ສົກນີ້ ດົງຄຳຊ້າງ ຈະຮັບນັກສຶກສາ 3 ຮ້ອຍກວ່າຄົນ

  ເຖິງວ່ານັກສຶກສາ 90% ທີ່ຈົບຈາກວິທະຍາໄລຄູດົງຄຳຊ້າງ ຈະສາມາດມີວຽກເຮັດງານທຳໄດ້, ແຕ່ໃນການຮັບນັກສຶກສາໃໝ່ທີ່ຈະ ເຂົ້າມາຮຽນພາຍໃນໂຮງຮຽນ ແມ່ນຍັງມີຄວາມຈຳກັດຢູ່ເນື່ອງ ຈາກວິທະຍາໄລ ໄດ້ສຸມໃສ່ການ ສ້າງຄູໃຫ້ໄດ້ຄຸນນະພາບ ແລະ ສອດຄ່ອງກັບຄວາມຕ້ອງການຕົວຈິງຂອງສັງຄົມ, ສະນັ້ນປີນີ້ວິທະຍາໄລຄູດົງຄຳຊ້າງ ມີໂຄຕ້າຮັບ ພຽງ 3 ຮ້ອຍກວ່າຄົນເຂົ້າໃສ່ທຸກສາຍທີ່ເປີດຮັບ.

ທ່ານ ນາງ ວິລາ ແສງສະ ຫວ່າງ ຜູ້ອຳນວຍການວິທະຍາ ໄລຄູດົງຄຳຊ້າງ ໃຫ້ສຳພາດກັບທິມຂ່າວໜັງສືພີມເສດຖະກິດ-ສັງຄົມ ວັນທີ 14 ສິງຫາ 2019, ໂອກາດເປີດຮັບສະໝັກນັກສຶກສາ ສົກປີ 2019-2020 ວ່າ: ແຜນຮັບນັກຮຽນ ແລະພະນັກງານ ເຊື່ອມຕໍ່ໃນສົກປີ 2019-2020 ແມ່ນໄດ້ມີການເປີດຮັບເພື່ອສອບ ເສັງຄັດເລືອກນັກຮຽນເຂົ້າຮຽນ ຄູໃນສາຍຄູອະນຸບານ, ປະຖົມ ແລະມັດທະຍົມຄື: ຄູຊີວະສາດ ແລະຄູປະຫວັດສາດ, ສຳລັບສາຍເປີດ ປົກກະຕິມີສາຍຄູປະຖົມ ແລະຄູອະນຸບານທັງປະລິນຍາຕີ ແລະອະນຸ ປະລິນຍາຕີ, ຊຶ່ງໄລຍະຜ່ານມາວິ ທະຍາໄລຄູແມ່ນໄດ້ຖືກຮັບຮອງໃຫ້ ເປັນສູນພັດທະນາຄູອະນຸບານ ແລະຄູປະຖົມ, ເມື່ອທຽບໃສ່ປີນີ້ເຫັນວ່າການມາສະໝັກເສັງຄັດເລືອກ ເດັ່ນສຸດແມ່ນສາຍຄູອະນຸບານ ໂດຍມີປະມານເກືອບ 300 ກວ່າສ່ວນສາຍຄູມັດທະຍົມແມ່ນເປີດ ແຕ່ຊັ້ນ ມ1-ມ7, ຊຶ່ງຈະຮັບຕາມ ທີ່ກະຊວງສຶກສາທິການ ແລະກີລາໄດ້ອະນຸມັດໃຫ້, ສຳລັບການເປີດຮັບຄຳຮ້ອງໄດ້ເລີ່ມມາແຕ່ວັທີ 12-22 ສິງຫາ 2019 ແລະຈະມີການສອບເສັງຄັດເລືອກໃນວັນທີ 23 ສິງຫາ ທີ່ຈະມາເຖິງນີ້, ປະຈຸບັນມີນັກຮຽນເຂົ້າມາຊື້ຄຳ ຮ້ອງແລ້ວເກືອບ 1 ພັນຄົນ, ສ່ວນ ການສອບເສັງແມ່ນຈະສອບເສັງ ຄັດເລືອກເອົາເປັນສາຍວິຊາສະ ເພາະສາຍປະຖົມ, ມັດທະຍົມ ໂດຍ ຈະມີວິຊາເສັງແຕກຕ່າງກັນ, ໃນ ການຄັດເລືອກຄັ້ງນີ້ແມ່ນອີງໃສ່ ຄຳສັ່ງແນະນຳຂອງກະຊວງສຶກ ສາທິການ  ແລະກີລາ ກໍຄື ກົມສ້າງ ຄູເປັນຕົ້ນເງື່ອນໄຂຜູ້ທີ່ຈະມາສະໝັກສອບເສັງຄັດເລືອກເຂົ້າມາ ເປັນຄູໃນ 3 ສາຍ ແມ່ນຈະເນັ້ນ ຖ້າຫາກເສັງເຂົ້າຄູປະລິນຍາຕີ ຕ້ອງມີຄະແນນ 26 ຂຶ້ນໄປ,ຖ້າເປັນອະນຸປະລິນຍາຄະແນນຕ້ອງ ແມ່ນ 24 ຂຶ້ນໄປ, ເນື່ອງຈາກອີງ ໃສ່ເງື່ອນໄຂ ແລະມາດຕະຖານ ຄວາມຮູ້ຕ້ອງແໜ້ນ, ນອກນັ້ນຍັງ ດ້ານຄວາມສູງ ແລະນໍ້າໜັກເປັນອີກໜຶ່ງເກນມາດຕະຖານຂອງ ການເປັນຄູອີກດ້ວຍ ໂດຍສະເພາະ ແມ່ນແມ່ຍິງຕ້ອງມີລວງສູງ 1,55 ແມັດ, ຜູ້ຊາຍ 1,60 ແມັດຂຶ້ນໄປ ແລະນໍ້າໜັກຢູ່ໃນລະດັບ 45-50 ກິໂລ.

ທ່ານ ນາງ ວິລາ ແສງສະຫວ່າງ ໃຫ້ຮູ້ຕື່ມວ່າ:ວິທະຍາໄລຄູ ດົງຄຳຊ້າງ ຍັງເປັນວິທະຍາໄລໜຶ່ງທີ່ໄດ້ຮັບການຕອບຮັບທີ່ດີເມື່ອທຽບໃສ່ບັນດາປີກ່ອນໆ ແລະທຽບ ໃສ່ວິທະຍາໄລອື່ນໆແມ່ນກຽມພ້ອມແລ້ວ, ວັນທີ 23 ສິງຫານີ້ ຈະໄດ້ທຳການສອບເສັງ ແລະຈຳນວນນັກຮຽນທັງໝົດທີ່ຈະຮັບແມ່ນ 305 ຄົນ, ໃນນັ້ນປະລິນຍາຕີສາຍຄູອະນຸບານ, ປະຖົມ ແລະມັດທະຍົມຈະຮັບຢູ່ 195 ຄົນ, ສ່ວນອະນຸປະລິນຍາສາຍຄູອະນຸບານ ແລະ ຄູປະຖົມຮັບ 110 ຄົນ, ເມື່ອທຽບ ໃສ່ປີຜ່ານມາຈະຫຼຸດປະມານ 8%, ເນື່ອງຈາກຄູທີ່ຈະສອບຄັດເລືອກ ເອົາແມ່ນເປັນໂຕເລກດຽວກັບການ ລົງເກັບກໍາຄວາມຕ້ອງການຄູຕົວ ຈິງໃນເຂດທ້ອງຖິ່ນທີ່ທາງວິທະຍາໄລສະໜອງໃຫ້ຄື: ນະຄອນ ຫຼວງວຽງຈັນ ແລະແຂວງບໍລິຄຳ                                                                        ໄຊ, ວິທະຍາໄລຈະບໍ່ສ້າງຄູໃຫ້ ເຫຼືອ, ສະເພາະສາຍຄູອະນຸບານ ແລະຄູປະຖົມໄດ້ເປີດກວ້າງໃຫ້ທົ່ວ ປະເທດເຂົ້າມາສອບເສັງ, ຊຶ່ງພາຍຫຼັງຮຽນຈົບແມ່ນຈະໄດ້ສົ່ງກັບຄືນແຂວງທີ່ມາ,ພ້ອມມີນະໂຍບາຍສຳ ລັບຜູ້ຮຽນດີຮຽນເກັ່ງ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์