ສາລະວັນ ຕີລາຄາແຜນພັດທະນາການສຶກສາ

   ວັນທີ 13 ສິງຫາ 2019 ທີ່ຫ້ອງປະຊຸມສະໂມສອນວິທະຍາໄລຄູສາລະວັນ ໄດ້ຈັດກອງປະຊຸມ ສະຫຼຸບຕີລາຄາສະພາບການສຶກສາ ແລະກີລາສົກປີ 2018 -2019 ແລະແຜນພັດທະນາການສຶກສາ ແລະກີລາສົກປີ 2019-2020 ພາຍໃຕ້ການເປັນປະທານຂອງ ທ່ານ ສີລິສັກຖະໜອມຮັກຫົວໜ້າພະແນກສືກສາທິການ ແລະກີ ລາແຂວງເຂົ້າຮ່ວມຂອງທ່ານ ເກດພັນລັກຫົວໜ້າກົມສ້າງຄູກະຊວງ ສຶກສາທິການ ແລະກີລາ, ມີທ່ານ ເຈົ້າເມືອງ-ຮອງເຈົ້າເມືອງ, ພະ ແນກການອ້ອມຂ້າງແຂວງ,ຫົວໜ້າຫ້ອງການສືກສາທິການ ແລະກີລາເມືອງ 8 ເມືອງ, ຜູ້ອໍານວຍການໂຮງຮຽນ,ວິທະຍາໄລຄູ-ສູນ,ພ້ອມດ້ວຍພະນັກງານວິຊາການ ຂອງພະແນກສຶກສາເຂົ້າຮ່ວມ.

ທ່ານ ສຸນີ ນາມມະບົວລີ ຮອງ ຫົວໜ້າພະແນກສືກສາທິການ ແລະກີລາແຂວງສາລະວັນ ກ່າວວ່າ:ໃນສົກຮຽນຜ່ານມາຄະນະນຳພະແນກສຶກສາທິການ ແລະກີລາ, ຜູ່້ບໍລິ ຫານການສຶກສາ ແລະກີລາແຕ່ຂັ້ນ ແຂວງຮອດຂັ້ນທ້ອງຖິ່ນໄດ້ເອົາໃຈ ໃສ່ປະຕິບັດຕາມພາລະບົດບາດ, ໜ້າທີ່ຄວາມຮັບຜິດຊອບສູງ ໂດຍສົມ ທົບກັບອຳນາດການປົກຄອງທຸກ ຂັ້ນ ແລະຄູ່ຮ່ວມພັດທະນາໄດ້ເອົາ ໃຈໃສ່ລົງທຶນເຂົ້າໃນການພັດທະນາການສຶກສາແຕ່ອະນຸບານຈົນ ຮອດມັດທະຍົມຕອນປາຍ ໂດຍ ເນັ້ນໃສ່ການຂະຫຍາຍຫ້ອງຮຽນ, ໂຮງຮຽນ,ສະໜອງອຸປະກອນຮັບ ໃຊ້ການຮຽນ-ການສອນ, ອົບຮົມ ແລະຍົກລະດັບຄູລວມທັງການສ້າງ ຄວາມເຂັ້ມແຂງວຽກງານການບໍ ລິຫານ ແລະຄຸ້ມຄອງການສຶກສາ ໃຫ້ແກ່ຜູ້ບໍລິຫານການສຶກສາໃນ ແຕ່ລະຂັ້ນ.

ປະຈຸບັນມີໂຮງຮຽນລ້ຽງເດັກ- ອະນຸບານຈຳນວນ 84 ແຫ່ງ, ເອກະຊົນ 3 ແຫ່ງ, ໂຮງຮຽນປະ ຖົມ 605 ແຫ່ງ, ໂຮງຮຽນມັດທະຍົມທັງໝົດ 94 ແຫ່ງ, ໃນນັ້ນມັດທະຍົມຕອນຕົ້ນ 54 ແຫ່ງ ແລະ ມັດທະຍົມສົມບູນ 40 ແຫ່ງ, ເຮັດ ໃຫ້ອັດຕາເຂົ້າຮຽນຂອງເດັກອາຍຸ 5 ປີ ບັນລຸ 70,14%, ອັດຕາເຂົ້າ ຮຽນໃໝ່ສຸດທິຊັ້ນປະຖົມສຶກສາໃຫ້ບັນລຸໄດ້ 98,9%, ອັດຕາປະລະ ການຮຽນຂອງຊັ້ນປະຖົມ  6,16%,ອັດຕາຄ້າງຫ້ອງຂອງນັກຮຽນຊັ້ນ ປະຖົມສຶກສາ 5,57%, ສ່ວນອັດຕາເຂົ້າຮຽນລວມຊັ້ນມັດທະຍົມ ຕອນຕົ້ນປະຕິບັດໄດ້ 68,41%, ອັດຕາເຂົ້າຮຽນລວມຊັ້ນມັດທະຍົມ ຕອນປາຍ 38,71%,ອັດຕາປະ ລະການຮຽນຂອງນັກຮຽນຊັ້ນມັດ ທະຍົມຕອນຕົ້ນແມ່ນ 13,97%,ອັດຕາປະລະການຮຽນຂອງນັກ ຮຽນຊັ້ນມັດທະຍົມຕອນປາຍແມ່ນ 8,29%, ອັດຕາເລື່ອນຂັ້ນ-ຈົບຊັ້ນມັດທະຍົມຕອນຕົ້ນ 85,33%, ອັດຕາເລື່ອນຂັ້ນ- ຈົບຊັ້ນມັດທະຍົມ ຕອນປາຍ 91,30%.

ຈາກນັ້ນຜູ້ເຂົ້າຮ່ວມກອງປະ ຊຸມກໍ່ໄດ້ພ້ອມປຶກສາຫາລື ແລະປະກອບຄຳຄິດຄຳເຫັນເປັນຕົ້ນແມ່ນ ການຂະຫຍາຍຕາໜ່າງການສຶກສາໂດຍສະເພາະຊັ້ນອະນຸບານ ແລະມັດທະຍົມຕອນປາຍ, ຄຸນນະພາບ ວຽກງານການສຶກສາ-ກີລາ, ນັກຮຽນປະລະການຮຽນບໍ່ມາໂຮງ ຮຽນ, ກ່ຽວກັບບັນຫາປະກົດການຫຍໍ້ທໍ້ຕ່າງໆທີ່ເກີດຂຶ້ນໃນຂະແໜງ ການສຶກສາ, ການກະກຽມກີລານັກຮຽນມັດທະຍົມທີ່ແຂວງສາລະ ວັນ ເປັນເຈົ້າພາບ ແລະງານມະຫາກຳກີລາແຫ່ງຊາດທີ່ແຂວງຊຽງ ຂວາງ,ພ້ອມກັນນັ້ນກໍ່ໄດ້ສືບຕໍ່ຄົ້ນ ຄວ້າອັດຕາຄ້າງຫ້ອງຂອງນັກຮຽນ ປະຖົມ, ການປະລະການຮຽນ, ຜົນ ການຮຽນຂອງນັກຮຽນຊັ້ນປະຖົມ ແລະການປະລະການຮຽນຂອງຊັ້ນມັດທະຍົມຕອນຕົ້ນ-ຕອນປາຍຕໍ່ກັບບັນຫາດັ່ງກ່າວບັນດາຜູ້ແທນກອງ ປະຊຸມກໍໄດ້ພ້ອມກັນປະກອບຄຳຄິດຄຳເຫັນຊອກຫາວິທີການແກ້ໄຂຮ່ວມກັນເພື່ອເຮັດໃຫ້ວຽກງານການສຶກສາມີຄຸນນະພາບດີຂຶ້ນເທື່ອລະກ້າວ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์