ຕາດສະໂຄຍ ແຫຼ່ງທ່ອງທ່ຽວມະຫັດສະຈັນ ທາງທຳມະຊາດ

  ແຕ່ມື້ນີ້ຂໍນຳສະເໜີແຫຼ່ງທ່ອງທ່ຽວທີ່ພວມໄດ້ຮັບຄວາມນິຍົມຈາກນັກທ່ອງທ່ຽວທັງພາຍໃນແລະຕ່າງປະເທດກໍຄືບັນດາແຂວງ ໃກ້ຄຽງນັ້ນແມ່ນ“ຕາດສະໂຄຍ” ຢູ່ເມືອງເຊໂປນ ແຂວງສະຫວັນນະເຂດຊຶ່ງມີທຳມະຊາດ ແລະນໍ້າຕົກ, ເງີບຫີນຜະລານຫີນທີ່ສະລັບຊັບຊ້ອນຢັ່ງຢາຍກັນໄປອັນສວຍສົດງົດງາມ,  ອ້ອມຮອບດ້ວຍ ປ່າດົງດິບ, ມີຕົ້ນໄມ້ນ້ອຍ-ໃຫຍ່ຂຽວງາມຕະຫຼອດປີ ແລະເຕັມໄປ ດ້ວຍສັດປ່ານາໆຊະນິດ, ນໍ້າໃສ ໄຫຼເຢັນເໝາະແກ່ການເຮັດກິດຈະ ກຳຕ່າງໆທາງນໍ້າຄາຍຄວາມ ຮ້ອນໄດ້ເປັນຢ່າງດີ.

ຕາດສະໂຄຍ ຕັ້ງຢູ່ເມືອງເຊ ໂປນ,ແຂວງສະຫວັນນະເຂດ ຫ່າງຈາກຕົວເມືອງປະມານ 8 ກິໂລແມັດ ແລະເປີດໃຫ້ບໍລິການ ເລີ່ມແຕ່ປີ 2000 ເປັນຕົ້ນມາ, ສຳລັບທ່ານໃດທີ່ກຳລັງຊອກຫາສະຖານທີ່ທ້ອງທ່ຽວຂໍບອກໄດ້ ເລີຍວ່າສະຖານທີ່ທ່ອງທ່ຽວຕາດສະໂຄຍ ເປັນສະຖານທີ່ເໝາະສຳ ລັບການທ່ອງທ່ຽວຊຶ່ງມີຄວາມສວຍສົດງົດງາມທີ່ສຸດ, ຖ້າຫາກທ່ານໃດໄດ້ລົງໄປແຂວງສະຫວັນນະເຂດກໍ່ຢ່າລືມແວະໄປທ່ຽວຊົມສະຖານທີ່ດັ່ງກ່າວຮັບຮອງທ່ານຈະບໍ່ຜິດຫວັງແນ່ນອນ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

• 21/08/2019