ປູກຫຍ້າລ້ຽງງົວ ພາໃຫ້ຄອບຄົວຫຼຸດພົ້ນຄວາມທຸກຍາກ

 ບຸກຄົນຫຼືຄອບຄົວໃດຖ້າຫາກມີຄວາມດຸໝັ່ນຂະຫຍັນພຽນຫ້າວຫັນໃນການທໍາມາຫາກິນຄອບຄົວນັ້ນກໍຈະມີຢູ່ມີກິນສາມາດກ້າວໄປສູ່ຄວາມສໍາເລັດ ແລະຫຼຸດພົ້ນອອກຈາກຄວາມທຸກຍາກໄດ້ດັ່ງຄອບຄົວຂອງທ່ານ ເຊຍຈາຊົງ ອາຍຸ 40 ປີ, ປະຈຸບັນຢູ່ບ້ານຫ້ວຍ ເລົ່າເມືອງຊ່ອນ ແຂວງຫົວພັນ ແມ່ນຄອບຄົວໜຶ່ງທີ່ຖືເອົາການປູກຝັງ-ລ້ຽ ງສັດ ຂາຍເປັນສິນຄ້າ, ຈາກຄວາມອົດທົນສູ້ຊົນຜ່ານຜ່າອຸປະສັກສົ່ງຜົນເຮັດໃຫ້ຄອບຄົວຂອງເພິ່ນສາມາດຫຼຸດພົ້ນອອກຈາກຄວາມທຸກຍາກ ແລະກາຍເປັນຄອບຄົວຕົວແບບພາຍໃນບ້ານ.

  ທ່ານ ເຊຍຈາຊົງ ໃຫ້ຮູ້ວ່າ: ສະມາຊິກໃນຄອບຄົວຂອງເພິ່ນມີ ທັງໝົດ 7 ຄົນ, ແຮງງານຕົ້ນຕໍ 2 ຄົນ, ອາຊີບປະຈຸບັນ ປູກຫຍ້າລ້ຽງງົວຂາຍເປັນສິນຄ້າ, ໃນເມື່ອ ກ່ອນປູກຢາຝ່ິນ ແລະປູກສາລີໄດ້ຜົນຜະລິດຕໍ່າພໍແຕ່ກຸ້ມກິນກໍເລີຍຢຸດເຊົາ,ຈາກນັ້ນໄດ້ຕັດສິນໃຈໄປຖອດຖອນບົດຮຽນແລະຫັນມາປູກຫຍ້າລ້ຽງງົວຂາຍເປັນສິນຄ້າເລີ່ມປູກປີ 2015 ແນວພັນທີ່ນໍາ ມາປູກແມ່ນແກ່ນຫຍ້າລູຊີແນວ ພັນໃຫຍ່, ຈໍານວນ 61 ກິໂລລາຄາ 40.000 ກີບ ໄປຊື້ຢູ່ເມືອງໂພນໄຊ ແລະກໍຫວ່ານໜ້ອຍໜຶ່ງເພື່ອເຮັດແນວ ແລະໄດ້ລົງທຶນ 35 ລ້ານກີບ ຊື້ງົວ 6 ໂຕ ແລະຕໍ່ມາງົວກໍມີການຂະຫຍາຍເພີ່ມຂຶ້ນ,ມາຮອດປີ 2017 ໄດ້ຂາຍງົວໃຫຍ່ຈໍານວນ 8 ໂຕ ມີລາຍຮັບ 24 ລ້ານກີບ, ສໍາລັບການຂາຍງົວຈະຂາຍເປັນ ຊຸດລ້ຽງ3 ເດືອນ ຫຼື 5 ເດືອນ ຂາຍຊຸດໜຶ່ງປະມານ 5-6 ໂຕ  ລາຄາງົວໃຫຍ່ 10 ລ້ານກີບຕໍ່ໂຕ, ລຸ້ນກາງ 8-9 ລ້ານກີບຕໍ່ໂຕ ສະ ເລ່ຍລວມແລ້ວໃນປີ2018 ມີລາຍ ຮັບຈາກການຂາຍງົວໄດ້ 100 ລ້ານກີບ ປະຈຸບັນຢູ່ໃນສວນມີງົວ ທັງໝົດ 75 ໂຕ, ງົວແມ່ 42 ໂຕ.

ສໍາລັບເຕັກນິກໃນການລ້ຽງ ງົວແມ່ນໄດ້ສົມທົບກັບຂະແໜງ ກະສິກໍາ-ປ່າໄມ້ ຂອງເມືອງຊ່ອນ ແນະນໍາວິທີລ້ຽງ, ວິທີເຮັດຄອກ ສະອາດແລະເລືອກແນວພັນທີ່ດີ ນອກຈາກນັ້ນ, ຊ່ວຍເຫຼືອຢາປ້ອງ ກັນພະຍາດລະບາດໃນແຕ່ລະໄລ ຍະ, ປະຈຸບັນ ໄດ້ຂະຫຍາຍສວນ ຫຍ້າຈໍານວນ 16 ເຮັກຕາ ມີທັງໝົດ 5 ລ໋ອກ ແລ້ວຈະປ່ອຍໃຫ້ງົວແຕ່ ລະລຸ້ນກິນຫຍ້າຕາມລ໋ອກທີ່ໄດ້ກໍາ ນົດໄວ້ນັ້ນ ເພື່ອຄວາມສະດວກ ໃນການດູແລເບິ່ງແຍງ.

  ນອກຈາກປູກຫຍ້າລ້ຽງງົວຂາຍເປັນສິນຄ້າແລ້ວຍັງໄດ້ລິເລີ່ມປູກໝາກແໜ່ງເປັນອາຊີບສໍາຮອງເນື້ອທີ່ໃນການປູກປະມານເຮັກຕາເຄິ່ງເພື່ອສ້າງລາຍຮັບເພີ່ມເຂົ້າຄອບ ຄົວ, ສໍາລັບແຜນໃນຕໍ່ໜ້າຈະຂະຫຍາຍພື້ນທີ່ສວນຫຍ້າເພີ່ມຂຶ້ນອີກ 2 ເຮັກຕາ ແລະຂະຫຍາຍແນວພັນງົວໃຫ້ຫຼາຍຂຶ້ນຈະສູ້ຊົນໃຫ້ໄດ້ຂາຍງົວຊຸດລະ 26-30 ໂຕ ເພື່ອເຮັດໃຫ້ຄອບຄົວມີລາຍຮັບເພີ່ມຂຶ້ນເລື້ອຍໆ.

  ທ່ານ ຈັນເພັດ ໄຊຍະບຸນ ຫົວໜ້າຄະນະໂຄສະນາອົບຮົມເມືອງຊ່ອນ ໄດ້ກ່າວຜ່ານມາວ່າ: ໄດ້ລົງມາຊີ້ນໍາປະຊາຊົນໃນເຂດນີ້ເພື່ອສຸມໃສ່ສ້າງເສດຖະກິດຄອບຄົວແກ້ໄຂຄວາມທຸກຍາກ ເຫັນວ່າ ຄອບຄົວ ສະຫາຍ ເຊຍຈາຈົງ ກໍ ແມ່ນຄອບຄົວໜຶ່ງທີ່ມີຄວາມຕັດສິນໃຈສູງໄດ້ນໍາພາຄອບຄົວຫັນມາລ້ຽງສັດສາມາດສ້າງລາຍຮັບເຂົ້າຄອບຄົວສູງພໍສົມຄວນ ແລະ  ສາມາດນໍາພາຄອບຄົວຫຼຸດພົ້ນອອກຈາກຄວາມທຸກຍາກແລະ ກາຍເປັນຄອບຄົວຕົວແບບທີ່ມີ ຄວາມໂດດເດັ່ນກວ່າໝູ່ພາຍໃນບ້ານໃນການລ້ຽງສັດໃຫຍ່ຂາຍ ເປັນສິນຄ້າ, ສະນັ້ນຖ້າວ່າຄອບຄົວ ໃດທີ່ຢາກນໍາຄອບຄົວຫຼຸດພົ້ນຈາກ ຄວາມທຸກຍາກ ໃຫ້ຫັນມາລ້ຽງ ສັດໃຫຍ່ຂາຍເປັນສິນຄ້າ ແລະ ສາມາດມາຖອດຖອນບົດຮຽນ ນໍາຄອບຄົວສະຫາຍ ເຊຍຈາຊົງ ເພິ່ນພ້ອມທີ່ຈະໃຫ້ຄວາມຮູ້ທາງເຕັກນິກ ແລະຄໍາແນະນໍາໃນການລ້ຽງສັດ.

--------------

ຂຽນໂດຍ: ຈິງອັ່ງ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์