ຣັດເຊຍຕິດຕັ້ງເຕັກໂນໂລຊີກວດຈັບໃບໜ້າ ໃນລົດແທັກຊີ

   ຍານເດກ ເອັນວີ (YandexNV) ບໍລິສັດດ້ານບໍລິການທີ່ກ່ຽວ ຂ້ອງກັບອິນເຕີເນັດຣັດເຊຍ ໄດ້ ຕິດຕັ້ງເຕັກໂນໂລຊີກວດຈັບໃບໜ້າ (facial-recognition) ກັບລົດແທັກຊີໃນເຄືອ ເພື່ອປ້ອງ ກັນຄົນຂັບຫຼັບໃນ ຫຼັງຈາກເກີດອຸບັດເຫດທາງຈາລະຈອນຈາກລົດແທັກຊີສູງຂຶ້ນ.

ຕາມຂ່າວຕ່າງປະເທດລາຍ ງານວ່າ ຍານເດກ ແທັກຊີ (Yan dex.Taxi) ບໍລິສັດຜູ້ໃຫ້້ບໍລິການ ແທັກຊີທີ່ໃຫຍ່ທີ່ສຸດໃນຣັດເຊຍຈະໃຊ້ເຕັກໂນໂລຊີນີ້ຜ່ານອຸປະກອນຂະໜາດນ້ອຍທີ່ຕິດຕັ້ງກັບ ແວ່ນໜ້າລົດຮ່ວມກັບຊອບແວ ທີ່ພັດທະນາໂດຍ ວິຊັນແລັບ (Vi sionLabs) ສະຕາອັບຣັດເຊຍ ເພື່ອກວດຈັບ 68 ຈຸດເທິງໃບໜ້າ ແລະວັດລະດັບຄວາມອ່ອນເພຍຂອງຄົນຂັບຈາກສັນຍານຕ່າງໆ ເຊັ່ນ: ການພິບຕາ, ການຫາວ ແລະການອ່ຽງໂຕມາທາງໜ້າ,ຖ້າຫາກກວດພົບວ່າ ຄົນຂັບອ່ອນເພຍ ເກີນກຳນົດຈະໂຈະບໍ່ໃຫ້ຮັບຜູ້ໂດຍ ສານເພີ່ມ ໂດຍປະຈຸບັນຜູ້ໃຊ້ບໍລິ ການເອີ້ນແທັກຊີໄດ້ຜ່ານທາງແອັບຂອງຍານເດກເອງ ແລະແອັບຂອງອູເບີຫຼັງຈາກສອງບໍລິສັດລວບລວມທຸລະກິດກັນໃນປີທີ່ ຜ່ານມາ, ມາດຕະການນີ້ສືບເນື່ອງ ມາຈາກສະພາຜູ້ແທນຮາກຖານຂອງຣັດເຊຍຈະເລີ່ມກຳກັບເບິ່ງ ແຍງການເຮັດວຽກຂອງແອັບພະລິເຄຊັນຂອງແທັກຊີຄືຍານ ເດກ ເພື່ອຍົກລະດັບຄວາມປອດ ໄພເນື່ອງຈາກຈຳນວນອຸບັດເຫດຈາກລົດແທັກຊີເພີ່ມສູງຂຶ້ນ .

ປະຈຸບັນບໍລິສັດຜູ້ຜະລິດລົດກໍ ໄດ້ເປີດໂຕລະບົບກວດຈັບໃບໜ້າລັກສະນະນີ້ໄປແລ້ວ ໂດຍລົດ ຊູ ບາຣຸບເຣສເຕີ ລຸ້ນປີ 2019 ກໍມີລະບົບຊື່ໄດຣເວີໂຟກັສ ຊຶ່ງກວດຈັບສັນຍານອ່ອນເພຍຂອງຄົນຂັບ ທາງດ້ານລົດຊີດານ ຄາດິລແລກ ຊີທີ 6 ຊຶ່ງເປີດໂຕໃນປີ 2017 ກໍໃຊ້ແສງອິນຟາເຣດໃນການກວດຈັບຕຳແໜ່ງຫົວວ່າ ຕັ້ງໃຈຂັບ ຫຼື ບໍ່ກ່ອນຈະສົ່ງສັນຍານເຕືອນໃຫ້ຜູ້ຂັບກັບມາໃສ່ໃຈກັບການຂັບລົດອີກຄັ້ງ.

 ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์