ສະຖາບັນເຕັກໂນໂລຊີການສື່ສານ ຝຶກອົບຮົມ ໃຫ້ພະນັກງານໄອຊີທີ

  ສະຖາບັນເຕັກໂນໂລຊີການສື່ສານຂໍ້ມູນຂ່າວສານກະຊວງໄປສະນີໂທລະຄົມມະນາຄົມ ແລະການສື່ສານ (ປທສ) ໄດ້ເປີດຫຼັກສູດຝຶກອົບຮົມໃຫ້ແກ່ພະນັກງານວິຊາການດ້ານໄອຊີທີຂຶ້ນທີ່ສູນພັດທະນາ ແລະຝຶກອົບຮົມດ້ານຊອບ ແວລາວ-ອິນເດຍ ເມື່ອວັນທີ 16 ສິງຫາ 2019 ໂດຍເປັນປະທານຂອງທ່ານສາຍຝົນ ບຸດຈັນທະລາດຫົວໜ້າສະຖາບັນເຕັກໂນໂລ ຊີການສື່ສານຂໍ້ມູນຂ່າວສານກະ ຊວງ ປທສ, ມີຕາງໜ້າຈາກບັນດາກົມອ້ອມຂ້າງກະຊວງ ປທສ, ລັດວິສາຫະກິດໃນຂະແໜງການ ໂທລະຄົມ ແລະບໍລິສັດເອກະຊົນ ຕ່າງໆ ໃນຂະແໜງກ່ຽວຂ້ອງເຂົ້າ ຮ່ວມ.

ທ່ານ ສາຍຝົນ ບຸດຈັນທະລາດກ່າວວ່າ: ສູນພັດທະນາ ແລະຝຶກ ອົບຮົມດ້ານຊອບແວລາວ-ອິນເດຍ ແມ່ນໂຄງການຮ່ວມມືລະຫວ່າງ ສະຖາບັນເຕັກໂນໂລຊີການສື່ສານຂໍ້ມູນຂ່າວສານກະຊວງ ປທສ ແລະສູນ ຫຼື Centre for Development of Advanced Compu ting (C-DAC) ປະເທດອິນ ເດຍ, ໂດຍມີເປົ້າໝາຍໃນການສ້າງ ແລະພັດທະນາບຸກຄະລາກອນໃຫ້ມີຄວາມຮູ້ຄວາມສາມາດໃນການ ພັດທະນາຊອບແວໃນລະດັບສູງ ເພື່ອສາມາດຕອສະໜອງຄວາມ ຕ້ອງການຕົວຈິງໃນຍຸກປະຈຸບັນປະກອບສ່ວນເຂົ້າໃນວຽກງານການ ພັດທະນາເສດຖະກິດ-ສັງຄົມຢ່າງຮອບດ້ານຕາມຍຸກສະໄໝທີ່ມີ ຄວາຕ້ອງການສູງ. ສໍາລັບການເປີດຫຼັກສູດຝຶກອົບຮົມຄັ້ງນີ້ແມ່ນເປັນອີກບາດກ້າວໜຶ່ງທີ່ສໍາຄັນໃຫ້ແກ່ການຮ່ວມມືລະຫວ່າງສະຖາບັນເຕັກໂນໂລຊີການສື່ສານຂໍຂ່າວສານກັບສູນ (C-DAC),ຊຶ່ງປະກອບມີ 2 ຫຼັກສູດຄື: ການສື່ສານຂໍ້ມູນ ແລະລະບົບເຄືອຂ່າຍ ແລະຫຼັກສູດເຕັກໂນໂລຊີຂໍ້ມູນຂ່າວ ສານ, ຊຶ່ງທັງສອງຫຼັກສແມ່ນຈະສິດສອນໂດຍອາຈານຜູ້ຊ່ຽວຊານຈາກສູນ (C-DAC) ປະເທດອິນເດຍແລະແຕ່ລະຫຼັກສູດຈະໃຊ້ເວລາປະມານ 200-320 ຊົ່ວໂມງ, ຫຼັງຈາກຈົບຫຼັກສູດແມ່ນຈະໄດ້ຮັບໃບປະກາດຢັ້ງຢືນຈາກ ສູນດັ່ງກ່າວ.

ນອກຈາກສອງຫຼັກສູດດັ່ງກ່າວແລ້ວຍັງຈະມີອີກ 6 ຫຼັກສູດຄື: Software Testing, AdvancedWebTechnology,AndeoidProgramming, IT Project Management, Ethical Hacking and Information Secu rity ແລະLinux Synux System Administrationຊຶ່ງຄາດວ່າຈະສໍາເລັດຫຼັກສູດທັງໝົດພາຍໃນເວລາ 1 ປີ.ຖ້າຫາກພາກສ່ວນ, ອົງກອນ ຫຼື ບຸກຄົນໃດສົນໃຈຕ້ອງການຍົກລະດັບຄວາມຮູ້ດ້ານໄອຊີທີສາມາດພົວພັນໄດ້ທີ່ສະຖາບັນເຕັກໂນໂລຊີການສື່ສານຂໍ້ມູນຂ່າວ ສານກະຊວງ ປທສ, ເບີໂທຕິດຕໍ່ 020 58854888 ຫຼື http://iict.gov. 

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์