019