ວັດຊຽງຄວນຄຶກຄັກ ປີນີ້ນັກທ່ອງທ່ຽວເກືອບ 2 ແສນຄົນແລ້ວ

  ສວນວັດທະນະທຳຊຽງຄວນເປັນອີກສະຖານທີ່ທ່ອງທ່ຽວທາງວັດທະນະທຳຂອງນະຄອນຫຼວງວຽງຈັນທີ່ກຳລັງກາຍເປັນທີ່ສົນໃຈຂອງນັກທ່ອງທ່ຽວທັງພາຍໃນ ແລະຕ່າງປະເທດຂະນະທີ່ປະຈຸບັນກ້າວເຂົ້າສູ່ລະດູຝົນແຕ່ບັນຍາກາດຂອງການທ່ອງທ່ຽວຍັງຄົງຄຶກຄື້ນຄືກັບລະດູແລ້ງປິນີ້ຕົວເລກບັນລຸແລ້ວເກືອບ 2 ແສນຄົນ ໂດຍນັກທ່ອງ ທ່ຽວສ່ວນໃຫຍ່ແມ່ນມາຈາກປະເທດຈີນ, ຫວຽດນາມ, ເກົາຫຼີ ແລະພາຍໃນປະເທດ.

ທ່ານນາງ ສ້ອຍສຸດາ ອິນເມືອງໄຊ ປະທານບໍລິສັດສວນວັດທະນະທຳຊຽງຄວນຈຳກັດໃຫ້ສຳພາດວ່າ: ສວນວັດທະນະທຳຊຽງຄວນເປັນສະຖານທີ່ທ່ອງທ່ຽວອີກຈຸດໜຶ່ງຂອງນະຄອນຫຼວງວຽງຈັນ ໂດຍສະເພາະໄດ້ສ້າງສິ່ງອຳນວຍຄວາມສະດວກຕ່າງໆໃຫ້ນັກທ່ອງທ່ຽວເຂົ້າມານັບມື້ນັບຫຼາຍຂຶ້ນຈາກເກົ່າ, ສຳລັບປີທ່ອງທ່ຽວລາວ-ຈີນກໍເປັນອີກປີ ໜຶ່ງທີ່ມີຄວາມສຳຄັນໃນການດຶງດູດເອົານັກທ່ອງທ່ຽວຈາກຈີນທີ່ເຂົ້າມາທ່ຽວລາວໃຫ້ເຂົ້າມາທ່ຽວຊົມທີ່ສວນວັດທະນະທຳຊຽງຄວນນັບມື້ຫຼາຍຂຶ້ນ.

  ປະຈຸບັນເຫັນວ່ານັກທ່ອງທ່ຽວເຂົ້າມາເພີ່ມຂຶ້ນຢ່າງຕໍ່ເນື່ອງເມື່ອທຽບໃສ່ປີທ່ອງທ່ຽວລາວຜ່ານມາ, ໃນແຕ່ລະເດືອນແມ່ນມີນັກທ່ອງທ່ຽວເພີ່ມຂຶ້ນສະເລ່ຍນັກທ່ອງທ່ຽວເຂົ້າມາທ່ຽວຊົມ 800 ຄົນຕໍ່ມື້ພິເສດໃນວັນເສົາ-ອາທິດຈະມີເຖິງພັນກວ່າຄົນຊຶ່ງສ່ວນໃຫຍ່ແມ່ນນັກທ່ອງທ່ຽວຈີນ, ຮອງລົງມາແມ່ນເກົາຫຼີ, ຫວຽດນາມ, ໄທ ແລະຄົນລາວເຮົາ, ທີ່ມາແບບທົວ, ແບບຄອບຄົວແລະອື່ນໆ, ນອກນັ້ນຍັງມີບັນດາໂຮງຮຽນທີ່ພານັກຮຽນມາທັດສະນະສຶກສາສະເລ່ຍເດືອນມີ 10 ກວ່າໂຮງຮຽນ, ສຳລັບລາ ຄາເຂົ້າຊົມຄົນລາວແມ່ນ 10 ພັນກີບ, ຄົນຕ່າງປະເທດ 15 ພັນກີບ, ສ່ວນນັກຮຽນທີ່ມີອາຍຕໍ່າກວ່າ 10 ປີ, ຜູ້ເຖົ້າ ແລະພະສົງແມ່ນຈະບໍ່ໄດ້ເສຍຄ່າເຂົ້າຊົມ, ໂດຍລວມບັນຍາກາດການທ່ອງທ່ຽວໃນສວນວັດທະນະທຳຊຽງຄວນໃນລະດູຝົນນີ້ຍັງຄົງຄືກຄື້ນຄືກັບລະດູແລ້ງຜ່ານມາດຽວບັນລຸແລ້ວເກືອບ 2 ແສນຄົນ ໝົດປີອາດບັນລຸແຜນທີ່ວາງໄວ້.

 ທ່ານນາງ ສ້ອຍສຸດາ ອິນເມືອງໄຊ ກ່າວຕື່ມວ່າ: ການພັດທະນາຂອງສວນວັດທະນະທຳຊຽງຄວນປະຈຸບັນແມ່ນໄດ້ສຳເລັດຫຼາຍໜ້າວຽກເປັນຕົ້ນທາງຍ່າງພາຍໃນສວ ນ, ການບໍລິການຫ້ອງນໍ້າ, ເວທີການສະແດງ, ສະຖານທີ່ຈອດລົດ, ກຳແພງອ້ອມສວນ ແລະອື່ນໆ, ສ່ວນທີ່ຈະເລັ່ງມືພັດທະນາຕໍ່ໄປແມ່ນປະຕູໂຂງຈະພັດທະນາໃຫ້ແລ້ວກ່ອນປີໃໝ່ລາວປີໜ້າ, ລານເຄື່ອງຫຼີ້ນເດັກນ້ອຍ ແລະມີແຜນຈະເຮັດຮ້ານອາຫານໃໝ່ເພື່ອຮອງຮັບແກ່ນັກທ່ອງທ່ຽວທີ່ເຂົ້າມາທ່ຽວຊົມປະຈຸບັນໄດ້ລົງທຶນພັດທະ ນາໄປແລ້ວ 2 ລ້ານກວ່າໂດລາ.

-------------

ຂຽນໂດຍ: ສ. ອາສາ 

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์