ອີຢູເລີ່ມເກັບພາສີນໍ້າມັນກາຊວນຊີວະພາບຈາກ ອິນໂດເນເຊຍ

   ຄະນະກຳມາທິການສະຫະ ພາບເອີຣົບ (ອີຢູ) ປະກາດວ່າ: ເລີ່ມແຕ່ວັນທີ 13 ສິງຫາ ເປັນຕົ້ນ ໄປຈະເກັບພາສີຕ້ານການເກື້ອກູນ ຕໍ່ການອຸດໜູນນໍ້າມັນກາຊວນຊີວະ ພາບຂອງອິນໂດເນເຊຍເປັນການ ຊົ່ວຄາວໃນລະດັບ 8-18%.

ຕາມຂ່າວຕ່າງປະເທດລາຍ ງານວ່າ:ຄະນະກຳມາທິການສະຫະພາບເອີຣົບໄດ້ອອກແຈ້ງການ ວ່າ: ຫຼັງຈາກສຳຫຼວດຢ່າງເລິກເຊິ່ງສະຫະພາບເອີຣົບເຫັນວ່ານັກ ທຸລະກິດທີ່ຜະລິດນໍ້າມັນກາຊວນຊີວະພາບຂອງອິນໂດເນເຊຍ ໄດ້ ຮັບເງິນອຸດໜູນ ແລະໄດ້ຮັບບູລິມະສິດດ້ານພາສີອາກອນຈາກ ລັດຖະບານ,ລາຄາຈັດຊື້ວັດຖຸດິບ ຕໍ່າກວ່າລາຄາໃນຕະຫຼາດຊຶ່ງ ເປັນການທຳລາຍການແຂ່ງຂັນຢ່າງຍຸຕິທຳໃນຕະຫຼາດ ແລະໄດ້ ສ້າງຜົນເສຍຫາຍທາງເສດຖະກິດຕໍ່ນັກທຸລະກິດທີ່ຜະລິດນໍ້າມັນກາຊວນຊີວະພາບຂອງສະຫະພາບ ເອີຣົບ. ອິນໂດເນເຊຍ ເປັນປະເທດ ໃຫຍ່ອັນດັບໜຶ່ງຂອງໂລກໃນການຜະລິດນໍ້າມັນປາມ (ສາມາດນຳ ໃຊ້ເຂົ້າໃນການຜະລິດນໍ້າມັນກາຊວນຊີວະພາບ) ແລະມີຄວາມ ຂັດແຍ້ງກັນເລື້ອຍໆກັບສະຫະພາບເອີຣົບກ່ຽວກັບນໍ້າມັນກາ ຊວນຊີວະພາບ.

ປີ 2013, ສະຫະພາບເອີຣົບໄດ້ເກັບພາສີຕໍ່ການຂາຍຮຸ້ນຕະຫຼາດຂອງນໍ້າມັນກາຊວນຊີວະພາບຂອງອິນໂດເນເຊຍທີ່ສົ່ງໄປ ຂາຍຢູ່ເອີຣົບ,ເຮັດໃຫ້ຈຳນວນນໍ້າ ມັນກາຊວນຊີວະພາບຂອງອິນໂດ ເນເຊຍທີ່ສົ່ງອອກຂາຍຢູ່ເອີຣົບນັ້ນຫຼຸດໜ້ອຍລົງຢ່າງຫຼວງຫຼາຍ ໂດຍມູນຄ່າສົ່ງອອກໃນປີ 2015 ກໍໄດ້ຕົກຕໍ່າເຖິງປະມານ 60 ລ້ານ ເອີໂຣ ໃນໄລຍະໜຶ່ງ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

• 19/08/2019