ເຜີຍແຜ່ກົດໝາຍສຳນັກງານຜູ້ຕາງໜ້າ ແຫ່ງ ສປປ ລາວ

 ໃນວັນທີ 20 ສິງຫາ 2019  ສູນການຮ່ວມມື ແລະ ຝຶກອົບຮົມສາກົນ (ICTC), ກະຊວງການຕ່າງປະເທດໄດ້ຈັດຕັ້ງກອງປະຊຸມເຜີຍແຜ່ກົດໝາຍວ່າດ້ວຍສຳນັກ ງານຜູ້ຕາງໜ້າແຫ່ງ ສປປ ລາວ ປະຈຳ ຢູ່ຕ່າງປະເທດໃຫ້ແກ່ບັນດາກະຊວງ, ອົງການຈັດຕັ້ງລັດທຽບເທົ່າ ກະຊວງ ແລະອົງການຈັດຕັ້ງຂັ້ນ ຕ່າງໆອ້ອມຂ້າງສູນກາງ ໂດຍ ການເປັນປະທານຂອງ ທ່ານ ນາງ ຄຳເພົາ ເອີນທະວັນ ຮອງລັດຖະມົນຕີກະຊວງການຕ່າງປະເທດ, ທ່ານ ສະຫວັນຄອນ ຣາຊະມຸນຕີ ຮອງລັດຖະມົນຕີກະຊວງຖະແຫຼງ ຂ່າວ, ວັດທະນະທຳ ແລະທ່ອງທ່ຽວທ່ານ ໄຊນະຄອນ ອິນທະວົງ ຮອງ  ລັດຖະມົນຕີກະຊວງຊັບພະຍາ ກອນທຳມະຊາດ ແລະສິ່ງແວດລ້ອມ, ທ່ານ ຫຸມພັນ ອິນທະລາດ ຮອງລັດຖະມົນຕີກະຊວງວິທະຍາສາດ ແລະເຕັກໂນໂລຊີ ແລະຍັງມີຫົວໜ້າຫ້ອງການ, ຫົວໜ້າກົມ, ຮອງຫົວໜ້າກົມ ແລະ ຜູ້ຕາງໜ້າຈາກອົງການຈັດ ຕັ້ງຂັ້ນສູນກາງເຂົ້າຮ່ວມ.

 ກອງປະຊຸມຄັ້ງນີ້ແມ່ນມີຈຸດປະສົງໃນການສ້າງຄວາມຮັບຮູ້ຄວາມເຂົ້າໃຈເປັນເອກະພາບກ່ຽວກັບທີ່ຕັ້ງ, ພາລະບົດບາດສິດ ແລະໜ້າທີ່ຂອງສຳນັກງານຜູ້ຕາງໜ້າແນໃສ່ຮັບປະກັນການຈັດຕັ້ງປະຕິບັດກົດໝາຍສະບັດນີ້ໃຫ້ຖືກຕ້ອງ, ສຳນັກງານຜູ້ຕາງໜ້າແຫ່ງ ສປປ ລາວ ປະຈຳຢູ່ຕ່າງປະເທດໄດ້ຜ່ານການຮັບຮອງຢູ່ໃນກອງປະຊຸມສະພາແຫ່ງຊາດໃນວັນທີ 11 ທັນວາ 2018 ແລະເລີ່ມມີຜົນນັບແຕ່ວັນທີ 3 ກໍລະກົດ 2019 ເປັນຕົ້ນມາຊຶ່ງເປັນກົດໝາຍສະບັບທີສອງຂອງຂະແໜງການຕ່າງປະເທດ ແລະຖືເປັນໜຶ່ງໃນບາດກ້າວສຳຄັນຂອງກະຊວງການຕ່າງປະເທດໃນການພັດທະນາລະບົບນິຕິກຳຂອງຂະແໜງການການຕ່າງປະເທດໃຫ້ເປັນລະບົບເທື່ອລະກ້າວຕາມ ແນວທາງນະໂຍບາຍຂອງພັກ-ລັດ ຕາມເປົ້າໝາຍຂອງການສ້າງລັດຄຸ້ມຄອງດ້ວຍກົດໝາຍໂດຍສອດຄ່ອງກັບນະໂຍບາຍການຕ່າງປະເທດຂອງ ສປປ ລາວ ໃນແຕ່ລະໄລຍະ.

  ກົດໝາຍສະບັບນີ້ໄດ້ກຳນົດຫຼັກການ, ລະບຽບການ ແລະມາດຕະການກ່ຽວກັບການຈັດຕັ້ງ, ການຄຸ້ມຄອງ ແລະການຕິດຕາມກວດກາການເຄື່ອນໄຫວຂອງສຳນັກ ງານຜູ້ຕາງໜ້າ ແຫ່ງ ສປປ ລາວ ປະຈຳຢູ່ຕ່າງປະເທດໃຫ້ມີ ປະສິດທິພາບ ແລະທັງເປັນການ ຮັບປະກັນໃຫ້ການພົວພັນກັບຕ່າງ ປະເທດທີ່ຮັບ ແລະອົງການຈັດຕັ້ງ ສາກົນ ລວມທັງການຄຸ້ມຄອງການເຄື່ອນໄຫວວຽກງານການ ຕ່າງປະເທດຂອງການຈັດຕັ້ງສປປ ລາວ ປະກອບສ່ວນເຂົ້າໃນ ພາລະກິດປົກປັກຮັກສາ ແລະ ພັດທະນາປະເທດຊາດ. ກົດໝາຍສະ ບັບນີ້ ຍັງເປັນບ່ອນອີງໃຫ້ແກ່ການສ້າງຖັນແຖວພະນັກງານ-ລັດຖະ ກອນການທູດກໍ່ຄືບຸກຄະລາກອນອື່ນໆຂອງສຳນັກງານຜູ້ຕາງໜ້າໃຫ້ມີຄວາມຊຳນິຊຳນານໃນລະດັບສູງ, ມີຄວາມສັດຊື່ຕໍ່ປະເທດຊາດ ແລະປະຊາຊົນລາວບັນດາເຜົ່າ, ສາມາດປະຕິບັດຕາມແນວທາງນະໂຍບາຍການຕ່າງປະເທດຂອງພັກ-ລັດ ແລະປະໂຫຍດອັນຊອບທຳຂອງພົນລະເມືອງລາວນິຕິບຸກຄົນຢູ່ຕ່າງປະເທດໄດ້ເປັນຢ່າງດີ.

  ປະຈຸບັນ ສປປ ລາວ ມີສາຍພົວພັນການທູດ 141 ປະເທດ ແລະມີສຳນັກງານຜູ້ຕາງໜ້າປະຈຳຢູ່ຕ່າງປະເທດລວມທັງໝົດ 40 ແຫ່ງ ສະນັ້ນການຮັບຮອງເອົາກົດ ໝາຍດັ່ງກ່າວຖືເປັນການເພີ່ມທະວີ ແລະສ້າງຄວາມເຂັ້ມແຂງໃຫ້ແກ່ການເຄື່ອນໄຫວຂອງສຳນັກງານຜູ້ຕາງໜ້າໃນການສົ່ງເສີມວຽກງານສາຍພົວພັນຮ່ວມມືທາງດ້ານ ການເມືອງ,ປ້ອງກັນປະເທດ,ຄວາມໝັ້ນຄົງ, ການຮັບໃຊ້ການພັດທະນາເສດຖະກິດແຫ່ງຊາດ, ສົ່ງເສີມການຮ່ວມມືດ້ານວັດທະນະທຳ, ການສົ່ງອອກແຮງງານ, ການລົງທຶນ, ການທ່ອງທ່ຽວ, ການຄ້າ, ວິທະຍາສາດ, ເຕັກໂນໂລຊີ ແລະສິ່ງແວດລ້ອມ ແລະຍັງມີການຮ່ວມມືກັບຂະແໜງການອື່ນໆລະຫວ່າງປະເທດ ສປປ ລາວ ກັບປະ ເທດທີ່ຮັບ ແລະອົງການຈັດຕັ້ງສາກົນລວມທັງປະຕິບັດວຽກງານກົງສູນພົວພັນເຊື້ອຊາດລາວຢູ່ໃນຕ່າງປະເທດໃຫ້ນັບມື້ນັບດີຂຶ້ນ.

------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์