ບໍລິສັດຊາອຸດິອາຣາມໂກ ມີກຳໄລຫຼາຍສຸດໃນໂລກ

   ຊາອຸດິອາຣາມໂກ ບໍລິສັດ ນໍ້າມັນຂອງລັດຖະບານຊາອຸດິດ ອາຣັບບີ ເປີດເຜີຍຜົນປະກອບ ການໃນວັນທີ 12 ສິງຫາວ່າ ຕົ້ນປີນີ້ຜົນກຳໄລຫຼຸດລົງ 12% ຢູ່ທີ່ 46,9 ຕື້ໂດລາສະຫະລັດ ເນື່ອງ ຈາກລາຄານໍ້າມັນໂລກຫຼຸດລົງ ແຕ່ບໍລິສັດຍັງເປັນບໍລິສັດທີ່ສ້າງກຳ ໄລຫຼາຍທີ່ສຸດໃນໂລກ.

ຕາມຂ່າວຕ່າງປະເທດລາຍ ງານວ່າ ການເປີດເຜີຍທາງການ ເງິນທີ່ເກືອບບໍ່ເຄີຍປາກົດມີ ຂະນະ ທີ່ ຊາອຸດິອາຣາມໂກ ສະແດງຄວາມສົນໃຈໃໝ່ອີກຄັ້ງໃນການ ສະເໜີຂາຍຮຸ້ນໃໝ່ໃຫ້ແກ່ປະຊາຊົນທົ່ວໄປເປັນເທື່ອທຳອິດ ຫຼື ໄອ ພີໂອ (initial public offering) ແລະເສີມສະຖານະຄວາມເປັນບໍລິສັດທີ່ສ້າງກຳໄລຫຼາຍທີ່ສຸດໃນໂລກທີ່ມີກຳໄລຢູ່ທີ່ 46,9 ຕື້ໂດລາ ສູງ ກວ່າບໍລິສັດແອັບເປິ້ນຂອງອາເມ ລິກາທີ່ມີຜົນກຳໄລຢູ່ທີ່ 31,5 ຕື້ ໂດລາໃນໄລຍະ 6 ເດືອນຕົ້ນປີ ການເງິນຂອງບໍລິສັດ, ຊາອຸດິອາ ຣາມໂກ ເປີດເຜີຍວ່າ ປະຈຸບັນບໍລິ ສັດຜະລິດນໍ້າມັນດິບ ໂດຍສະເລ່ຍ 10 ລ້ານຖັງຕໍ່ວັນ ແລະສົ່ງມອບນໍ້າມັນລວມທັງຜະລິດຕະພັນກັ່ນໃຫ້ ລູກຄ້າເກືອບ 100% ທີ່ຜະລິດໄດ້.

ບໍລິສັດ ຊາອຸດິອາຣາມໂກ ເປີດ ເຜີຍຜົນປະກອບການຕໍ່ສາທາລະ ນະຫຼາຍຂຶ້ນໃນໄລຍະຫຼັງ ຂະນະທີ່ເຈົ້າໜ້າທີ່ທາງການຊາອຸກຳລັງພິຈາລະນານໍາຮຸ້ນຂອງບໍລິສັດອອກຊື້ຂາຍໃນຕະຫຼາດຫຼັກຊັບ ເພື່ອນໍາເງິນມາລົງທຶນໃນຫຼາຍໂຄງການ ທີ່ມີເປົ້າໝາຍນໍາພາເສດຖະກິດໍາ ຊາອຸດິດອາຣັບບີ ໃຫ້ຫຼຸດການເພິ່ງພານໍ້າມັນຫຼາຍຂຶ້ນ.

 ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์