ອຸດົມໄຊ ຮັບຟັງນິຕິກຳກ່ຽວກັບອົງການຈັດຕັ້ງສັງຄົມ

  ກອງປະຊຸມເຜີຍແຜ່ນິຕິກໍາກ່ຽວກັບວຽກງານອົງການຈັດຕັ້ງສັງຄົມຈັດຂຶ້ນໃນວັນທີ 19 ສິງຫາ 2019 ຢູ່ແຂວງອຸດົມໄຊໃຫ້ກຽດເຜີຍແຜ່ໂດຍທ່ານ ທອງສະຫວັນ ປັນຍາວິຈິດ ຮອງຫົວໜ້າກົມພັດທະນາການບໍລິຫານລັດ, ກະຊວງພາຍໃນ, ມີບັນດາຕາງໜ້າພະແນກການ, ອົງການຈັດຕັ້ງທຽບເທົ່າພະແນກການທີ່ກ່ຽວຂ້ອງ ແລະຫ້ອງການພາຍໃນ 7 ເມືອງ ຂອງແຂວງອຸດົມໄຊ ເຂົ້າຮ່ວມຮັບຟັງ.

 ນິຕິກຳທີ່ນຳມາເຜີຍແຜ່ປະກອບມີຫຼາຍເນື້ອໃນທີ່ກ່ຽວຂ້ອງໂດຍສະເພາະແມ່ນດຳລັດວ່າດ້ວຍສະມາຄົມສະບັບປັບປຸງປະກອບມີທັງໝົດ10 ໝວດ, 49 ມາດຕາ, ດຳ ລັດວ່າດ້ວຍມູນນິທິ ແລະຄຳ ສັ່ງແນະນຳກ່ຽວກັບການຈັດຕັ້ງ ປະຕິບັດແຕ່ລະດຳລັດດັ່ງກ່າວ. ນອກນັ້ນ ຍັງມີການສະເໜີບາງ ເນື້ອໃນ ໂດຍສະເພາະແມ່ນການອະນຸ ມັດໃຫ້ສະມາຄົມ ແລະມູນນິທິຮັບ ເອົາທຶນ, ຊັບສິນ ແລະຊ່ຽວຊານ ຈາກຕ່າງປະເທດ, ການຄຸ້ມຄອງ ແລະຮູບແບບຕາປະທັບຂອງສະ ມາຄົມ ແລະມູນນິທິ ລວມທັງສະ ພາບອັນພົ້ນເດັ່ນໃນພາກພື້ນ ແລະ ສາກົນກ່ຽວກັບການເຄື່ອນໄຫວຈັດຕັ້ງປະຕິບັດວຽກງານຂອງອົງ ການຈັດຕັ້ງສັງຄົມໃນໄລຍະຜ່ານ ມາ.ການເຜີຍແຜ່ໃນຄັ້ງນີ້ ກໍເພື່ອ ເຮັດໃຫ້ພະນັກງານ, ຂະແໜງການ ຂອງລັດຂັ້ນແຂວງ, ເມືອງໂດຍສະ ເພາະພາຍໃນແຂວງອຸດົມໄຊຮັບ ຮູ້, ເຂົ້າໃຈແຈ້ງຕໍ່ກັບວຽກງານອົງ ການຈັດຕັ້ງສັງຄົມ ແລະສາມາດຕິດຕາມ, ກວດກາ, ຊຸກຍູ້, ຄຸ້ມຄອງການເຄື່ອນໄຫວຈັດຕັ້ງປະຕິບັດຂອງອົງການຈັດຕັ້ງສັງຄົມໄດ້ຢ່າງມີປະສິດທິພາບ ແລະຖືກຕ້ອງຕາມລະບຽບຫຼັກ ການ.

  ໂອກາດດັ່ງກ່າວໄດ້ຍົກເອົາບາງບັນຫາຂຶ້ນມາເພື່ອປຶກສາຫາລື ແລະສົນທະນາແລກປ່ຽນບົດຮຽນຮ່ວມກັນເພື່ອເຮັດໃຫ້ການເຜີຍແຜ່ດັ່ງກ່າວໄດ້ຮັບຜົນສູງສຸດ ແລະ ຜູ້ເຂົ້າຮ່ວມສາມາດນຳເອົາເນື້ອໃນນິຕິກຳໄປໝູນໃຊ້ໃນການຈັດຕັ້ງປະຕິບັດວຽກງານຕົວຈິງໄດ້ຢ່າງຖືກຕ້ອງ, ສອດຄ່ອງ ແລະມີປະສິດທິພາບ.  

----------

ຂຽນໂດຍ: ຄານມະນີ ຮຽນດໍຈັນ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์