ຈີນຊຸກຍູ້ເຊິນເຈີ້ນ ເປັນເມືອງຕົ້ນແບບຂອງໂລກ

   ສະພາແຫ່ງຊາດຂອງ ສປ ຈີນ ລະບຸວ່າກຽມຍົກລະດັບ ແລະພັດທະນາເຊິນເຈີ້ນໃຫ້ກາຍເປັນເມືອງຕົ້ນແບບຂອງໂລກກາງສັດຕະວັດນີ້. ຕາມຂ່າວຕ່າງປະເທດລາຍງານວ່າຄະນະກຳມາທິການສະພາແຫ່ງຊາດຂອງຈີນລະບຸວ່າພາຍໃນປີ 2025 ເຊິນເຈິ້ນຈະກາຍເປັນເມືອງນະວັດຕະກຳນານາຊາດສະໄໝໃໝ່ຈາກພະລັງທາງເສດຖະກິດແລະການພັດທະນາທີ່ມີຄຸນນະພາບ ເພື່ອເປັນເມືອງແຖວໜ້າຂອງໂລກ,ຂະນະທີ່ພາຍໃນປີ 2035 ເຊິນເຈິ້ນຈະຕ້ອງ ກາຍເປັນສູນກາງແຫ່ງນະວັດຕະກຳ, ຄວາມຄິດສ້າງສັນ ແລະເມືອງແຫ່ງຜູ້ປະກອບການຊຶ່ງຈະເປັນຕົ້ນແບບຂອງ ເມືອງໃນການສ້າງປະເທດສັງຄົນນິຍົມສະໄໝໃໝ່ຂອງຈີນ ແລະເຊິນເຈິ້ນຈະຕ້ອງກາຍເປັນເມືອງຊັ້ນນໍາຂອງໂລກທີ່ມີປະສິດທິພາບດ້ານການແຂ່ງຂັນທາງເສດຖະກິດ,ຂະນະດຽວກັນເຊິນເຈິ້ນຈະຕັ້ງມະຫາວິທະຍາໄລກ່ຽວກັບການ ເດີນເຮືອ ແລະສູນວິໄຈທາງທະເລເລິກລະດັບຊາດ,ບຸກເບີກການຈັດຕັ້ງທະນາຄານພັດທະນາທາງທະເລອີກດ້ວຍ.

ທັງນີ້ ເຊິນເຈິ້ນຊຶ່ງເປັນເມືອງໃຫຍ່ຂອງມົນທົນກວາງ ຕຸ້ງຂອງຈີນຈັດເປັນເຂດເສດຖະກິດພິເສດແຫ່ງທຳອິດມີປະຊາກອນປະມານ 13 ລ້ານຄົນ ແລະມີຕົວເລກລວມຍອດຜະລິດຕະພັນພາຍໃນ (ຈີດີພີ) 2,42 ພັນຕື້ຢວນ ໃນປີ 2018.

---------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์