ຮອງເຈົ້າແຂວງຄຳມ່ວນ ເນັ້ນຂະແໜງສຶກສາ ຕ້ອງເອົາໃຈໃສ່ 5 ວຽກງານສຳຄັນ

    ກອງປະຊຸມຜູ້ບໍລິຫານ ການສຶກສາ ແລະກີລາໄດ້ຈັດຂຶ້ນ ໃນລະຫວ່າງວັນທີ  15-16  ສິງຫາ 2019 ທີ່ພະແນກສຶກສາທິການ ແລະກີລາແຂວງຄຳມ່ວນ ໂດຍ ການເຂົ້າຮ່ວມຂອງທ່ານ ຄຳສີອຸດທິວົງຮອງເຈົ້າແຂວງໆຄຳ ມ່ວນ,ທ່ານ ສີໄຮແກ້ວໄກຖິນຫົວໜ້າພະແນກສຶກສາທິການ ແລະ ກີລາແຂວງ, ມີຫົວໜ້າຫ້ອງການສຶກສາທິການ ແລະກີລາເມືອງ, ຜູ້ອຳນວຍການໂຮງຮຽນອ້ອມຂ້າງເຂົ້າຮ່ວມ.

ກອງປະຊຸມໄດ້ສະຫຼຸບການຈັດຕັ້ງປະຕິບັດວຽກງານການສຶກສາ ສົກປີ 2018-2019 ແລະວາງ ທິດທາງແຜນການໃນສົກປີຕໍ່ໜ້າ ພ້ອມທັງປະກາດການແຕ່ງຕັ້ງຕື່ມຮອງຫົວໜ້າພະແນກສຶກສາທິການ ແລະກີລາແຂວງ ໂດຍແມ່ນທ່ານ ຫົງທອງ ຈັນທະວົງ ຜູ້ອຳນວຍ ການສູນບໍລິການນັກສຶກສາກົມວິຊາ ການນັກສຶກສາກະຊວງສຶກສາທິ ການ ແລະກີລາເປັນຮອງຫົວໜ້າພະແນກສຶກສາທິການ ແລະກີລາ ແຂວງຄຳມ່ວນ.

ໃນໂອກາດນີ້ທ່ານ ຄຳສີ ອຸດທິວົງ ຮອງເຈົ້າແຂວງໆຄຳມ່ວນ ໄດ້ໂອ້ລົມ ແລະເນັ້ນໃຫ້ຂະແໜງ ສຶກສາ ແລະກີລາຕ້ອງເອົາໃຈໃສ່ 5 ວຽກງານທີ່ສຳຄັນຄື: 1. ຕ້ອງກຳແໜ້ນພາລະບົດບາດ, ຂອບ ເຂດສິດ ແລະໜ້າທີ່ຂອງຕົນໃນແຕ່ ລະຂັ້ນເພື່ອການກໍ່ສ້າງ ແລະຂະຫຍາຍລະບອບປະຊາທິປະໄຕປະຊາຊົນ,ສ້າງປະຖົມປັດໃຈເພື່ອ ກ້າວໄປສູ່ສັງຄົມນິຍົມ, 2. ເອົາ  ໃຈໃສ່ຕໍ່ວຽກງານການເມືອງ-ແນວ ຄິດໂດຍການຖືເອົາວຽກງານການ ເມືອງ-ແນວຄິດເປັນສຳຄັນ ແລະ ພະນັກງານທຸກຄົນຕ້ອງໄດ້ເຂົ້າ ຮ່ວມຈັດຕັ້ງປະຕິບັດຢ່າງເປັນປະ ຈຳແລະຢ່າງເປັນເຈົ້າການ ໂດຍບໍ່ລໍຖ້າແຕ່ຂັ້ນເທິງນຳເອົາເອກະສານຕ່າງໆລົງມາເຜີຍແຜ່ພ້ອມທັງ ສົມທົບກຳແໜ້ນລະຫວ່າງການນຳ ພາ ແລະການຄຸ້ມຄອງວຽກງານ ການເມືອງ-ແນວຄິດກັບການຄຸ້ມຄອງວິຊາສະເພາະໃຫ້ໄດ້ດີກວ່າ ເກົ່າ, 3. ເອົາໃຈໃສ່ຍົກສູງຄຸນນະພາບຂອງການສຶກສາ

ເພື່ອຕອບສະໜອງໃຫ້ແກ່ການພັດທະນາເສດ ຖະກິດ-ສັງຄົມ ແລະການຄຸ້ມຄອງ ຂອງລັດ, ຄຸ້ມຄອງສັງຄົມໃຫ້ມີປະສິດທິພາບ ແລະປະສິດທິຜົນ,4.ເພີ່ມທະວີການຊີ້ນຳ ນຳພາຂອງຄະນະພັກທຸກຂັ້ນຢ່າງໃກ້ສິດຕິດ ແທດ,ສ້າງເງື່ອນໄຂອຳນຄວາມ ສະດວກໃນດ້ານຕ່າງໆ ຕໍ່ວຽກງານການສຶກສາຕາມຄວາມຕ້ອງການ ເພື່ອເຮັດໃຫ້ການຈັດຕັ້ງປະຕິບັດວຽກງານໃຫ້ເປັນໄປຕາມເປົ້າໝາຍຢ່າປະສິດທິພາບ ແລະປະສິດທິ ຜົນ,5.ສ້າງບັນຍາກາດໃຫ້ສັງຄົມໄດ້ມີຊີວິດຊີວາທີ່ສົດໃສ,ມີສຸຂະພາບທີ່ເຂັ້ມແຂງ ແລະແຂງແຮງ ທາງດ້ານຮ່າງກາຍ ແລະຈິດໃຈ ໂດຍການປູກຈິດສຳນຶກໃຫ້ລູກຫຼານ,ສັງຄົມ ແລະປະຊາຊົນໄດ້ຕິດພັນກັບການຫຼິ້ນກີລາຢ່າງເປັນຂະບວນຟົດຟື້ນ.

-----------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์