ຫວຽດນາມສົ່ງອອກ ເຕີບໂຕຕາມເປົ້າໝາຍ 7,5% ປີນີ້

  ກະຊວງອຸດສາຫະກຳ ແລະການຄ້າຂອງ ສສ ຫວຽດນາມ ຈະບໍ່ປັບເປົ້າໝາຍຕົວ ເລກການນໍາເຂົ້າ ແລະສົ່ງອອກ ເຖິງແມ່ນວ່າຈະມີສະຖານະການຫຍຸ້ງຍາກໃນປະຈຸບັນ ກໍຕາມ.

ຕາມຂ່າວຕ່າງປະເທດລາຍງານວ່າ ທ່ານ ຟານ ວັນ ຈິງ ຫົວໜ້າຝ່າຍນໍາເຂົ້າ ແລະ ສົ່ງອອກຂອງຫວຽດນາມລະບຸວ່າມູນຄ່າການສົ່ງອອກໃນ 7 ເດືອນຕົ້ນປີນີ້ຢູ່ທີ່ 145,1 ຕື້ໂດລາສະຫະລັດຕໍ່າກວ່າເປົ້າ ໝາຍ 1 ຕື້ໂດລາ, ຕາມເປົ້າໝາຍຂອງກະຊວງ ມູນຄ່າການ ສົ່ງອອກຂອງທັງໝົດປີນີ້ຈະສູງປະມານ 262 ຕື້ໂດລາເຕີບ ໂຕ 7-7,5% ເມື່ອທຽບກັບປີກ່ອນ ດັ່ງນັ້ນ ຈາກນີ້ເຖິງທ້າຍ ປີ ມູນຄ່າສົ່ງອອກສະເລ່ຍຕໍ່ ເດືອນຕ້ອງສູງປະມານ 23,2- 23,4 ຕື້ໂດລາ, ນີ້ເປັນວຽກທີ່ຍາກ ເພາະເທື່ອທຳອິດທີ່ສົ່ງອອກຂອງຫວຽດນາມເຄີຍສູງເຖິງ 23 ຕື້ໂດລາ ຄືເດືອນ ສິງຫາ ປີ 2017 ຢ່າງໃດກໍຕາມຈາກຄວາມພະຍາຍາມໃນ ການຂະຫຍາຍຕະຫຼາດ, ສົ່ງເສີມການຄ້າໃຫ້ເຂັ້ມແຂງ ແລະເພີ່ມການສົ່ງອອກຈາກລັດຖະບານ ກະຊວງຄາດວ່າປະເທດຈະບັນລຸເປົ້າໝາຍຕົວເລກການເຕີບໂຕຂອງການ ສົ່ງອອກທີ່ 7-7,5% ສຳລັບປີນີ້.

ທາງກະຊວງໄດ້ຮຽກຮ້ອງໃນຫຼາຍເດືອນທີ່ຜ່ານມາວ່າຝ່າຍນໍາເຂົ້າ ແລະສົ່ງອອກຕ້ອງເຮັດວິໄຈ ແລະປະເມີນສະຖານະການເພື່ອຕະຫຼາດສົ່ງອອກ ແລະອຸດສາຫະກຳລວມທັງຊອກຫາແນວທາງແກ້ໄຂສຳລັບຜູ້ປະກອບການສົ່ງອອກ.

 ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์