ຢູ 18 ທິມເຈົ້າພາບຫວຽດນາມ ຕົກຮອບ ແບ່ງກຸ່ມ B ບານເຕະຊິງແຊ້ມອາຊຽນ 2019

  ໃນຕອນແລງຂອງວັນທີ 15 ສິງຫາ ຜ່ານມາ ການແຂ່ງ ຂັນບານເຕະຊາຍຮຸ່ນອາຍຸບໍ່ເກີນ 18 ປີ ຊິງແຊ້ມອາຊຽນ 2019 ທີ່ປະເທດຫວຽດນາມນັດສຸດທ້າຍ ຂອງກຸ່ມ B ເຈົ້າພາບຫວຽດນາມ ອະດີດແຊ້ມ ປີ 2017 ພົບກັບກຳປູເຈຍ ທີ່ບໍ່ເຄີຍເຂົ້າຮອບ 4 ທິມ ສຸດທ້າຍ.

ຜ່ານການແຂ່ງຂັນນັດນີ້ຫວຽດ ນາມບໍ່ສາມາດເກັບຄະແນນໄດ້ ເລີຍເມື່ອພາດທ່າໃຫ້ກັບກຳປູເຈຍ 1-2 ປະຕູ, ຫວຽດນາມເປີດເກມ ບຸກຫຼາຍຮອບແຕ່ເຈາະເກມຮັບຂອງກຳປູເຈຍບໍ່ໄດ້ແຕ່ກັບກາຍ ເປັນກຳປູເຈຍ ອາໄສຈັງຫວະໂຕ້ ກັບຂຶ້ນນຳເຈົ້າພາບກ່ອນໃນນາທີ 50 ຈາກການຍິງຂອງ Sienchanther ຈາກນັ້ນເຈົ້າພາບບຸກ ໜັກກວ່າເກົ່າ ແລະຕາມຕີສະເໝີ ໄດ້ໃນໄລຍະຕໍ່ເວລາຈາກການຍິງ/ຂອງ Nguyen kimnhat ນາທີ 90+3 ຫຼັງຈາກນັ້ນເຄື່ອນທັບບຸກ ໝົດທິມຫວັງເອົາຊະນະແຕ່ເກມພິກ ກຳປູເຈຍໄດ້ໂອກາດໂຕ້ກັບແລ້ວ ໄດ້ປະຕູໄຊໃນນາທີ 90+5 ຈາກ Thy lieng ຈົບເກມການແຂ່ງຂັນ ກຳປູເຈຍສ້າງສະຖິຕິກັບຫວຽດ ນາມຄັ້ງທຳອິດໃນລາຍການນີ້ຕໍ່ ຈາກການເອົາຊະນະໄທ 4-3 ປະ ຕູ, ດຶງຫວຽດນາມຕົກຮອບພ້ອມ ກັບຕົນເອງຫວຽດນາມຕົກຮອບ ແບ່ງກຸ່ມ 3 ປີ ຕິດຕໍ່ກັຜົມການແຂ່ງຂັນອີກ 2 ຄູ່ ໃນກຸ່ມດຽວກັນໄທ ເອົາຊະນະມາເລເຊຍ ແຊ້ມເກົ່າ 1-0 ປະຕູ ແລະ ອົດສະຕຣາລີ ຊະນະ ສິງກະໂປ 5-0 ປະຕູ.

ສະຫຼຸບຕາຕະລາງຂອງກຸ່ມ B ຈົບ 5 ນັດ, ອົດສະຕຣາລີ ເປັນ ທິມທີ 1 ມີ 12 ຄະແນນ, ທີ 2 ມາ ເລເຊຍ ແຊ້ມເກົ່າ ມີ 9 ຄະແນນ ໄດ້ເຂົ້າຮອບ 4 ທິມສຸດທ້າຍທັງ 2 ທິມ, ສ່ວນ ຫວຽດນາມເຈົ້າພາບ ມີ 7 ຄະແນນ, ກຳປູເຈຍ ມີ 6 ຄະ ແນນ, ໄທ ມີ 5 ຄະແນນ ແລະ ສິງກະໂປ 4 ຄະແນນຕົກຮອບທັງ 4 ທິມ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์