ອິນສະຕາແກຣມ, ວອດແອັບ ແລະເຟຊບຸກ ວາງແຜນສົ່ງຂໍ້ຄວາມຜ່ານຫາກັນໄດ້

  ເມື່ອບໍ່ດົນມານີ້ສຳນັກຂ່າວ The New York Times ລາຍ ງານວ່າຊັກເຄີເບີກຜູ້ກໍ່ຕັ້ງເຟຊບຸກມີແຜນທີ່ຈະປັບປ່ຽນໂຄງສ້າງໂຊ ຊຽວມິເດຍຄື: WhatsApp, Ins tagram (ສ່ວນຂອງ Direct Messages) ແລະFacebook Messengerໃຫ້ສາມາດສົ່ງ ຂໍ້ຄວາມຜ່ານຫາກັນໄດ້ໝົດທຸກ ແພລຕຟອມ ເນື່ອງຈາກທ່ານມາກ ຕ້ອງການເລີ່ມໃຊ້ເຕັກໂນໂລຊີທີ່ ເອີ້ນວ່າ “End-to-End Encr yption (E2EE) ຊຶ່ງການປ່ຽນ ແປງໃນຄັ້ງນີ້ຖືເປັນວຽກທີ່ຄ່ອນຂ້າງໜັກພໍສົມຄວນເພາະເຂົາຕ້ອງ ອອກແບບລະບົບໃຫ້ທັງສາມແອັບພລິເຄຊັນສາມາດໃຊ້ງານໄດ້ຢ່າງສະດວກ ໂດຍສະເພາະເຕັກໂນໂລຊີ End-to-End Encryption ຊຶ່ງຖືເປັນຂັ້ນຕອນທີ່ທ້າທາຍທີ່ສຸດ.

ສຳລັບເຕັກໂນໂລຊີ End-to- End Encryption (E2EE) ຄື ການເຂົ້າລະຫັດລະຫວ່າງຄູ່ສົນທະນາສອງຄົນຕັ້ງແຕ່ຕົ້ນທາງເຖິງປາຍທາງເທົ່ານັ້ນຫາກມີຄົນບໍ່ດີຕ້ອງການເບິ່ງຂໍ້ຄວາມກໍສະແດງ ເປັນພຽງແຕ່ລະຫັດເທົ່ານັ້ນບໍ່ສາມາດເຫັນຂໍ້ຄວາມທີ່ຄູ່ສົນທະນາ ສົ່ງຫາກັນໄດ້ສຳລັບWhatsApp ໃຊ້ລະບົບ E2EE ຢູ່ແລ້ວຊຶ່ງເປີດ ໃຊ້ບໍລິການຕັ້ງແຕ່ປີ 2016 ຂະນະທີ່ Facebook Messenger ຈະໃຊ້ລະບົບນີ້ໄດ້ກໍຕໍ່ເມື່ອຜູ້ໃຊ້ ງານເປີດຟີເຈີ “Secret Conversations” ເທົ່ານັ້ນສ່ວນ Ins tagram ບໍ່ຕ້ອງເວົ້າເຖິງເພາະຍັງບໍ່ມີລະບົບນີ້ຮອງຮັບ.

ໂດຍໃນຕອນນີ້ທາງ Face book ກຳລັງຢູ່ໃນຂັ້ນຕອນວາງ ແຜນເບື້ອງຕົ້ນສຳລັບການລວມ ເອົາແພລຕຟອມຕ່າງໆເຂົ້າກັນເພື່ອອຳນວຍຄວາມສະດວກ ແລະ ເພີ່ມລະບົບຄວາມປອດໄພໃນການ ເວົ້າຈາຂອງຜູ້ໃຊ້ງານຫຼາຍຍິ່ງຂຶ້ນ ແຕ່ຄຳຖາມສຳຄັນທີ່ພວກເຂົາຈະ ຕ້ອງຕອບໃຫ້ໄດ້ກ່ອນລົງມືປະຕິບັດຄື “ເມື່ອ E2EE ອະນຸຍາດສະ ເພາະແຕ່ຜູ້ຮັບ ແລະຜູ້ສົ່ງແຕ່ການ ນຳທັງສາມແພລຕຟອມດັ່ງກ່າວ ມາລວມກັນແລ້ວຕົ້ນທາງເປັນລະບົບ E2EE ກໍຈິງແປາຍທາງທີ່ສາມາດເປີດ-ປິດລະບົບໄດ້ ຫຼື ອາດຈະບໍ່ມີເລີຍຜົນໄດ້ຮັບທີ່ຕາມມາຈະເປັນແນວໃດ?” ດັ່ງນັ້ນການ ລວມຕົວຄັ້ງນີ້ຈຶ່ງເປັນສິ່ງທີ່ທ່ານມາກຕ້ອງຫາຄຳຕອບໃຫ້ໄດ້ໂດຍ ໄວເພື່ອໃຫ້ຜູ້ໃຊ້ງານເຂົ້າໃຈລະບົບ E2EE ຖ້າບໍ່ດັ່ງນັ້ນກໍຈະເປັນຊ່ອງ ໂຫວ່ທີ່ບໍ່ປອດໄພສຳລັບຜູ້ໃຊ້ງານ ແມທທຣິວກຣິນນັວິທະຍາການເຂົ້າລະຫັດລັບຂອງມະຫາວິທະ ຍາໄລ Johs Hopkins ກ່າວວ່າ “ບັນຫາໃຫຍ່ທີ່ຂ້າພະເຈົ້າເຫັນຄື WhatsApp ເປັນແພລຕຟອມ ດຽວທີ່ມີລະບົບE2EE ຖ້າ ເປັນເປົ້າໝາຍຂອງມາກຊັກເຄີເບີກ ຄືຕ້ອງການໃຫ້ຜູ້ໃຊ້ສະດວກໃນ ການສົ່ງຂໍ້ຄວາມໄປມາລະຫວ່າງແອັບພລິເຄຊັນໄດ້ແຕ່ຫາກມີການເຂົ້າລະຫັດລະຫວ່າງທາງຈະເກີດບັນຫາຫຍັງຕາມມາ”.

ຕອນນີ້ເຮົາຈຶ່ງໄດ້ແຕ່ຕັ້ງຄຳຖາມວ່າ Facebook ຈະເຮັດ ແນວໃດຕໍ່? ຈະລວມທັງສາມໂປຣ ແກຣມໄວ້ນຳກັນແນວໃດ? ຊຶ່ງບໍ່ແມ່ນແຕ່ທາງເຕັກນິກເທົ່ານັ້ນແຕ່ຈະເຮັດແນວໃດໃຫ້ຜົນລັບອອກມາບໍ່ໃຫ້ຜູ້ໃຊ້ງານສັບສົນ ແລະເຮັດ ໃຫ້ພວກເຂົາຫັນໄປໃຊ້ໂປຣແກຣມແຊຕຕົວອື່ນແທນ.

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์