ກອງປະຊຸມຜູ້ບໍລິຫານການສຶກສາ ທົ່ວແຂວງໄຊຍະບູລີ

ກອງປະຊຸມຜູ້ບໍລິຫານການ ສຶກສາ ແລະກີລາທົ່ວແຂວງໄຊຍະບູລີ ປະຈຳສົກຮຽນ 2018-  2019  ໄດ້ໄຂຂຶ້ນໃນວັນທີ  13  ສິງຫາ ຜ່ານມາ ທີ່ຫ້ອງປະຊຸມພະ ແນກສຶກສາທິການ ແລະກີລາແຂວງໄຊຍະບູລີ ໂດຍເປັນກຽດ ເຂົ້າຮ່ວມຂອງທ່ານ ນາງ ບຸນພັກອິນທະປັນຍາ ຮອງເຈົ້າແຂວງໄຊຍະບູລີ ຜູ້ຊີ້ນຳຂົງເຂດວັດທະນະ ທຳ-ສັງຄົມ, ທ່ານ ສີທາດ ຈັນທະບູລີ ຫົວໜ້າກົມມວນຊົນກະຊວງ ສຶກສາທິການ ແລະກີລາ, ມີຄະ ນະສຶກສາສົງແຂວງ, ຄະນະກໍາມະການວັດທະນະທໍາສັງຄົມ ແລະ ບັນດາເຜົ່າສະພາປະຊາຊົນແຂວງ, ບັນດາທ່ານເຈົ້າເມືອງ-ຮອງເຈົ້າ ເມືອງ, ຄະນະພະແນກສຶກສາທິການ ແລະກີລາແຂວງ, ຕາງໜ້າ ພະແນກອ້ອມຂ້າງແຂວງ, ຫົວໜ້າ-ຮອງຫົວໜ້າຫ້ອງການສຶກສາ ທິການ ແລະກີລາເມືອງ 11 ເມືອງ, ຜູ້ອຳນວຍການໂຮງຮຽນອ້ອມ ຂ້າງ,ຜູ້ອຳນວຍການວິທະຍາໄລເອກະຊົນ, ຫົວໜ້າ-ຮອງຫົວໜ້າຂະແໜງ, ຫົວໜ້າ-ຮອງຫົວໜ້າ ສູນເຂົ້າຮ່ວມ 60 ກວ່າຄົນ.

ໃນກອງປະຊຸມໄດ້ຮັບຟັງມະຕິກອງປະຊຸມຜູ້ບໍລິຫານການສຶກສາ ແລະກີລາທົ່ວປະເທດປະຈຳສົກ ຮຽນ 2018-2019 ແລະລາຍ ງານຜົນການຈັດຕັ້ງປະຕິບັດແຜນ ພັດທະນາການສຶກສາ ແລະກີລາຂອງກະຊວງລາຍງານຜົນການຕິດຕາມ-ປະເມີນຜົນການປະຕິບັດ ຍຸດທະສາດແລະວຽກຈຸດສຸມປະຈຳໄຕມາດ 1-2 ປະຈຳປີ 2019, ລາຍງານມະຕິຕົກລົງຂອງສະພາ ແຫ່ງຊາດວ່າດ້ວຍການຮັບຮອງ ບົດລາຍງານຄວາມຄືບໜ້າການ ປະຕິບັດຍຸດທະສາດການພັດທະນາ ສັບພະຍາກອນມະນຸດ, ມະຕິກອງ ປະຊຸມການສຶກສາສົງທົ່ວປະເທດ ແລະມະຕິກອງປະຊຸມການສຶກສາ ສົງທົ່ວແຂວງ, ຜ່ານຮ່າງບົດສະ ຫຼຸບສົກຮຽນ 2018-2019 ແລະແຜນພັດທະນາການສຶກສາ ແລະ ກີລາສົກຮຽນ 2019-2020 ຜ່ານບົດວິເຄາະຕົວຊີ້ບອກພ້ອມນີ້ບັນດາເມືອງ,ອຳນວຍການໂຮງຮຽນ, ຂະແໜງການທີ່ກ່ຽວ ຂ້ອງຈະໄດ້ຜັດປ່ຽນກັນປະກອບຄຳຄິດຄຳເຫັນເພື່ອຊອກຫາຜົນງານດ້ານດີຈະສືບຕໍ່ເສີມຂະຫຍາຍ,ດ້ານອ່ອນຂໍ້ຄົງຄ້າງຈະຕ້ອງພ້ອມ ກັນປັບປຸງແກ້ໄຂ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์