ມຽນມາເສຍຊີວິດຍ້ອນພະຍາດ ໄຂ້ເລືອດອອກ 48 ຄົນ

  ກະຊວງສາທາລະນະສຸກ ແລະກີລາມຽນມາໄດ້ແຈ້ງ ໃຫ້ຮູ້ ວ່າ: ນັບແຕ່ເດືອນມັງກອນຫາ ເດືອນກໍລະກົດປີນີ້,ຈຳນວນຜູ້ເປັນພະຍາດໄຂ້ເລືອດອອກຂອງທົ່ວປະເທດມຽນມາໄດ້ມີ 10.757 ຄົນ ແລະເສຍຊີວິດແລ້ວ 48 ຄົນ, ໃນນັ້ນອັດຕາຜູ້ຕິດເຊື້ອພະຍາດຢູ່ ແຂວງເອເຢຢາວາດີສູງກວ່າໝູ່.

ຕາມຂ່າວ Cri ລາຍງານວ່າ ເຈົ້າໜ້າທີ່ມຽນມາໄດ້ເປີດເຜີຍຕົວ ເລກທາງການໂດຍສະແດງໃຫ້ ເຫັນວ່າ:ຢູ່ແຂວງເອເຢຢາວາ ດີໄດ້ມີ 1.974 ຄົນຕິດເຊື້ອພະ ຍາດໄຂ້ເລືອດອອກ ແລະມີ 5 ຄົນ ເສຍຊີວິດ.ຈຳນວນຜູ້ເປັນພະຍາດ ຢູ່ແຂວງຢາງກຸ້ງມີເຖິງ 1.788 ຄົນ, ມີ 15 ຄົນເສຍຊີວິດ.ສ່ວນອັດຕາຜູ້ຕິດເຊື້ອພະຍາດຢູ່ແຂວງມານດາໄລ,ລັດຣັກຮິນ, ລັດມອນ ແລະເຂດອື່ນໆຂອງມຽນມາກໍສູງກວ່າເຂດອື່ນ.

ໃນເດືອນມິຖຸນາຫາເດືອນສິງຫາຂອງທຸກປີແມ່ນໄລຍະທີ່ມີຜູ້ ເປັນພະຍາດໄຂ້ເລືອດອອກຫຼາຍ ທີ່ສຸດຂອງມຽນມາ. ປີ 1964, ມຽນມາໄດ້ພົບເຫັນຜູ້ເປັນພະຍາດໄຂ້ເລືອດອອກເປັນຄັ້ງທຳອິດ, ປີ 2017, ຢູ່ທົ່ວປະເທດມຽນມາໄດ້ມີ 31.288 ຄົນ ຕິດເຊື້ອພະຍາດໄຂ້ເລືອດອອກ,ຈຳນວນຜູ້ເສຍຊີວິດມີເຖິງ 192 ຄົນ; ປີ 2018 ໄດ້ມີ 23.273 ຄົນຕິດເຊື້ອພະຍາດໄຂ້ເລືອດອອກ, ໃນນັ້ນມີຜູ້ເສຍ ຊີວິດ 112 ຄົນ.

-----------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์